زيورخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
شرقاوي RT
07-12-2022 - 03:10 am
  1. بسم الله الرحمن الرحيم

  2. تفاح !!


بسم الله الرحمن الرحيم

بعد توفيق من الله وفضل هذا المنتدى العظيم تخمرت فكرة السفر لسويسرا وجلست اقلبها يمين يساار براسي وقلت ياولد االدنيا فانيه فلها وربك يحلها مع هالاقساط الي كسرت ظهورنا الله لايبارك في هالبنوك ووكالات السيارات خ
تخطيطي للرحله كان قبل السفر ب 7 شهور واستفدت كثيرا من تقارير الاعضاء وبالذات ابوعزيز ورجل شرقي الله يجزاهم الجنه على كل كلمه وحرف ساعدتنا بالسفريه ...
الموهم نخش بالموضوع ..
اول خطوه كانت تذاكر الطيران واستقريت بالاخير على طيران الامارات وكانت التذاكر بمبلغ 2600 ريال للشخص والاجمالي كان 5200 ريال
وبعدها بديت بالسكن وكان كالتالي : 7 ايام انترلاكن (جريندلوالد ) بمبلغ 1900 ريال
رابط الشقه الخياليه والاكثر من رائعه http://www.cartrawler.com بقيمه 1900 ريال ل 15 يوم والاستلام والتسليم من مطار زيورخ يعني تكاليف السفره الكليه : 5200 تذاكر + 4200 سكن + 1900 سياره + 5500 ريال مصاريف اكل وتسوق ... الخ = 16800 ريال حبيت ابين لكم اني حاط ميزانيه 30 الف ريال قبل السفر وبعد السفر اكتشف اني صرفت نصها يعني تخيلوا لو اني اقتصدت في التسوق كم بتكون التكلفه !!! طبعا التقرير بيكون دفعه واحد اسهل لكم ولي تراني كنت اعاني لما اقرا تقرير بخمسين صفحه وكل حلقه تنزل بالقطاره طبعا وصلنا مطار زيورخ بتاريخ 26-7-20 10 وعلى طول خذت السياره من بدجت وماطلبوا مني الرخصه الدوليه دام الرخصه المحليه مترجمه لكني حتى لو سافرت مره ثانيه بطلع الرخصه الدوليه دامها بسعر رمزي 150 ريال والاحتياط واجب .. ودايركت من المطار لجريندلوالد والطريق كان مرعب جدا لانه وقتها كان ليل والمطر ماوقف والطريق الله لايوريكم جبال ومنحدرات توقف القلب والحمد لله وصلت لجريندوالد الساعه 12 الليل وكان بانتظاري صاحب البيت الخشبي لانه ساكن فوق .. طبعا بتلاحظون ان الصور مكتوب عليها بالحارث وهذا هو معرفي الاصلي بالمنتدى وحاولت استعيد الباسوورد لكن ماقدرت فسجلت امس باسم شرقاوي RT ونزلت التقرير
صورة الشقه وشقتنا الي بابها مفتوح
وهذي المبروكه من نوع نيسان مايكرا
صور اخرى من الشقه
وانا بالطريق لانترلاكن الي تبعد 20 دقيقه
وطبعا كان برنامجي اليومي نتمشى في جريندلوالد الي ماتنمل وننزل لانترلاكن يوميا
وبالنسبه للافطار فانا انصح وبعنف بالافطار في Migros الي بجانب محطة القطار الغربيه interlaken west
شوفوا الفطيره الدلع هع هع
فندق Krep
نرجع لجريندلوالد
رحت لمبنى الانفورميشن سنتر اخذ لي بطاقة وايرلس لشركة Swisscom وتفاجأت بوجود مسبح وصاله رياضيه جلسنا نتابع مجموعه يمارسون رياضة الباليه
وهذا تمثال قدام الانفورميشن بس شكله كان اقشر
مازلنا بالفاتنه جريندلوالد
ياحظ بقرهم
مجموعة ورود على الرصيف
باليوم الثالث قررنا نروح نتغدى بقرية Iceltwald
وياسبحان الله على طبيعتها وجمالها
وطبعا قبل ماتوصل القريه لازم توقف السياره بمواقف خارج القريه وتنزل مشي للقريه لكن انتبهوا ترا الرجعه للمواقف تهلك الواحد وحاول قدر الامكان يكون معاك عصا للمشي عشان تاخذ عزم ولا تراك بتبوش ...
طبعا شوفوني جالس اعلم عائله امريكيه كيف يدفعون قيمة المواقف هع هع
يازينها زينها ذي المويه
حتى حطبهم مدلعينه
باخره سياحيه
فندق ومطعم Strand Hotel جلساته الخارجيه ترد الروح
وترا مافي الا هو بالقريه لانها صغيره جداا
ونصيحه للي مو مطول يدخل القريه بسيارته ويوقف بمواقع مطعم Strand Hotel
القريه خلفي

تفاح !!

باليوم الرابع قررنا نزور قمة اليانفراوخ الشهيره وكان ببالي ان التذكره بقمية 170 فرنك للشخص وتوكلت على الله لمحطة جريندلوالد وحصلت عنهم عرض خيالي اسمه Early Morning بنصف القيمه وشروطه انك تطلع على اول رحله الساعه 7 الصباح وترجع على اول رحله الساعه 12 الظهر يعني لك تقريبا 3 ساعات ونص بالقمه وطلعت القيمه الاجماليه لشخصين 170 فرنك
والحين مع الصور
العائله اليابانيه هذي امرهم غريب شكلهما كانوا مغشوشين بشي خ
كانوا نايمين طول ماطلعنا بالقطار ويوم وصلنا كملوا نومتهم فوق وبعد ماقررنا نرجع انا والمدام حصلناهم باقي نايمين ههه
يعني الاخوان نايمين من الساعه 7 الين 12 الظهر


التعليقات (9)
شرقاوي RT
شرقاوي RT
لحظة الدخول لعالم الثلج

رجعنا بالوقت المحدد وعلى طول خذت السياره من مواقف محطة جريندلوالد ونزلت لانترلاكن للمحطه الغربيه Interlaken West عشان نركب الباخره وياسبحان الله على الطبيعه
طبعا تقدر تحدد المده بالباخره وانا طلبت ساعتين وحدد لي الكابتن المجطات الي بنوقف فيها وكانت على ما اعتقد 4 محطات وبقيمه اجماليه 77 فرنك للشخصين

كهف BeatusHauhlen

طبعا بما اني طلبت ساعتين فقطقرية نزلنا بمرفأ Faulensee وجلسنا فيها 10 دقايق بانتظار الباخره الي تمشي بالاتجاه المعاكس ومن حسن حظي ان الباخره على الطراز القديم البخاري وتقدر تشوف تروسها ومعداتها من داخل الباخره

نتوقف هنا.. اصابعي نملت من التعب خ
باقي التقرير بينزل بالكامل ان شاء الله خلال هاليومين

بيبسي كولا
بيبسي كولا
تفجرت احاسيس الشوق لهذا البلد الجميل
واول مشاركه لك
تعتبر مشاركه من الطراز الاول
ماشاء الله تبارك الرحمن
اخي الكريم
نقلتنا من عالمنا الممتلئ بالاشغال الى عالمك الخيالي والرائع
وفجرت كل احاسيس الشوق لهذا البلد
اعجبتني طريقة حجزك المبكره
شكرا لك ولمشاركتك
وتقبل مروري المتواضع
محبك
ببسي كولا

يوتوبيا
يوتوبيا
ماشا الله عليك أخوي شرقاوي والله التقرير من بدايته روعه والميزانيه اروع
عجبتني القريه الصغيره ياليتك تحط احداثياتها
والباخره السياحيه هذي في مكان مخصص والا طول البحيره نلاقيها ادري اسألتي كثيره لكن وش اسوي
سفرتي قربت واحس كل المعلومات اللي براسي تبخرت خ

شرقاوي RT
شرقاوي RT
بيبسي كولا
مشكور يالغالي على الرد الاكثر من رائع وردك حمسني اكثر اني انزل اكبر قدر من الصور والي عددها 354 صوره ..
شاكر مرورك يابو الغازيات هع
يوتويبيا
نصيحة اخ لاخيه
لاتسكن بغير قرية جريندلوالد Grendelwald
اجمل قريه زرتها بحياتي وموجود فيها كل شي .. اسواق - طبيعه - مراكز ترفيه وموقعها استراتيجي والسكن فيها ارخص بكثير من انترلاكن مع فارق روعة الجو لصالح جريندلوالد طبعا
واحدثيات السنتر 46.623900° 8.034650°
بالنسبه للباخره فاسمها Boat Cruises وتقدر تستفسر من مكتب التذاكر خلف محطة القطار الغربيه interlaken west
والف تحيه على مرورك العطر

F-k-S-01
F-k-S-01
السلام عليكم
حرام عليك ذبحتني صراحه
يالله دعواتك لي اروح لسويسرا ان شاء الله شهر يوليو القادم لاني حاجز وخالص
وعلى فكرة جميل تصوبرك ما شاء الله عليك

شارلوك هولمز
شارلوك هولمز
ماشاء الله اخوي شرقاوي تصوير جميل لي عودة قريب

Swissri
Swissri
غلطان غلطان غلطان
ياللي مصيف في غير سويسرا
غلطان غلطان غلطان
ياللي مضيع فلوسك في غير سويسرا
تقرير رائع وصور أروع وطبيعه خيال

TAEGAR
TAEGAR
اخوي بالحارث
تقريرك سهل واحترافي امتعتنا وبنتظار جديدك

Um Zainab
Um Zainab
صراحة اخي انت محظوظ عشن انا تكاليفي جدا غالية لسفر شهر 7/2011
فندق ديزني لاند 4ليالي مع الافطار ب 220 ريال عماني
فندق انترلاكن متروبول مع الافطار 6 ليالي 546 ريال عماني
فندق كيبلنغ جنيف بدون الافطار 3 ليالي 312 ريال عماني
التذاكر طيران قطرية وصول باريس وعودة جنيف 550 ريال عماني لشخصين
راح احجز قطار اوروبي من باريس لانترلاكن واحجز سويس سيفر باس لشخصين لعدم وجود السيارة معنا علما هذه السفرة الاولى لنا الى اوروبا


خصم يصل إلى 25%