السلام عليكم ورحمة الله وبركاته
كل شخص او عائله يعانون في موضوع الغسيل وين يلاقي مغاسل في ماليزيا
اتمنى من كل شخص له تجارب او يعرف كذا مغسله يطرحها هنا ليستفيد منها كل شخص يسافر الى زيزو
سواء في ماليزيا او سالنجور او بيانق او كاميرون هايلاند او لنكاوي او جنتينق او اي مدينه هو سافر لها يطرحها هنا
انا بطرح كذا مغسله تعاملت معها واعذروني على الوصف ممكن يكون صعب واذا احد يقدر يصححلي ياليت
بنسبه للملابس انا عانيت منها لاننا كنا عائله متوسطه بس بعد البحث والتحري لقيتلك كذا مغاسل وفي اماكن قريبه وسعر الكيلو مع الغسيل والكوي تتراوح بين 4 رجنت و 5 رجنت .
كوالا عندك مغسله روعه وقريبه من شارع العرب وموقعها خلف فندق بيكلو تعتبر بشارع الموازي لشارع العرب
اول ماتطلع من بوابة فندق بيكلو الجانبيه تاخذ يمين وتمشي سيده يجي حرف تي أدخل يمين امشي 100 متر تلاقيها على يسارك اسمها لندري هلو فيها بنقلاديشي غسيل وكوي روعه.
وعندك مغسله قريبه من التايم سكوير اسمها أمبي وعندك مغسله خلف فندق سويس قاردن الجديد في عماره سكنيه عندها سيوكرتي تسئلهم وهم يدلونك او تسئل حقين الشنط بفندق السويس قاردن وهم يعلموك بوصفها تدخلها وتطلع الدور الرابع الغسيل الكيلو ب 5 رجنت.
وبنسبه لنكاوي عندك مغسله بعد ماتطلع من المجمع الي فيه المارينا ومطعم السلطان تخلي المجمع خلفك حاول تدخل يمين تمشي تقريبا حوالي 300 متر يجيك تقاطع ادخل معه يسار تلاقي المغسله على يسارك برضو هي تغسل لكذا فندق في لنكاوي اسعارها رخيصه مره
جنتينق عندك مغسله قريبه من محطة الباصات الي فوق قريبه من فندق فرست ولرود وفيه مغسله تحت عند مصنع الشوكلاته قريبه منه وقريبه من حديقة الفراوله
ابو ريوف