الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
marcopolo_ku
09-11-2022 - 04:08 am
السلام عليكم
احلى تحيه على شباب الكويت الابيه
وحشتوني وايد
ابي منكم خدمه
بعون الله راح اسافر مع العائلة على الكويت شهر 7 وراح نسكن في هولدي ان السالمية وطبعا راح يكون معانة السواق ( الدريول ) فحبيت اعرف منكم يا شباب شنو اقرب الفنادق الرخيصه او السقق في السالميه اقرب شيء لفندق هولدي ان السالميه شقق او فندق يكون رخيص وسعره مناسب ما يتعدى 18 دينار ؟
تحياتي لكم ...


التعليقات (6)
q8ya metnaqla
q8ya metnaqla
marcopolo_ku
ابي منكم خدمه
بعون الله راح اسافر مع العائلة على الكويت شهر 7 وراح نسكن في هولدي ان السالمية وطبعا راح يكون معانة السواق ( الدريول ) فحبيت اعرف منكم يا شباب شنو اقرب الفنادق الرخيصه او السقق في السالميه اقرب شيء لفندق هولدي ان السالميه شقق او فندق يكون رخيص وسعره مناسب ما يتعدى 18 دينار ؟
تحياتي لكم ...
يا حياكم الله وبتنور الديره
اقرب شي فندق ايبس بس ليلته اعتقد 25 .. ان شاء الله اذا احد من الاخوان يعرف عن الشقق مايقصرون معاكم ..
وحياكم الله في ديرتكم

marcopolo_ku
marcopolo_ku
تسلمين اختي q8ya metnaqla
على المساعده بس بغيت ارخص من هالسعر ياريت باقي الاخوان يساعدونه في هالموضوع يكون السعر ما يتعدى 18 دينار كويتي لليله .

marcopolo_ku
marcopolo_ku
اشدعوه يا جماعه الخير 28 زائر للموضوع ماكو احد عنده فكره عن الفنادق الرخيصه القريبه لفندق هولدي ان السالمية
ابي فزعتكم يا شباب وبنات الكويت ...

ترفق عذولي
ترفق عذولي
ماهقيت وانا اخوك تلاقي بالكويت فندق ب 250 ريال
دور بفنادق وشقق بنيد القار يمكن تلاقي ارخص

marcopolo_ku
marcopolo_ku
ترفق عذولي
تسلم يالغالي بس فديتك ترى انا اعرف فنادق بنيد القار اكو على 15 دينار واقل بس انا ابيه للسواق عشان يكون جريب لنا وقت ما نبيه يكون قريب لنا
انا والعيله راح نسكن في هولدي ان السالميه .
همتكم يا شباب ابي فزعتكم ؟؟؟

السفير الملاك
السفير الملاك
السلام عليكم يا الغالي أقرب فندق على حد علمي فندق قيصر والرويال ان واللي حوليهم مجموعة فنادق وشقق مفروشة وتبدأ من 15 دينار الى 25 دينار في السالمية شارع البحرين وبنفس الشارع اللي فيه جمعية السالمية الرئيسية وحيالك الله با الكويت وسامحنا على القصور.


خصم يصل إلى 25%