Swiss-Belhotel Doha
هذا قريب من سوق واقف
حسب الخرائط

اذا انت وزوجتك
خذ الشيرتون وبتدعي لي ... جدا ممتاز واطلالته روعة

للاسف ما اعرف ولا واحد فيهم ... بس ليش ما تجرب الفندق اللي في سوق واقف .. ( ما جربته بعد !
)
هو مو كبير .. دورين .. و لهم موقع على الانترنت ... بس شكله مرتب
الفنادق اللي جربتها شرق فيلاج و الرتز و W و الفور سيزن كلهم حلوين

احلا عيون 99
للاسف معنا خالد المزعج والله اني ماودي يروح معنا بس وين نخليه
ابي اشوف الشيرتون
عمرة خمس سنوات
شكرا علي ردك الطيب
ابوخالد

bint elq8
اخوي ما لقيت الفتدق الي تقول عليه
من اقرب الفنادق سويس الي ذكرته فوق
وتري الهوي كويتي
ويمكن تتغير الامور باخر لخضة
علي قولة المثل ديرة تدلها ولا ديرة ما تدلها
والله مدري هو مثل والا من راسي
وان رحت الكويت الفندق هو ميراج والا بودل
الله يوفقك
بوخالد

أخوي .. ابحث عنه في قوقل .. اكتب فندق سوق واقف و ابحث .. بتلقاه
حتى فيه مطعم اسمه المحارة للمأكولات البحرية
حياكم الله تنورون الكويت
و قطر بعد حلوة
اختك .. بنت الكويت

مرحبآ
بما اني قطريه ، آرحب بك وان شاء الله بتستآنس في قطر ،،
اخوي اذا تبغي فندق تقدر تتمشى فيه على البحر ،، واطلالته حلوه ومطاعمه حلوه وحتى الخدمه ولآ آروع ،،
عندك فندق شرق روعه وكل من سكن فيه امدحه ، وعندهم غرف وشاليهات بعد ،
بالنسبه لي جربت عندهم الرومانتك دنر ، تحجزه قبل بكم يوم ويكون مثل طاوله وكرسين على البحر وحولينك مثل قطعه تور تغطيكم وتقدر تطلب منهم يخلون المضيفه مرا وتقدر تخلي القطعه اللي صوب البحر مفتوحه والاكل لذيذ ،، خصوصا التبوله يممي ،، بس ماينفع دام ولدك معاك ، وكل هاي ب 1500 ريال
وانا من يومين رحت الشيراتون كتغيير،، بس كان في بطوله وازعاج الفندق يعني بالذات هالفندق كله زحمه ومؤتمرات وحاله ، افضل تروح شرق وبتدعي لي ،،
وأي استفسآر انا حاضره ،،،

وعليكم السلام ورحمه الله , ياهلا ويامرحبا فيك اخوي ..
واتمنى لك رحلة سعيده الى دوحه الخير , وبخصوص سؤالك عن الفنادق ممكن نعرف كم حاط في بالك للفندق وهل تبحث عن فنادق فخمه ام فنادق متوسطه واذا امكن الفتره اللي تريد السفر بها ..
وان شااء الله تزور هجري البلد وتستمتع ب التطور اللي وصلت له قطر من ناحيت السياحه او العمران ..
ولا تخاف اخوي حاط في بالي المقاهي ل شرب الشاهي
في انتظار ردك ..

السلام عليكم ورحمة الله وبركاته
فندق رتاج الريان في المنطقه الدبلوماسيه وهو فندق 5 نجوم وبينه وبين البحر شارع وهو قريب وايد من ستي سنتر مول تقدر تروحه مشي بس على حسب الجو وسعره بين 500 الى 600 ريال
فندق السفير غرفه واسعه والفندق قريب من الكورنيش لكن ما تشوف البحر منه لان البنايات مغطيه وهو 4 نجوم واتوقع سعره بين 400 ريال الى 500 ريال