ما شاء الله
هذا دليل انكم مسوين بحث كامل
بالعكس المفروض نعتبر هل الموضوع مرجع لنا
عموما موضوع بسيط جدا
الاماكن كلها قريبه من بعض
يعني لو بروح ابعد مكان ممكن اوصله بسهوله حتى لو ماكنت مرتب الجدول وهذا افضل شي في لندن الا بعض الاماكن وهذي قليله
ولكن بناء على رغبتك بحاول اقرب الاماكن الي جمب بعض
كل مجموعه قريبه من بعض بحطها في مجموعه
مجموعه 1
لندن اي
بيق بين
لندن بريدج
مجموعه 2
الريجنت ستريت
الاكسفورد ستريت
بريمارك
البيكاديللي
مجموعه 3
سلفردجز
مجموعه 4
شبرد بوش
ويست فيلد
مجموعه 5
هاردوز
مجموعه 6
هايد بارك
وهذا بين مجموعه 5 و 4 و 3 و 2 يعني السنتر
مجموعه 7
لا هذا بيعد
بيكيستر فيليج واسمع بستر فيلج
وهذا اعتقد بعيد الثورب بارك
الي ما انصح بزيارته بالليل هو البيكادلي لانه يحتوي على مراقص
اعتذر اني ماكملت المجموعات وان شاء الله الاخوان يكملونهم
لكن حبيت اقول انه بين السلفريج واكسفورد و الى هاروز 15 دقيقه بالباص
وبين اوكس فورد الى الهايد بارك 3 دقايق مشي
يعني شي لايذكر
هذا احلى مافي لندن

يوم كامل بالبيج باص : لندن اي ,مدام توسو , لندن بريدج , بيق بين , قصر بكنجهام , ترافلجار سكوير , البيكاديللي .

• ترافلجار سكوير والبيكاديلي ممكن تشوفو المكان وانتو في الباص .
• عرض قصر باكينجهام اتوقع يبدا ساعه 11 ,, ممكن تاجلو الروحه للقصر الى يوم ثاني .

نص يوم : كادبوري , واذا ما تعبتو , النص الباقي في كوفنت قاردن .
يومين : هاردوز وسلفريج واكسفورد شبرد بوش و ويستفيلد الريجنت ستريت .

• بريمارك في اكسفورد ستريت .

85% من يوم كامل : بستر فيلج
يوم كامل : الثورب بارك
في اي وقت : مطعم فيش اند شيبس , هايد بارك , صيدلية بوتس
الباقي يفيدوك بقية الاعضاء ان شاء الله :
الادوارد رود
كامدن تاون
شارع الكوينز واي
محل تي كي ماكس
محلات جون لويس
محل اوليلي ( للاطفال )
fenwick
octopus
ماتالان
اسدا
محلات كامبر للاحذيه الاسبانية
محل الصابون lush
السوق الصيني
جسر المشاة
بلو وتر

ما قصرتوا بالردود لاننا كلنا استفدنا و شكرا على الطرح الجميل

ما شاء الله
هذا دليل انكم مسوين بحث كامل
بالعكس المفروض نعتبر هل الموضوع مرجع لنا
ايه نعم ولله الحمد
سويت بحث عالاماكن اللي تناسبنا لزوم اعدل الجدول مابي اذا رحت هناك نتوهق خصوصا ان لحد الحين مابعد حجزنا سكن ومانضمن الانترنت بالسكن
واتمنى يكون الموضوع مرجع للكل
ولكن بناء على رغبتك بحاول اقرب الاماكن الي جمب بعض
كل مجموعه قريبه من بعض بحطها في مجموعه
جزاك الله خير سهلت علي وضع الجدول
لكن اريد موقع الاماكن المحلات خوصا والا الاشياء الاساسية عارفة اماكنها ولو ماعرفت راح يعرفها الاندر قراوند
يعني مثلا الهايد بارك ولندن اي ولندن بريدج والاكسفورد والادوارد و الخ الاماكن السياحية بشكل عام راح يكون سهل علي معرفة الموقع
لكن المحلات مثل بريمارك وتي كي ماكس واسدا ماني عارفة وين تتواجد بأي مجمع باي شارع
وانا كنت ابغى جدول لاني قريت اثناء بحثي عن الايام اللي تناسب الاماكن السياحية فمثلا لندن آي قالو لي احسن شئ يوم الاثنين تروحون لها
فيه اسواق ماتفتح الا يوم معين
فعشان كذا ودي انظم لي جدول يناسب الايام خصوصا ان سفرتنا بالصيف وانواع الزحمة
وجزاكم الله خير

تعديل واحد فقط
السلفريج
ضميه مع مجموعه 2
لانه بشارع اوكسفورد
وجمب بريماركبريمارك بشارع اوكسفورد في اول شي
والهايد بارك جمب اوكسفورد
يعني اذا كنتي عند بريمارك تشوفين الهايد بارك
والهاروزد جمب الهايدبارك
اختي الفاضله
ثقي تماما بعد بحثك هذا
لو تدخلين شارع اوكسفورد تحصلين كل المحلات الي تبينها لانه شارع كبير جدا
وثقي تماما انك اذا كنتي هناك بالواقع غير عن السوالف بالانترنت
كل شي جمب بعض يعني راح تنصدمين من القرب والمسافه
حتى ماكس بشارع اوكسفورد
اما بالنسبه للاسواق مفتوحه كل وقت
لكن بالويك اند تسكر بدري يعني الساعه 6 المغرب
يعني يمديكم تشترون السوق كله
محل الصابون lush اعتقد انه بشارع ريجنت ستريت
بين شارع اوكسفورد وبين شارع البكادلي
لاتحاتين يا اختي العرب واجد
وتقدرون تسألون اي واحد
بس الي عليكم انكم تسألون وانت بشارع اوكسفورد اذا تبون محلات معينه
وللعلم اختي
توه في موضوع محطوط لاختنا العالمية راح يفيدك جدا جدا جدا
https://artravelers.com/p/re/540790
لاتحاتين زياده
بالعكس انا اقول ما شاء الله على بحثك تبارك الرحمن
وهذا مرجع لي انا في حال احد طلب شي
وجاهز لاي استفسار

يوم كامل بالبيج باص : لندن اي ,مدام توسو , لندن بريدج , بيق بين , قصر بكنجهام , ترافلجار سكوير , البيكاديللي .

• ترافلجار سكوير والبيكاديلي ممكن تشوفو المكان وانتو في الباص .
• عرض قصر باكينجهام اتوقع يبدا ساعه 11 ,, ممكن تاجلو الروحه للقصر الى يوم ثاني .

حلو
سؤال هل كل هالمعالم لها تذاكر دخول ؟ واذا كان ايه كم اسعارهم ؟
ايضا البيكاديللي وترافلجار ماودنا نكون في الباص لان المكان وسيع صدره حلو يتصورون الاطفال ويوسعون صدرهم شوي
قصر باكينجهام كيف طريقته لحد الحين مافهمته مره
يعني بس انزل عنده واشوف تبديل الحرس وخلاص
والا فيه تذاكر دخول وندخل داخل القصر ؟
نص يوم : كادبوري , واذا ما تعبتو , النص الباقي في كوفنت قاردن .
انا سمعت كادبوري يوم كامل مدري هل يستحق او لا
كوفنت قاردن مو احلى شئ الصباح ؟
يومين : هاردوز وسلفريج واكسفورد شبرد بوش و ويستفيلد الريجنت ستريت .

• بريمارك في اكسفورد ستريت .

هاردوز وسلفريدج في شارع اكسفورد والا غير ؟
جمييل جدا ان بريمارك في الاكسفورد لو اعجبني المحل القى له فروع غير الاكسفورد ؟
85% من يوم كامل : بستر فيلج
صحيح هذا يبي له يوم كامل خصوصا انه بعيد ونحسب حساب المشوار
يوم كامل : الثورب بارك
هل الثورب بارك تناسب الاطفال من عمر 4 سنوات ؟
في اي وقت : مطعم فيش اند شيبس , هايد بارك , صيدلية بوتس
حلو انه في اي وقت
طيب سؤال وين ممكن القى فيش اند شيبس ؟
وايضا صيدليه بوتس ؟
الهايد بارك تنفع بالليل ؟ وهل فيه حديقة اخرى تنصحوننا فيها
الباقي يفيدوك بقية الاعضاء ان شاء الله
جزااكم الله خير ماقصرتو

تعديل واحد فقط
السلفريج
ضميه مع مجموعه 2
لانه بشارع اوكسفورد
وجمب بريماركبريمارك بشارع اوكسفورد في اول شي
والهايد بارك جمب اوكسفورد
يعني اذا كنتي عند بريمارك تشوفين الهايد بارك
والهاروزد جمب الهايدبارك
حلو يعني لما اروح اكسفورد راح احصل ( بريمارك , هاردوز , تي كي ماكس , وسلفريدجز )
ا
ختي الفاضله
ثقي تماما بعد بحثك هذا
لو تدخلين شارع اوكسفورد تحصلين كل المحلات الي تبينها لانه شارع كبير جدا
اييه سمعت عن هالشئ لكن بما ان الشارع كبيير ماودي اضيع الوقت عليه خصوصا ان اغلب محلاته متواجدة بالخليج
وثقي تماما انك اذا كنتي هناك بالواقع غير عن السوالف بالانترنت
كل شي جمب بعض يعني راح تنصدمين من القرب والمسافه
شئ جمييل
بس الي عليكم انكم تسألون وانت بشارع اوكسفورد اذا تبون محلات معينه
ايه هذا اللي ودي فيه يعني اذا رحنا لشارع اكسفورد ودي نروح للي نبغاه فقط ولا نضيع الوقت علينا
وللعلم اختي
توه في موضوع محطوط لاختنا العالمية راح يفيدك جدا جدا جدا
https://artravelers.com/p/re/540790
جميل جدا ماشاء الله
الله يجزاها الجنة
لاتحاتين زياده
بالعكس انا اقول ما شاء الله على بحثك تبارك الرحمن
وهذا مرجع لي انا في حال احد طلب شي
وجاهز لاي استفسار
في لندن لازم الواحد ينظم له جدول
وانا احاتي لاننا مابعد لقينا سكن ولا اضمن وجود النت
وودي اروح واعندي قدر وافي من المعلومات
وجزاكم الله خير ماقصرتوا افدتونا وافدتو غيرنا

حلو يعني لما اروح اكسفورد راح احصل ( بريمارك , هاردوز , تي كي ماكس , وسلفريدجز )
لحضه الهارودز مو عندهم
بالتوفيق يا اختي وجاهزين لاي استفسار

اهلاا اختي ..
فيه رابط لاختي غردينيا .. تقريبا بنفس عدد ايامكم ..
تفرجي عليه وان شاء الله تحصلين اللي تبغينه ..
تفضلي ..
https://artravelers.com/p/re/539464

• * اخوي بيبسي كولا شكراا .. لك ..

اختي ..سناء مدحت امين واياك وكل مسلم يارب.