karaza89
05-11-2022 - 09:16 pm
صباح الخير لجميع اعضاء المنتدى الرائع
طبعا بالنسبة الي هاد صباح وهلا فطوري امامي اتفضلو
حابة اليوم اقدملكم تقرير عن رحلتي لام قيس
هو تقرير بسيط وخفيف بس حبيت اعرضو مشان اعرفكم بام قيس للي ما بعرفها
صراحة حابة ازودكم بالصور الي التقطها شخصيا بس مو عارفة كيف ياريت لو حد يدلني
اول شي قمنا باستئجار باص على قدنا واللي كان سعرو مناسب النا
طبعا تم الانطلاق في الساعة العاشرة صباحا... والطريق ما حسينا فيه نهائيا .... يمكن لانو زي ما بتعرفو الرحل الجماعية ...احلى شي فيها الباص الي بنقضي الوقت فيه بالغنى والضحك وبنكون بكامل نشاطنا
طبعا يمكن استغرقت الرحلة نص ساعة وشوي لانو كتير ام قيس قريبة على اربد وتعتبر منها وفيها
طبعا اول ما وصلنا كان في قدامنا باركنج للباصات والسيارات وكان جنبهم بازار لفحات الوطنية والشماغ والزي وكشك لبيع المرطبات والماي وطبعا بازار للكتب السياحية بجميع اللغات
طبعا لا تنسو تجيبو الماي معكم ارخص خاصة انو الجو كتير حار
طبعا امامهم في مدخل لاقيس الاثار وفي مكان لقطع التكت بس احنا كانت مجانية للاردنيين بس لغير الاردنيين قليلة موهالشي الكبير
دخلنا لمنطقة الاثار وكانت روعة واشكال غربة وصخور وحجار غريبة ...
طبعا اللي حينبسط هو اللي بحب هاي القصص والاثار...
تقرير روعة وشرح خفيف الظل متلك.. فيكي تنزلي الصور من حسابك بالموقع تحت اسمك في ايكون صوري.. في شرح كيف تنزليهم.. احفظيهم هناك واعملي نسخ للرابط ونزليهم هون.. حياكي الله وناطرين الصور لتقرير كنا بحاجة له. يسلمو دياتك ياغالية. وحياكي الله