السلام عليكم ورحمه الله وبركاته كيف الحال
استشرت الشباب هنا في المنتدى عن المواقع اللي تستاهل الزيارة وماقصروا
واخترت سبع مواقع في الاغلب مجمعات
انا قسمت المواقع جغرافياً
المجموعه الأولى
1. المركز العلمي
2. مارينا مول
3. سوق السالمية
المجموعه الثانيه
4. الافنيوز
5. مجمع 360
المجموعه الثالثه
6. ابراج الكويت
7. سوق شرق
" على فكره كلمه الزكري مو جزء من الخارطه لاحد يروح الكويت يدورني هناك".
مثل ماذكرت في موضوعي السابق انا بأذن الله جاي يوم الأربعاء بالليل وماشي يوم الجمعه الساعه 4 العصر" احتمال ارجع الفندق ارتاح اشوي قبل المشيه"
يعني الخميس من الصباح راح ابداء اللف واكمل الجمعه لين وقت المشيه
بس ابي نصايحكم في البرنامج المواقع اللي تستاهل الزياره في النهار والأماكن اللي تستاهل الزياره في الليل وياليت تكون المواقع قريبه من بعض عشان نبعد عن المشاوير والزحمه " وياليت تفيدوني كذلك عن الأماكن اللي يكون فيها رسوم دخول او وقت زياره محدد - مثل المركز العلمي من متى الى متى يكون فاتح وكم رسم الدخول".
بصراحه سبع مواقع خلال يومين كثيره بالنسبه لي " كسول وموراعي طلعات"
الكويت هي الدوله الخليجيه الوحيده اللي مازرتها " في دولتين جدد داخلين في اللسته ماودي اعلق عليهم".
- في جميع الاحوال نتمنى الوحده العربيه - "انا خليجي يا زلمه!".
هذي الخارطه بدون تحديد مواقع ممكن تفيد البعض في زيارتهم للكويت
تحياتي للجميع
نقول الخميس ان شاء الله الصبح تروح المركز العلمي يفتح تقريبا من 9-1 ورسوم اذا موغلطانه 3,500 وبعدها سوق السالميه اتخلص من سوق السالميه على المارينا لي العصر اتريح في الفندق بوساعه ونص وبعدها تروح الابراج اتخلص من الابراج على سوق شرق وبعدين الساعه 8 تواجد في المباركيه واتمشى فيها حلووه ..
الجمعه الصبح تروح الافنيوز لي صلاه الظهر اتصلي وبعدين تروح 360 ..
وان شاء الله مايكون تعب عليك