بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



بلاستيكه بلاستيكه
رايكم يهمني برحلتي باريس جينيف انترلاكن
06-04-2014 - 07:27 pm

السلام عليكم
السفر راح يكون كالآتي
انا وزوجي
واختي الصغيرة
واولادي الثلاثه اعمارهم سبع واربع وسنتين :)

اخواني انا باذن الله خطتي كالآتي

- خمس ايام باريس موزعة بين ديزني لاند و باريس نفسها ( خذيت الجدول من بوابة فرنسا ووبختار الي يناسبني ان شاء الله)
-خمس ايام انترلاكن استقريت بالسكن على كوخين وناطره ردهم بخصوص القابليه والعنوان بالضبط واخذ رايكم
وبستفيد من جداول بو عزيز وباقي الاعضاء الكرام بجدول انترلاكن ان شاء الله
- خمس ايام جينيف وضواحيها ( ماادري وين استقر؟ ) بستفيد باذن الله من موضوع بوعزيز عشر ايام ديفون وضواحيها


الحين وقت الاستفسارات :) وادري انكم ماراح تقصرون وانشالله بميزان اعمالكم ؛)

واخيرا زوجي وافق يسوق سيارة
رحلتنا السابقة لاوربا كان متخوف بس هالمره اشوفه متشجع ولله الحمد :) المره هذي غير لانه معانا اليهال واحسن لنا سياره
فـــــــــ
- هل بالامكان استئجار سيارة من باريس والسفر فيها وتسليمها بجينيف؟
- الجارمن اشتري واحد؟ فيه نوع معين تنصحوني فيه؟ او انزل برنامج عالايفون؟؟
- تنصحوني اسكن باي منطقة جينيف والا ديفون والا اي ضاحيه فيهم عشان ابدا اسوي بحث السكن فيها؟
- بخصوص السياره الي بستأجرها احنا 6 اشخاص لازم سيارة لستة راكب؟ والا عادي اخذ سيارة لاربعة راكب مثل لانسر يعني اعتقد بتكفي عيالي نتاتيف وبتزيد بعد :) والا لازم كرسي طفل بالسيارة؟





المشاركات

دمـوع الوجـد دمـوع الوجـد
رايكم يهمني برحلتي باريس جينيف انترلاكن


شوفي اول شي انتوا مخططكم بس

باريس- انترلاكن - جنيف صح ؟؟

المفروض تستخدمون المترو في باريس وبعدين تنتقلون الى زيورخ بالقطار مباشره وبعدها تستلمون السياره من زيورخ وتروحون الى انترلاكن وبعدين الى جنيف وسلموا السياره اخر يوم بالمطار

طبعا انتبهي مووضع فرنسا لازم ماتكونين منقبه لانه ممنوع

اما السكن في جنيف وماجاورها انتوا 2بالغين وثلاثه اطفال واختك ما ذكرتي كم عمرها؟؟
اعطيني التواريخ واجيب لك سكن خصوصا انه معاكم سياره

السياره مافي شي يناسب 6 اشخاص لازم تاخذون حقت 7 اشخاص لان عند اغلب الشركات السيارات حقت 5 او 7 او 9 اشخاص هذا اللي اعرفه وانتوا لازم تاخذون حقت سبعه اشخاص
الطفله اللي عمرها سنتين 100% لازم كرسي اطفال لها واللي عمرها 4 سنوات كمان اتوقع لازم لها كرسي الافضل تجيبون الكراسي حقت السياره معاكم وتكون مع العفش او اذا مابغيتوا تطلبونها مع السياره بس شعرها شوي غالي


بلاستيكه بلاستيكه
رايكم يهمني برحلتي باريس جينيف انترلاكن


اختي عمرها 14 سنة
واولادي كبار ويقعدون هل يخالفوني اذا ماخذيت كرسي اطفال؟؟؟؟
واي لا لا تقولين شيقعدهم بكراسي سيارة راح ايننوني والله :(


دمـوع الوجـد دمـوع الوجـد
رايكم يهمني برحلتي باريس جينيف انترلاكن


يعني انتوا 3 بالغين و3 اطفال غالبا لازم تاخذون غرفتين اذا فنادق واذا شقق بنشوف

اما الكراسي هما ما لهم شغل انهم يجلسون ولا ما يجلسون النظام نظام ولايوقفونكم بالشارع وينزلون العيال منكم ووقتها حليها معاهم

انتبهي لاتغلطين هالغلطه موضوع الكراسي مهم جدا ولازم تشوفين كم اعمار الاطفال اللي لازم كراس يوتتبعين هالشي وخلي اولادك غصبا عنهم يقعدون


بلاستيكه بلاستيكه
رايكم يهمني برحلتي باريس جينيف انترلاكن


ياحسرتي دموع الوجد :) ان شاء الله خل احوس بمواضيع التأجير جوود القالي اجابة
زين وبالنسبة للسكن
انا افضل بيت فيه حديقة سواء بانتلاكن او مناطق قريبة منها او في جينيف او مناطق قريبه منها
انتي شرايج؟


بلاستيكه بلاستيكه
رايكم يهمني برحلتي باريس جينيف انترلاكن


مافي موضوع عن السيارات التأجير لازم اخذ سيارة كبيرة؟ مو عملية تكون؟


bo.nasser33 bo.nasser33
رايكم يهمني برحلتي باريس جينيف انترلاكن




بلاستيكه بلاستيكه
رايكم يهمني برحلتي باريس جينيف انترلاكن


مشكور اخوي بو ناصر حضور متميز بكل الاستفسارات الله يسهل امورك مثل ما سهلت امورنا :)



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

رايكم يهمني برحلتي باريس جينيف انترلاكن