سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رجل البريد
10-12-2022 - 05:12 am
العشاء في مطعم الماعز Au Relais de la Chevrette في برنيكس
اشكر ابو عزيز على توصيته بهذا المطعم الخطير
تجربتي فيه ربما هي من أي جمل الاوقات التي عشتها في رحلتي الاخيرة لسويسرا
بعد ما خلصنا من العب بالثلج انا و زوجتي وبنتي الصغيره في Glacier 3000
في يوم كان شديد البروده وذلك على لسان احدى الموظفات عندما سالتها
هل الجو دائما هنا بهذه البروده قالت لا لكن اليوم الجو بارد
لانه فيه هواء ولا طلعت الشمس
حطيت احداثية المطعم في" N 46 21’25.8” E006 41’51.1
وكانت المسافه المتوقعه ساعتين , كان الطريق متعب بما تحملة الكلمه
فيه انعطافات كثيره وكان رايح جاي ويحتاج تركيز عالي
ولا كنت متعود اني اسوق في مثل هذه الطرق وزياده على كذا كان فيه مطر ومليان باصات ,
اثناء الطريق سالت زوجتي هل يعقل ان نقطع هذا المسافه كلها من اجل مطعم
بس ياليت يكون الطريق صح وناصل سالمين .
وصلنا بسلام وكان مكانه مميز وجلساته الخارجية رائعه بس للاسف ما قدرنا نجلس قيها بسبب الامطار .
اول ما دخلنا ما كان فيه احد من الزبائن الا حنا
وكانت معضم جلساته محجوزه ,
اول شي طلبت منهم بعد ما جلسنا ان يشبوا النار لان رائحه حطبهم مميزه
مو مثل اللي عندنا الله يخلف ما غير دموع . )
على فكره ليش حطبهم غير اللي عندنا المره الثانيه ابشحن معي كم حزمه )
نرجع لموضوعنا اول ما جلسنا عطونا القائمه وكانت بالفرنسي
بس الحمد االله كان مقدم الطلبات يتكلم انجليزي وكان شخص رائع ,
قلت له تراني جاي من بعيد فعطني طلب عليه الكلام قال عندنا طلبات مميزه منها
الباربيكيو ويجي معه سلطه وبطاطس ويجي معه تتبيله خاصه رهيبه وانواع من الصوص
وانت اللي تشوي .
اول شي تفاجات وتخوفت من الشوي داخل مطعم قالي ترى العمليه سهله لا تخاف
قلت جيبه وخلني اليوم اكون شيف لزوجتي
متعودين نشوي في بر في استراحه لكن داخل مطعم اول مره .
بعد ما خلصنا طلب استغليت الفرصه انه مافية احد بالمطعم اخذت كم صوره بعدها بدوا يجون الزبائن .
طبعا اول شي جت السطله والبطاصس وبعدها جابوا صحن فيه ثلاثه انواع من اللحم ومعه منقد ملينان جمر مولع وبديت بالشوي ,
حسيت بالحرج من الزبائين لان رائحه الشوي مزعجه
خاصة اذا كانت في مكان مغلق وزياده على كذا كان احد الزبائن طاالبين فندو بس غير شكل فاختلطت الروائح مع بعض
بعدها شغلو مروحه شفط كبيره باعلى السقف تسحب جميع الروائح بعدها ارتحت نفسيا .
احسن ما في الموضوع انك تشوي اللحم على كيفك
تبغاها مستوي والا نصف استواء والا مستوي قوه انت وشطارتك وذوقك
كان الصحن مليان لحم اول ما جابه قلت شكله كثير
بس كنا نشوي وناكل قبل ما يبرد وعلى كذا حتى انهينا الصحن من لذته ما حسينا ان خلص .
كان سعره جدا مناسب وكلف تقريبا 48 يورو رخيص بالنسبه لمطعم مثله
اللي معه سياره اقوله لا يفوتك المطعم
كانت التجربه رائعه , ومن التجارب التي لا تنسي
اتركم مع بعض الصور


التعليقات (9)
الـلـورد ss
الـلـورد ss
يعطيك العافيه
فعلا مطعم بيت الماعز غير شكل وخاصة جبن الراكليت المشوي جنان

The universal
The universal
يعطيك العافيه واضح من تقرير بوعزيز انه مطعم يهوس
وشكرا لك لتوضيح وافادة الاعضاء والزوار ..
وهني وعافيه عليكم ..
رحلة سعيده .. رجل البريد ..

ابوفاضل
ابوفاضل
اخوي رجل البريد
هلا والله بغيت منك بعض التوضيح في اي مدينه هذا المطعم وهل هو قريب من انترلاكن
ولك جزيل الشكر

فكتوريا الشرق
فكتوريا الشرق
مشكور رجل البريد صراحه هالتقارير الصغير مفعولها قوي
حسافه ما راح اقدر اجيه لان تنقلاتي بالقطار
بس عندي سؤال كيف قمة جلاسي حلوه وهل اقدر اروح لها من جنيف وكم ساعه من جنيف

رجل البريد
رجل البريد
يعطيك العافيه
فعلا مطعم بيت الماعز غير شكل وخاصة جبن الراكليت المشوي جنان
الله يعافيك

رجل البريد
رجل البريد
يعطيك العافيه واضح من تقرير بوعزيز انه مطعم يهوس
وشكرا لك لتوضيح وافادة الاعضاء والزوار ..
وهني وعافيه عليكم ..
رحلة سعيده .. رجل البريد ..
شويه عليه يهوس
شكرا لك
اخوي رجل البريد
هلا والله بغيت منك بعض التوضيح في اي مدينه هذا المطعم وهل هو قريب من انترلاكن
ولك جزيل الشكر
هلابك
في Bernex قريب من Montreaux
اما من انترلاكن شكله بعيد واذا رحت له مايكون بس للمطعم بعده ممكن تتمشى في ايفيان وتزور مصنعها
مشكور رجل البريد صراحه هالتقارير الصغير مفعولها قوي
حسافه ما راح اقدر اجيه لان تنقلاتي بالقطار
بس عندي سؤال كيف قمة جلاسي حلوه وهل اقدر اروح لها من جنيف وكم ساعه من جنيف
القمة خيال فيها انشطه كثيره مثل الزحليقه , كم ساعه للاسف ماادري بس اطلع على تقرير ابوعزيز عنها

aboaziz
aboaziz
أخي رجل البريد وزوجته المصون
أرق وأعذب التحايا لكما
و بالعافية عليكم
كان الطريق متعب بما تحملة الكلمه
فيه انعطافات كثيره وكان رايح جاي ويحتاج تركيز عالي
ولا كنت متعود اني اسوق في مثل هذه الطرق وزياده على كذا كان فيه مطر ومليان باصات ,
اثناء الطريق سالت زوجتي هل يعقل ان نقطع هذا المسافه كلها من اجل مطعم
بس ياليت يكون الطريق صح وناصل سالمين .
والمطعم بالفعل طريقه جزء من المتعة
وهذا اللي يرغبني فيه أكثر
اسمح لي أضع روابط لتقرير المطعم للي يسأل عنها


ومازلت أبحث عن عزيز وساره

كوتي
كوتي
ماشاء الله تبارك الله
يازينك يامعطم الماعز بس مشكلتك في فرنسا
يعني نقاب ممنوع ....
طيب مافيه مطعم مثل الماعز بطريقة تقديمه للاكل في سويسرا او النمسا
ارجو المساعده من اي واحد يعرف وخاصه خبرائنا
وجزاك الله الف خير

۩ღالجــــوريღ۩
۩ღالجــــوريღ۩
اول شي تفاجات وتخوفت من الشوي داخل مطعم قالي ترى العمليه سهله لا تخاف
قلت جيبه وخلني اليوم اكون شيف لزوجتي
كسر الروتين بحد ذاته تجربه اكثر من رائعه ..
متعة السفر انك تجرب اشياء جديده ..
كل الشكر على التقرير


خصم يصل إلى 25%