أبي سفر لليل
08-09-2022 - 01:18 pm
السلام عليكم ورحمة الله وبركاته
كيفكم عساكم بخير يامال الخير
ويش فيكم معصبين ترى ماعندي شي مريت اسلم بس ..
واسألكم عن هالفنادق يمكن احد مرها من هنا ولا من هنا
ويقدر يعطيني العلم النافع والشافي عن موقعها نظافتها كل شيء يعني يعرفه عنها ويقول الافضل عشان احجزه
مع ابو صهرا عساه بالعافية ان شا الله خدوم مايقصر جعل اللي دلنا عليه الجنه ويشفي له اهله والغالين عليه يارب
قولوا امين
وبعدها بصوا على الفنادق بصة متفحصة وقولوا المفيد علما اني انسانه ميزانيتي للفندق في اليوم الواحد مع فطوره ماتزيد عن 700 بكل شكل من الاشكال مره
ولو فيه اقل مانقول لا نرحب بالرخص
بس مانتنازل عن النظافة والشكل العام كيف مدري المهم حاولوا
تقربوا وتسددوا وتعطوني النتيجة
فنادق تقسيم
سكاي كمر
لاريس بارك
السيناتور
نيبون
كرستال
فيرونيا
انبيرا
كارتون
واذا كلها ماتصلح وفيه احسن عادي قولوا ارحب بالاراء الجميلة والمفيدة
وبمنطقة السلطان احمد
فيه فندق مدحته هنا العضوة (ميسو 12 ) اسمهبيست بوينت شكله حلو في صور تقريرها وهي تقول نظيف وما عليه .
2_ فاروس هوتيل
3_ اردن سيتي هوتيل
4_ Best Western President
5_فندق نينا
6_ فندق بولت دمير
7_ البرنس
8_ كاليون Kalyon
ابغى اقضي حق 4 ايام في تقسيم و3 ايام في السلطان احمد حلو الكلام
اجل يالله ابغى بعد كلامكم الحلو ودولوني على الفنادق بسرعه ياحلوين
وشكرا لكم وما ننحرمش من خدماتكم
ويالله سلام
سكاي كمر في السلطان احمد وليس تقسيم تعديل بسيط ..
صدقيني مافيه احد مثلي لف ودار على الفنادق لسبب بسيط ان هالصيف اهلي اول مره بيروحون تركيا بالعاده اروح لها الحالي .. وحريص اطيح بفندق يناسب الاهل ..
بتكون اول 4 ايام في السلطان احمد واخر 3 ايام في تقسيم والفتره بينهم في يلوا وبورصه وصبنجه
الخلاصه ..
سكاي كمر كثر ما مدحوه الناس ذموه الناس .. يعني توافيق موقعه مميز قدام القراند بازار وعنده محطه الترام والباصات اللي توديك لاي مكان باقل تكلفه ..
التركيز مهم جدا الاختيارات الكثيره بتخليك تتشتت جدا ماتعرف وش تختار ..
منطقه السلطان احمد اذا تبين رايي ..
ويسترن اللي حاطته كويس
لينجسي عثمان وهذا يعرفه ابو صهرا
شقق فندقيه فاخره جدا اسمها رومنتك يعرفها ابو صهرا اذا راسلتيهم بيعطولنك سعر لشقه 5 اشخاص 140 يورو
http://romanticmansion.com/english/photos.php
فندق كايلون وعاجبني جدا وهذا موقعه بالبوكنج
https://www.booking.com/hotel/tr/kalyon-sultanahmet-istanbul.html?aid=1300939
فيه كذلك هيلتون اولد سيتي
وفيه جلال اغا 5 نجوم
http://www.celalagakonagihotel.com
افضلك تحصرين الاختيارات ..
بالنسبه لتقسيم
لقيت شقق فندقيه فاخره كذلك موقع مش طبيعي اسمها ريزدنت وسعر معقول .. انصح فيها بشده
واذا على الفنادق فيه تايتنك
http://titanic.com.tr/titaniccity.asp
وشوفي هذي كذلك رائعه
http://www.eskidjisuites.com
وفندق نيبون ماعليه كويس جربته ..
وفيه فندق جديد هناك افخم من ذولي كلهم اسمه قينون اذا ماني غلطان حاولي تاخذين فيه
اتمنى اكون ساعدتك في التخلص من بعض حيرتك : )
بالتوفيق