المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ثلج ومطر
30-05-2022 - 09:59 am
السلام عليكم ورحمة الله وبركاته
اول شي احب اشكر كل الي ساعدوني في هذا المنتدى الرائع
وابشركم خلصت حجوزات الفنادق والطيران والفيزا
ما بقى الا السياره
المشكله كالاتي
الفيزا اللي استخدمها في الحجوزات من بنك الراجحي اسمها تسوق وارقامها مو بارزه بس واضحه


التعليقات (9)
samyam
samyam
هلا اخوي فعلا فيزا الراجحي مكتوبة الارقام غبر
مقبوله لعدم وانصحك باستخراج فيزا مسبقة
الدفع ( الشحن) من البنك الاهلي
استخرجتها قيمة الاشتراك السنوي 100 ريال
تربطها بحسابك في الاهلي وتحول منها واليها مجاننا
ولك مني اجمل تحيه
اتمنى ان تخذ فيزتين للاحتياط

ثلج ومطر
ثلج ومطر
الله يجزاك خير
الراجحي نفس الشي شحن و غير الحساب الجاري طبعا
بس ارقامها مو بارزه
اجل قولك اطلع بطاقه ثانيه
طيب وش رايكم بالبريطاني لان عندي حساب فيه
الاهلي ما عندي حساب ولا ودي افتح حساب عشان فيزا

الجنتلمان
الجنتلمان
اهلين اخوي ثلج ومطر انا نفسك كان معي بطاقة تسوق بس حجز فنادق اما حجز السيارة لازم تكون حروفها بارزة وانا قبل اسبوعين رجعت من المانيا وحجزت سيارة من يورب كار بس اسمع الخطوات الي اقولها وطبقها من بكره .
1- مر البنك الاهلي وعبي الفورم بطاقة ماستركارد مسبقة الدفع
2- تدفع 100 ريال لاصدار البطاقة و 50 ريال شحنها عن طريق ارامكس
3- مايحتاج انك تفتح حساب عندهم
4- تاخذ مدة اسبوع ويتصلون عليك تستلمها
5- تأكد من تطابق الاسم الي بتسجله بالانجليزي بالفورم نفس الي بالجواز وايضا اذا استلمت البطاقة تأكد من تطابق الحروف ولا ماراح يقبلونها
6- اشحن البطاقة بالمبلغ الي تبيه وزياده لانه الفنادق حتى بعد خصم المبلغ يحجزون مبالغ احتياط الين تغادر الفندق وايضا تأجير السيارات يحجزونها مده احتمال يكون عليك مخالفه ولا شي ومن ثم يخصمونها من المبلغ الي ماسكينه
7- طريقة شحن البطاقة تاخذ المبلغ معاك وتاخذ رقم انتظار صرافين وتعطيه المبلغ وبطاقة الماستر كارد وتقولها ابي اودع فيها المبلغ الفلاني وكان الله غفورا رحيما

الجنتلمان
الجنتلمان
ولاتنسى لازم تكون بطاقه احتياط وبها مبلغ مالي مثلا حصل لي بطاقة الماستركارد كان الفندق يبي يحجز مبلغ 500 ريال وماشتغلت معهم فعطيتهم بطاقة تسوق وحجزو المبلغ

samyam
samyam
لا شكر على واجب اخوي
وشكر خاص لاخوي جنتلمان
ولكن اختلف معه في بعض النقاط
وهي انه لازم يكون عندك حساب بالاهلي
و يتم ربطها بالحساب وعمليه التحويل مجانا
والاشتراك السنوي كما سبق ذكره 100 ريال
بخصوص البريطاني ما اكذب عليك فانا لا اتعامل معهم
نصيحتي لك اذا معك وقت افتح حساب بالاهلي واستخرج ف
ماستر من عندهم نشط الهاتف المصرفي والاهلي اون لاين و
وضبط امورك بنفسك واي استفسار انا موجود
بالنسبه لي الاهلي لا يعلا عليه والقرار لك اخوي

CUTE MAN
CUTE MAN
هلا اخوي حقت الاهلي فيها مشكله وحده بس طبعاً عن تجربه
اذا اشتريت منها يكون سعر الصرف غالي جداً عند الشراء باليورو يتمل تحويل المبلغ الى الدولار بعدين الريال
بضرب لك مثال العام الماضي كان سعر الصرف 4,9 تقريبا من الريال لليورو
بنك الاهلي حاسبها علي 5,7 ويعتبر سعر الصرف غالي
واحلى مافيها انك تقدر تستاجر سياره منها

الجنتلمان
الجنتلمان
اخي العزيز samyam بخصوص بطاقة الاهلي لايحتاج ان تفتح حساب لديهم فقط اطلب البطاقة الماستر كارد المسبقة الدفع بدون فتح حساب
انا لدي بطاقة الماستر كارد الاهلي وليس لدي حساب لديهم والحمدلله ان احتجتها اذهب الخدمة العملاء بالبنك واسلمه البطاقه والمبلغ واطلب ايداع وعلى هذا الموال .

samyam
samyam
الجنتلمان
اخوي جنتلمان شاكر لك مداخلتك
بالنسبه لي استخرجتها وكان عندي حساب بالاهلي سابق
ولكن لا اخفيك هل هو ضروري ام لا ولكن بدون الحساب من
وجهت نظري المتواضعه متعبه لانني ربطتها بحسابي
واقدر احول لها بسهوله اما عن طريق الاهلي اونلاين
او الهاتف المصرفي وتكون عملية التحويل فوريه
بدون رسوم سواء من داخل او خارج المملكه
و لو كانت تستخرج بدون حساب متعبه لانك مجبور تروح تدع فيها
عن طريق الفرع واذا كنت بالخارج كيف تحولها ؟
كلام على عيني وراسي بس الافضل ربطها بحسابك
حتا عملية السحب ياخذو رسوم سحب بالنسبه لي ارجع
احول المبلغ من الماستر لحسابي مجانا
ولك مني اجمل تحيه
كلامي يضل وجهة نظر قابله للنقد

فهد2010
فهد2010
السلام عليكم
انا صارت معي نفس المشكلة لبطاقة الراجحي تسوق في مطار دبي الدولي
مارضيت ولا شركة تاجير تقبلها بس سنعة اموري مع بدجت واقنعتهم يأخذون 1000 وريال ورهنة البطاقة الشخصية
بس قالي اذا سألك احد برا قول انك استأجرتها بالفيزاا طبعا كلها بربرة بالانكليزي بس ماعرفة جنسية الموظف ههه
ولما رجعتها حاسبته كاش واخذت الفلوس والبطاقة
استفسار
انا جيت البنك الاهلي لاستخراج بطاقة مسبقة الدفع قالي الموظف لازم تفتح حساب واحتمال تأخذ شهر البطاقة
بس انا عندي حساب بالبريطاني هل تنصحوني فيه


خصم يصل إلى 25%