مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Don Faisal
31-10-2022 - 09:25 pm
سفرتي قربتي للفلبين مانيلا وعندي استفسار
انا مادري كم يوم بجلس هناك لذلك فكرت اخذ تذكرة ذهاب فقط
هل فيه مشكلة او مساءلة لي ؟؟
لانو بصراحه بشوف الوضع اذا تمام جلست واذا فيه مشاكل رجعت على طول
لذلك مابي اقص تذكرة رجعة وانا مادري وش الوضع
ياليت تفيدوني تكفون تكفون والله يوفقكم


التعليقات (7)
مسافر بلا محطات
مسافر بلا محطات
Don Faisal
هلا فيك يا غالي
بصراحه مافهمت قصدك
لكن حبيت أقول لك
دائماً قيمة التذكرة ذهاب فقط تصل تقريباً لنسبة 70 - 75 % من قيمة التذكرة الأصلية
يعني مثلاً إذا سعر التذكرة 4000 ريال ذهاب وإياب , تحصل سعرها ذهاب فقط 3000 ريال .
وإذا جيت راجع وتريد تشتري تذكرة إياب برضه بنفس السعر 3000 ريال
يعني طلع عليك سعر التذكرة 6000 ريال
هذه أول مشكلة مادية
الحاجة الثانية
ليه ما تشتري تذكرة ذهاب وإياب
إذا أعجبتك البلد أجلس وإذا ما أعجبتك إرجع بنفس التذكرة
وإذا ناوي على بلد ثاني اشتر تذكرة
وقيمة تذكرتك رجعها إذا رجعت
أتمنى أكون فهمت إستفسارك صح

Don Faisal
Don Faisal
الله يجزاك الف خير تصدق ان طلعت لمبة في راسي حسيت اني فاهي
كلامك جميل لك فيه نقطة اخرى وهي ان لما توصل مطار الفلبين بيطلبون منك موعد العودة ومؤكد بعد يعني ok
لذلك لازم تذكرة ذهاب وعودة
بس والله استفدت كثير من كلامك الله يجزاك الف الف خير
لكن لو جلست مثلا وانا قصيت ذهاب وعودة هل اقدر اغير موعد العودة وانا بنفس الديرة او لا ؟

مسافر بلا محطات
مسافر بلا محطات
Don Faisal
ياغالي ماعندك مشكلة
تقدر تغير حجزك من الفلبين
مكاتب الطيران بالكوم
وحتى أغلب شركات الطيران لهم مكاتب في الفلبين
تقدر تلغي حجز وتأكد حجز
وتجحز حجز جديد
المسألة بسيطة جداً
وفي المطار مافيه أحد يسالك عن حجز ولا عن غيره
الأمور تساهيل بارك الله فيك
سفرة سعيدة

travel2011
travel2011
هلا والله اخوي مسافر مشكور على ردك بس حبيت انبه على ردك الحين مع الحكومه الجديدة صاروا يسالون عن التذاكر ذهاب وعودة فانا انصح انك تشتري العودة تجنب المسالات

hamdaan
hamdaan
اذا تذكرتك على الدرجة السياحية خلي رحلة العودة على الفئة المرنة high class
  • * يصير لك خيارات كثيرة عند التغيير

رحلة موفقة وسعيدة

Don Faisal
Don Faisal
مشكورين يا شباب واستفدت كثير وبارك الله فيكم

Gerrard89
Gerrard89
لازم يكون معاك تذكره عوده مؤكده و مدفوعه..
بالنسبه للخطوط السعوديه في فئات بالنسبه للتذكره
اختر التذكره اللى تقدر تغير منها موعد الرحله


خصم يصل إلى 25%