البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
كشك ملك
16-11-2022 - 09:44 pm
السلام عليكم
حمد لله ع سلامتكم وسلامه بحريننا الغاليه
بكره ان شاء الله ساازور البحرين
وكالعاده تخطيطي زياره المولات المغرب والعشاء وبعدها دخول السينما الساعه 11 تقريبا
سؤالي عن حظر التجول بمنطقه السيف هل لازال موجود?
واذا كان كذالك فمتى اخر عرض لافلام السينما?
امل الافاده في اقرب وقت
والله يديم الامن والامان ع البحرين والخليج ويحفظهم


التعليقات (6)
مشــــعل
مشــــعل
اخر عرض للافلام الساعة 9..
الاوقات بعد الساعة 9 غير متوفرة حاليا..
بس حسب الاخبار.. كلها شهر ويرجع كل شي تمام وفي وقته..
و السيف حظر التجول بعد الساعة 12.. يعني افضل شي حدك 11 ونص..
انا زي كذا .. 11 و نص اطلع من منطقة السيف..
و ماعليك كل شي طبيعي واللي يصير في مصلحة الجميع و امنهم..
بالتوفيق

كشك ملك
كشك ملك
يعطيك العافيه اخوي مشعل ع التوضيح

Discover Bahrain
Discover Bahrain
يا هلا الغالي ..
آخر عرض للسينما هذي الأيام الساعة 9:30 مساء ومثل ما تفضل أخوي مشعل حظر التجول في منطقة السيف يكون ما بين الساعة 12 ليلاً حتى 5 فجراً ..
اليوم أعلن ملك البلاد الله يحفظه أن حالة الطوارئ راح يتم رفعها بشكل تام تاريخ 1/6/2011 بعد تأمين الوضع الأمني في البحرين بشكل كلي ..
أقترح عليك أخوي إنك تحضر السينما الساعة 8 أو 9 وبعد الخروج من السينما التوجه إلى الجفير أو العدلية حيث أن الحياة هناك مستمرة حتى ما بعد منتصف الليل ..
أوقات سعيدة ..

كشك ملك
كشك ملك
شكرا اخوي ديسكفري
اقترحك بعين الاعتبار ،،
لاهنت

Travel addicted
Travel addicted
اخوي واحنا داخلين سالنا موظف التامين قالنا عادي في وقت الحظر انك تطلع من منطقه السيف لكن الممنوع انك تدخل ...يعني لو اضطريت تتاخر شوي لا تشيل هم ...
بالتوفيق..

مشاري الرياض
مشاري الرياض
معليش على المداخله
بعد اذن صاحب الموضوع
انا ماشي بكره ابي استفسرع ن شين :
1- الحظر من الساعه كم لكم ومن عند السيف يبدا والا من وين وينتهي وين ؟؟
2- انا بجي ان شاء الله على الفجرممكن الساعه 3 ابي من مدخل السعوديه طريق يوصلني
للجفير بدون لايكون في الشارع حظر تجول ممكن ؟؟
الله يعطيكم الف عافيه واسف مره ثانيه


خصم يصل إلى 25%