الفلبين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hmmh
27-10-2022 - 10:21 pm
اخواني الاعزاء اخي بسافر الى الفلبين ولمدة 15 يوم يستقدم عمال وحجز في فندقcitystate tower hotel في ارميتا شارع مابيني
ارجو من احبتي هل الفندق نظيف وآمن فأنتم المرجع الريئسي بعد الله للمسافرين وشكرا لكم 0000


التعليقات (7)
zabinx
zabinx
انا سكنت فيه قبل واسعاره حلوة وموقعه ممتاز على شارع مابيني والغرف نظيفة وخدمتهم رائعة والموظفين محترمين, الغرفة الي سكنت فيها كانت جونيور سويت كأنها صالة وغرفة نوم مفتوحة على بعض بس حركة وعلى ما اذكر كانت ب 3200 بيسو بس وعندهم غرف ارخص, والامان فيه كويس بس انتبه من الكلاب البوليسية ما تدخل الفندق لين تمر عليهم
والامن محترمين مرة صار لي موقف معهم مرة بس ما اقدر اذكر الموقف هنا منعاً للاحراج هع هع هع
بس على فكرة الغرفة ما فيها سيفتي بوكس , السيفتي بوكس في الاستقبال لكن اغراضي الثمينة كنت اخليها في الغرفة وكانو النظافة يجون يومياً ولا صار اي شي الحمدالله.
وفيه كازينو في الفندق
وفي الصالة كافيه يحبه قلبك.
باختصار الفندق كويس
ادري كلامي كثير بس اتمنى اكون افدتك, واتمنى لك سفرة موفقة

hmmh
hmmh
عزيزي الغالي zabinx انا اشكرك من اعماق قلبي على الافادة القيمية وارجوك كيف انتبه من الكلاب البوليسية اين تكون ؟ وهل السيكورتي يمنعون الزوار للشخص ؟ ويش الموقف اللي صار معك ههه ؟ وارجو الافادة هل الفندق قريب من النوادي الليلية ومن مكاتب الاستقدام؟ شكرا لك وللجميع

رجنت
رجنت
hmmh
طرحك ليس له اجابة لدينا في البوابة لانه البوابة تختص بسياحه وليس للاستقدام

hmmh
hmmh
شكرا لك ياستاذ رجنت على الايضاح

zabinx
zabinx
hmmh
لا ما عليك لا تشيل هم الكلاب عند الباب بس تمشي الشناط الي معك وبعدين تدخل اما اذا ما معك شي عادي.
بالنسبة للسؤال الثاني ما احد يمنعك ولا شي تدخل الي تبي بس لازم تكون حريص مو اي واحد تدخله وياريت تسجله عند الامن تحت, وبعد اذا جو يطلعون الزوار يوقفهم الامن ما يخليهم يطلعون لي يستأذنون منك.

salary-2008
salary-2008
صباح الخير للجميع magnda omaga
اولا انا متابع للبوابة من فترة واستفدت منها كثير في سفرتي الاخيرة
من اخواني المشرفين والاعضاء
رجنت && تلاقا && العاطل && zabinx
شكرا لكم جميعا
والمعذرة اذا نسيت احد
.......
بالنسبة للفندق
انا سكنت فيه اخر 4 ايام يقع في مابيني بالقرب من روبنسون
اخذت غرفة 3500 بيسو مدري وش نظامها بس كانت حلوة لان ولد عمي هو اللي حجز كل واحد غرفه
تعرفون الانجليزي عندي مو ذاك الزود
الفندق حلو من ناحية الهدوء كان عندهم بريك فاست الصباح مجانا (فطور)
طبعا اي احد يقدر يزورك بس وقت ماينزل تحت يكلمونك على التلفون علشان يروح
اول مادخلت الفندق كان معانا شنط الا ويقوم ذاك السكرتي معاه كلب (تكرمون) كبير ويخوف بس اول ماتسكن
صار لي موقف مرة دوبني نمت والا يجيني حق الروم سيرفس ويزعق عند الباب صج امي واقوم من عند السرير
اقوله go home
من اليوم الثاني حطيت عدم الازعاج ولا احد تعرض لي
كانو يحطون جريدة اقوم احصلها عند الباب
السفتي بكس تحت مفتاح عندك ومفتاح عندهم
الانترنت موجود واي فاي كنت اخذ ساعة اعتقد 100 بيسو
روبنسون قريب محل صرف العملة في الجهة المقابة لهم وايضا تحت في الاستقبال يصرفون لك
بيت الشاورما قريب المكاتب الاستقدم قريبة
على فكرة شفت كذا واحد عربي ساكن في الفندق
هذا اللي اعرفه عن هذا الفندق
للعلم هذي اول مرة اسافر فيها

hmmh
hmmh
الاخوان الاعزاء zabinx وsalary-2008 شكرا لكما على افادتي والله يا اخوان ان تعاوننا على ايصال المعلومة لمن يحتاجها يكون الشخص ماشي على نور ويحسب حسابه في كل خطوة يخطوها واخيرا اقول لكما ولجميع من رد على استفساري الا شكرا له من اعماق قلبي الان بيسافر الواحد وهو على بينة والله يحفظكم


خصم يصل إلى 25%