..{ بسم الله الرحمن الرحيم ،،

{ .. , السلآُمِ عِلًيَكٍمً , .. }

اولا اعجبتني فكرة التقارير عن الرحلات
وما كنت ادري عنها
والا كان صورت لكم كل كل شي
لان ابد ماجا على بالي وانا اصور ان ممكن انزل صوري بالنت
و صوري ابد مو صور تصلح لتقرير لان اغلبها كانت شخصيه
بس قدرت اختار لكم بعض الصور
ï ويارب تعجبكم !!

الرحله ماكانت للسياحيه بالدرجة الاولى
يعني الهدف من الرحله ما كان للسياحه ابد
ابوي كان عنده بعض الاشغال بقطر وعلى اساس يروح لوحده
وفجأه قررنا كلنا اننا نروح معه
وتيسرت الحمد لله
واهم شي اروح السينما
يعني ماكان مخطط لها لا من ناحية الميزانيه ولا الترتيبات
كان قرار سريع للرحله بس الحمد لله انبسطنا فيها

المهم حجزنا في وقت قصير ومشاء الله عددنا كثير يعني زين لقينا رحله
حنا 5 ومع الشغاله 6
يعني مو بسهولة تلقى رحلة في اقل من 24 ساعه ل 6 اشخاص
ومالقينا حجز على الخطوط السعودية وحجزنا على الخطوط القطريه ( فاشله وشينه ويع ) رغم انها اغلى من الخطوط السعودية
الخطوط القطريه مره سيئه سوري من القطرين ورغم ان الخطوط السعودية شينه مره وسيئه بعد بس يوم شفت الخطوط القطريه اسوء من السعودية بصراحه
احلى شي بالخطوط القطرية وصلنا بسرعه
ههه
هذه بعض الصور
صورتها بكاميرتي دلوعتي
وراح ابدأ التقرير خطوه بخطوه ويارب يعحبكم
يتبع ،،