الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الكاتب المسافر
09-11-2022 - 02:09 pm
فكرنا نغير جو من البيت ونروح فندق عالبحر ليلتين الشهر الجاي.
اخترنا موفنبيك البدع سعره ب138.
كأن غالي شوية..
جيكنا على بوكينق فنادق دبي..
طبعا تفاجأنا ..
سعر فندق جميرا بيتش ب145 دينار.
وفندق كمبنسكي مول الامارات نفس السعر.
و المفاجأة الكبرى فندق ومنتجع ويستن ويعتبر من افخم المنتجعات بدبي وافضلها عالميا ب123 دينار يعني اقل من سعر الموفنبيك.
طبعا فنادق دبي زيدوا 20% على السعر الاجمال.
بصراحة مفروض السعر عندنا يكون لليلة 30 او 35 او 40 عالأقل.
وفندق بولمان مول الامارات سعره لليلتين ب85 دينار وانته بالمجمع.
يعني الاجمال بحدود 100 كويتي.
السؤال على شنو فنادقنا غاليه؟ شنو فيها؟
شلون يبون يربحون؟


التعليقات (9)
توبليرون
توبليرون
الله يعين يا ولد ديرتي ......فعلا وايد غاليه وكل مالها بالارتفاع

الكاتب المسافر
الكاتب المسافر
تصدق ياخوي اتلانتس هاللي مدوخينا فيه حصلته ب134 دينار بدون ال20% معاها يطلع الاجمالي 154.. اروح ادفعها بدبي احسن لي من الموفنبيك بالاجمالي 138 .الفرق 16 دينار ولا شي.
بس انا قلت ساعات الواحد ماله خلق طيارات وحوسة.. بس حاليا لا والف لا.. الا بركب الطيارة ساعه 8 الصبح وبوصل دبي وبروح الفندق الفخم على البحر.. ولا في احد مجمعات دبي ..وبدفع وبستانس. وخل الموفنبيك البدع حق ربعه.

q8ya metnaqla
q8ya metnaqla
للاسف ما ادري ليش هالغلا في فنادقنا وعلى شنو مثل ما قلت ..
ليش ما اتجرب روتانا المنشر ترا حلوو

عمبر
عمبر
فنادق تفشل وغاليه على شنو ولا ومأجرين مطاعم وين التجاره والبلديه عنهم فندق ومسوي محلات بواجهت الفندق ههه يبي فلوس غصب

الكاتب المسافر
الكاتب المسافر
q8ya metnaqla
مشرفتنا .. ابشرج خلاص حاجزين الي دبي انا هالامور اتخذ فيها قرارات نهائية مافي مجال.
دبي فندق كراون بلازا فسيتيفال ب65 دينار لليلتين او انتركونتننتال فسيتيفال سيتي ب81 دينار لليلتين
والتذاكر 160 دينار يطلع الالجمالي حروة ال225. ادفها بدبي ولا ادفع بالكويت 138 دينار. يمكن لو سعر الفندق بالكويت الاجمالي 75 . 80 تنبلع غير هذا اطلق العنان للمطار.
وشكرا لتعقيبج.

الكاتب المسافر
الكاتب المسافر
عمبر
لأن يدرون هذا اللي بيربحهم.

FRESNO
FRESNO
السلام عليكم ورحمة الله وبركاته ...
أخي الكاتب المسافر ...
بعد الأزمه الماليه وحسب معلومات منقوله من الأخوه الإماراتيين بان اسعار فنادق دبي وبتعليمات رسميه من الدولة تم تخفيضها إلى أقل من النصف .. أما في دولة الكويت فانها مقيده بجداول من قبل إتحاد الفنادق ولا يمكن بالتالي القفز على قوانين الإتحاد وإلا تعرضت الى مخالفات كبيره على الرغم من عدم تمتعنا كدوله بالصفه السياحيه ناهيك عن الخدمات السيئه التي نسمع عنها لبعض الفنادق .

ولد خمس نجوم
ولد خمس نجوم
انا اتوقع من قله الفنادق بالكويت هذا سبب خلا الفنادق تستغل الفرصه و ترفع الاسعار
لو فيه فنادق ثانيه كان رخصت الفنادق و صار في تنافس منو يربح السائح و عروض و خدمات و شغلات نفس هذي
تنافس الفنادق من صالح السائح و كثره الفنادق من مصلحه السائح بعد تنوعها و كثرتها و التنافس بينهم هذا يلي يخلي الاسعار تنزل و تصير خدمات الفنادق افضل من قبل
هذا اشوفه حل مناسب لفنادق الكويت
شرايكم في الحل..؟؟
اخوكم ولد خمس نجوم

FRESNO
FRESNO
بناء الفنادق في دولة غير سياحيه خساره حتميه .. وبالتالي التنافس على ماذا ؟
السياحه تحتاج الى مقومات تدعم بعضها البعض أولها عدم هيمنة الأنظمة الحكومية على القطاع الخاص .
وجهة نظر .


خصم يصل إلى 25%