السلام عليكم
اليوم نكمل لكم باقي صور اندونيسيا وبتكون في منطقة اسمها تشاباناس او ( الموية الحارة )
اكيد المنطقة معروفة جدا عندكم بس حبيت اشارك بتجربتي فيها
المنطقة تبعد عن الجبل ( بنجاك) حوالي الساعتين بالسيارة:king:
طريقها حلو ولا فيه اي مخاطر:sweatdrop
يفضل الذهاب الى هذه المنطقة في غير يوم الاجازة ( السبت _ الأحد )
لوجود زحمة شديدة بها :bounce8: لا تقولون اني ما قلت لكم
أهم شي لا تمسك الخط وانت جايع نصيحة :11mmer3:
انطلقنا بعون الله الى هذه المنطقة في تمام الساعة 11 صباحا :upset:وكنا متفقين ان نفطر الساعة 6 صباحا ونمشي على طول :2: لكن اللي معنا الله يصلحهم يالله صحو
واخيرا انطلقتا على ثلاث سيارات
والعدد كان 7 اشخاص ( نصفهم شيبان ) + 3 سواقين+ صبيين( للشيشة والجمر:m9: + ثلاث خدامات(لانهن يعرفن يطبخن الرز)
المهم بعد حوالي الساعة في الخط جاع بعض الربع فوقفنا عند مطعم :icon_puke
وهذه صورته من بره لا احد يجيه
قاموا وصفو كل اللي عندهم من اكل وحنا ماشاء الله حوالي ال15 شخص
يحطون على الطاولة كل الانواع ولا تحاسب الا عن اللي تاكله
كان الاكل بارد والله يديم النعمة
ويوم جينا نحاسب تجمعوا علينا البزقة يشوفون وش سالفة هالجيش من العرب
وكل ما نجي نصورهم يهجون
مالقطت الا وحدة ؟؟
وصلنا بحمد الله الى الموية الحارة
وجت المشكلة انك تلقى سكن ( وصلنا يوم الجمعة ) يعني بكرة اجازة وزحمة
دورنا ما لقينا الا الغالي وتطلع بكرة لانه محجوز :2:وفي الاخير وفقنا الله لمجمع عليه تماثيل خيول وهو وسط حدايق الشاي وكل الفلل اللي فيه ملك الا كم فلة تأجر وسط الاسبوع فقط ( لان اهلها يجون في الاجازة)
كان الجو جميل جدا غيم ورذاذ وخضرة واهم شي فلة تفتح النفس ( على فكرة خذينا فلتين ويالله كفتنا)
وهذه الفلة الثانية
كان وقت المغرب تقريبا والجو بارد شوي :11ld:اقترح واحد من الشباب ( الشيبان) نروح الموية الحارة وبالفعل رحنا وكانت تجربة جميلة الجو بارد والما حار
وفي الصباح تكشفت لنا معالم المنطقة وشفنا روعة الطبيعة
كان الجو خبال ضباب ورذاذ من امس
وكنا نتسابق على التصوير:8888: 
باختصار اذا وصلت لم البنجاك لازم تروح للماء الحار وتتنظف ولا تفوت هالتجربة الرائعة
لكن المنطقة اللي تقصدها هل هي تشاباناس القربية من بونجاك؟؟؟
أم (تشتر) القربية من باندونغ؟؟؟ لأني ماسمعت ان في تشاباناس موية حارة وياريت تحدد المكان بالضبط علشان نستفيد..والله يعطيك العافية