لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
واحديتمشى
20-06-2022 - 07:28 pm
السلام عليكم ورحمة الله
عندي رحلة الى لندن لمدة 16 يوم ان شاءالله بشهر جولاي
وبصراحة ماقد رحتها من قبل ومحتار كيف اوزع الايام بينهم
سمعت كثير عن برايتون وقريت تقرير عنها بالشرق الاوسط قبل فترة
فإذا ممكن تساعدوني في توزيع الرحلة
بحيث تكون الاقامة في لندن ببداية الرحلة للتمشية
وفي نهايتها لاكمال التمشية والتسوق
واكون لكم من الشاكرين
ويسعد مساكم جميعا


التعليقات (9)
aLKuwaitia
aLKuwaitia
في وايد اماكن بلندن تستحق الزياره غير برايتون ..
يعني مثلا ممكن تقعد اول 5 ايام بلندن
بعدين تروحلك يومين برايتون
يومين مانشستر
يومين البحيرات او الريف او ليدز او غيرهم
و ترجع لندن .. علي حسب انت شتحب ؟
و بلندن تخلي مثلا
يوم .. البيق بص يلف فيك تشوف معالم لندن و اهم الاماكن السياحيه
يوم .. تروح بيستر فيلج .. و اذا رديتو تروح تتمشا في الهايدبارك و اذا في وقت بالليل تروح تتعشا بمطعم و الا تريحون و الا تتمشي بالبيكاديلي
يوم .. تروح كوفنت قاردن من الصبح لي الظهر العصاري جذي .. تروح عقبها النايس بريدج هارودز و ربعه و تتغدا هناك و تتمشا لي الليل
يوم .. تروح الصبح البورتابيللو .. تخلص علي العصاري تروح النهر تاخذ لك رحله نهريه و تشوف اللندن اي عدل و الجسر و تتمشى هناك ..
يوم تروح الويستفيلد مول .. بياخذ نص اليوم و بالليل تروح تتمشى في البيكاديلي و تدخل تشوف الاشياء اللي هناك ..
يوم تخليه كله تمشي بالاكسفورد و البوند و الريجنت حق المشتريات ..
يوم طلع برا تروج البورتسموث مثلا تتمشا و تزور الاوت لت اللي هناك ..
يوم تروح تشوف ليدز .. او تزور منطقه باث للاسترخاء ..
يوم ممكن تروح الحدايق الريجنت و كيو و غيرها .. او اذا تحب متاحف و العصر الهايد بارك
لندن ما تنمل و لا تخلص

أبــوعبدالله
أبــوعبدالله
ماشاءالله عليج خبيرتنا على الفزعه ماعندي كلام أضيفه بعد خبيرتنا
جزاج الله خير

واحديتمشى
واحديتمشى
يسلمو اختي الكويتيه
والله انا خايف من الملل اذا طولت بلندن
مع ان برنامجك مرره حلو

واحديتمشى
واحديتمشى
يعطيك العافية ابوعبدالله
طيب والريف
هل فيه ريف معين اقدر اروحله؟
تعرف وانا اخوك زوجين مثل الكناري ودهم بطبيعة جميلة

aLKuwaitia
aLKuwaitia
بالنسبه للريف هالمواضيع بتفيدك .. و استخدم خاصيه البحث بتلاقي وايد اشياء تفيدك و تساعدك
https://artravelers.com/p/re/209474

واحديتمشى
واحديتمشى
لاخلا ولاعدم اختي الكويتيه
تحمست من جد وربي اروح للريف
وشكلي بحط المخطط
لندن - الريف - لندن
من جد الف شكر لك

المسافر ـآلصغير
المسافر ـآلصغير
الكويتيه / احس برايتون يكفيها يوم
وممكن يروحها من لندن احسن
واحد يتمشى / هذا جدول غير
5 لندن
3 مانشستر وممكن منها يوم كامل بلاك بول
3 البحيرات
الباقي لندن ولكن هالمره رحلات يومية ,, برايتون,بورتسموث,ونسر,جرينيش,مصنع الشوكلاته كادبوي,بيستر فيلج .... الخ
واذا ما تبي لندن ممكن تروح سكوتلند او كارديف وبأمكانك تقلل ايام مانشستر اذا ما تبي بلاك بول
ورحلة سعيدة

موادع1
موادع1
ماقصرو الخبراء
واي خدمه حاضرين

واحديتمشى
واحديتمشى
المسافر آلصغير
يعني برايتون قريبة من لندن؟
وبلاك بول يمدحونها
يسعد ايامك اخوي


خصم يصل إلى 25%