farmoza
18-12-2022 - 09:17 pm
السلام عليكم جميعاً!!
اليوم انا عزمت اروح البحرين بعد تقريبا غيبة 6 شهور بسبب الظروف الي مرت بها البلد ..
رحت البحرين لسبب واحد وهو اني اقطع الشك ان كان الجميع يدخل او لا وقلت بعدين اروح مجمع او سينما او اتعشي ومن ثم ارجع!!
وللأسف تم ارجاعي بدون ذكر سبب واضح !!
سألت المسؤول ليش يعني انا ضمن الناس هذي كلها ارجع!!
قال لي انت فاهم ليش!!!
ردة علية " انا اعرف البحرين رفعت حالة الطوارئ والان فترة السلام"!!
قال لي والله هذا قرار من الوزارة الداخلية!!
قلت ليه والله انا سعودي حالي حال المواطنيين الي جالسين يدخلوا امامي وانا رايح الي بلد شقيقة!! كل البلدان تفتح ابوابها لينا وترحب وانتم عندكم تميزمن الجسر !!
فقال ودي اساعدك اخوي لو عندك بطاقة سكانية او تذكرة دخلتك بس الان تراقبني خمس كاميرات !!
قلت ليه لا مو مشكلة عادي انا ماهمني اني ادخل البحرين اليوم قد مااعرف معني الايجراءات الي تصير من غير معني !!!
تحياتي ...
