اخواني وخواتي الغاليين ... السلام عليكم ...
بعد مشوار طويل من الاعداد والترتيب والبحث والقراءة والسهر أحياناً ...
ما باقي لنا غير أربعة أيام وتقلع طائرة أحلامنا من مطار الملك فهد بالدمام ...
على الخطوط القطرية إلى الدوحة ... ومنها إلى جنيف ...
حبيت في هالموضوع أشكر كل من كان له فضل علينا ومد لنا يد العون بكلمة ...
بنصيحة ... بموضوع أفادنا فيه بخبرته ... أو حتى كلمة تشجيع ...
وأخص بالشكر بعد الله ... أختي العزيزة "دموع الوجد" ...
اللي لولا الله ثم وقفتها الجامدة معنا ما وصلنا هالمواصيل ...
أسئل من الله ان يحفظك اختي "دموع الوجد" ويوفقك وينور دربك في الدنيا والآخره ...
عسى الله يطول بعمرك ويعطيك الصحة والعافية ... آآآآآآمين ....
وبعد حبيت أستقبل وصاياكم اخواني وخواتي قبل السفر يوم الأحد الجاي الساعة 5:30 الفجر ان شاء الله ...
سبحان الله يمكن أكون غفلت عن شي أو نسيت حاجة جل من لا يسهو ...
طبعاً يمديكم ترجعوا لمواضيعي في فترة البحث والإعداد على الروابط الجايه:
https://artravelers.com/p/re/523576
أستودعكم الله اللي ما تضيع ودايعه ...
وعلى قولة عمتي الله يحفظها ويحفظ لنا ولكم كل غالي:
ودعتكم السميع العليم ... ودعتكم اللي ما تنام عينه ... ودعتكم اللي ودعت أم موسى موسى ...
يا زينها من دعوات من لسان الغاليين ...
في أمان الله ...