1. السلام عليكم ورحمة الله وبركاته


2. كيف الجو بزيلآمسي في شهر سبتمبر و أكتوبر ؟؟

السلام عليكم ورحمة الله وبركاته

شباب وصبايا أنالآحظت إن الجميع يستأجر سياره من ألمانيا ويطلع فيها على النمسا ولكن أنا قررت إني أغير هالفكره وأشري لي سياره من ألمانيا وميونخ بالتحديد بحكم إن سعر السيارات رخيص هناك طبعا السيارات اللي موديلها قديم يعني بالتسعينات مابي أفخفخ أبي سياره تقضي الغرض يعني مثلآ لقيت أوبل ديزل ومكيفه ب 390 يورو بس أتوقع إن مشترآهآ أفضل من إني أستأجر سياره ولكن المشكله هنا اللي ماني عارف حلها هل أقدر أسجلها بأسمي بأوروبا ؟؟ أو بألمانيا بالتحديد وأتمشى فيها دآخل أوروبا ؟؟ وإذا أقدر هل فيه ضريبه عليها ؟؟؟
عندي أسئله كثيره وأبي أكتبها كلها هنا وإن شاء الله إني ألقى اللي يجاوبني
هل أقدر أسجل سياره بأسمي ملك ؟؟
هل أقدر أتمشى فيها بين دول أوروبا أو فيه ضرآيب ؟؟
هل أقدر أشتري بيت بالنمسا ؟؟
هل أقدر أستثمره ؟؟
كم سعر لتر البنزين وكم سعر لتر الديزل؟؟
كم أسعار البيوت بزيلآمسي ؟
كم أسعار البيوت الصغيره ولو صغيره جدآ غرفتين وصالون بزيلآمسي أو حوآليها بالضوآحي بحيث ما يبعد أكثر من 20كم ؟؟؟

كيف الجو بزيلآمسي في شهر سبتمبر و أكتوبر ؟؟

وين الأفضل إني أحجز الفنادق أو الشقق من النت أو مكاتب السفريات أو من المطار أو من نفس صاحب العقار ؟؟
شباب وصبايا أنا بخاطري أروح أوروبا وزيلآمسي بالتحديد وودي تكتبون لي كل الأماكن السياحيه القريبه منها بقطر 50 كم من جميع الإتجاهات وكم سعر التذاكر لكل موقع سياحي سواء طياره شرآعيه أو تلفريك أو كهف أو شلآلآت أو أي موقع سياحي عشان أقدر أحسب أموري بالتمام والكمال لأني بصرآحه من الطبقه الكادحه وهالرحله رآح تكون رحلة العمر لي إلآ بحالة إنه يكون مسموح لي أستثمر العقار هناك فأتوقع إذا الله قدرني إني أخذ لي كم قرض وأشتري لي عماره هناك وأخليها سياحيه
أتمنى ما أحد يضحك على كلآمي لأنه طموح ومشوآر الألف ميل يبدأ بخطوه بس لآزم تكون بالإتجاه الصحيح
أتمنى تسآعدوني يا أهل الخبره