النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Hope forever
12-02-2022 - 01:49 am
السلام عليكم
أنا عندي مشكلة وأتمنى تساعدوني
لأني أكتأبت الصراحه
اليوم حجزنا في فندق
Der Sonnberg
عن طريق موقع البوكينج - أول مرره احجز عن طريق البوكينج
استخدمنا الفيزا
بعد الحجز جا ايميل من البوكينج انو تم تأكيد الحجز من الفندق
من سياسة الفندق انو يتم سحب 30% من قيمة الحجز يوم الحجز ( يعني اليوم)
حاول الفندق يسحب المبلغ بس ما انسحب
جا ايميل من البنك بالرفض
مع انو البطاقه استخدمناها اكثر من مره واشترينا منها عن طريق النت وكانت شغاله تمام
جا ايميل من البوكينج انو الفندق ما قدر يسحب المبلغ وانو لازم نعدل البيانات خلال 24 ساعه او راح يلغى الحجز
دخلنا موقع البوكينج ودخلنا البيانات من جديد
وصارت نفس المشكله
اتصلت على الفندق وشرحت للموظفه اللي صار
كانت جدا متعاونه
قالتلي ما عندكم ماستر كارد تانيه
قلتلها لأ
قالت طيب راجعو البنك
قلتلها اخاف الحجز يروح علينا
قالت اوكي راح اديكم فرصه الين يوم الجمعه
معلومات البطاقه صحيحه 100%
والبنك يقول المشكله مو من عندنا
طيب ايش الحل ؟؟؟؟؟
المشكله من بعد ما كلمت الموظفه صرت ادخل على البوكنج ما اقدر اعدل بيانات البطاقه
معلومه : البطاقه فيها شريحه الكترونيه - مشيت معنا في موقع امازون وابل
دموع الوجد .. الريم .. ALI_Q8_77 وباقي الأعضاء ساعدوني


فنادق النمسا
التعليقات (9)
Unique Man
Unique Man
صحيح
هذا نوع جديد من البطاقات فيها شريحه وبعض الفنادق على النظام القديم
انا صاري مثل كذا وتم الرفض من البنك كنت حاجز في بوكنج وارسلولي ايميل بوكنج
كنسلت الحجز وحجزت من موقع هوتيل . Com الضراحه على طول اول ماحجزت خصم وجاتني رساله بالخصم
الصراحه موقع هوتيل انا اشوفه هالايام احسن من بوكنج
حاول وشوف في موقع hotel .com

Hope forever
Hope forever
unique man
مشكور اخوي
يعني المشكله من الفندق ولا البوكينج ؟؟؟
لو من الفندق أخاف تصيرلي نفس المشكله حتى لو غيرت موقع الحجز
أنا فتحت دوبي موقع هوتيل ولقيت الغرفه موجوده وبنفس السعر تقريبا
هل الموقع موثوق أنا صراحه ماعمري حجزت فنادق عن طريق المواقع وماعندي خلفيه ..

دمـوع الوجـد
دمـوع الوجـد
طيب ليش ماتحولون لهم المبلغ 30% عشان مايروح عليكم الحجز
من كلام الاخ انه موقع بوكنج مايتعامل مع هالنوع من الفيز لانها جديده انا ماعندي خبره بالفيزا
لكن كلموهم يمكن يرضون انكم تحولون عشان مايروح عليكم الفندق لانه روعه

Hope forever
Hope forever
دموع الوجد
مشكوره اختي دموع الوجد
قالتلي الموظفه ممكن تحولو المبلغ بس راح يكلفكم زياده فراجعو البنك احسن
الحوالة راح تكلفنا لانو راح نحجز في زيلامسي وميونخ وباريس
وأخاف لو صارت ظروف وكنسلنا لاسمح الله مايرجعولنا المبلغ عشان مو فيزا او يخصمو الحواله من حسابنا
ايش رايك في الموقع اللي اقترحو unique man موقع hotels.com ؟؟

دمـوع الوجـد
دمـوع الوجـد
ما اعرفه والله اعذريني ان شاء الله الخبراء يفديونك اكثر
لان الوالد دايم يحجز من بوكنج وبالفيزا حقته
طيب هل جربتي تحجزين بفندق ثاني وتكررت نفس المشكله ولالا؟؟

Hope forever
Hope forever
دموع الوجد
يسلمو اختي دموع الوجد وانتي من الأشخاص اللي حمسوني على اختيار هذا الفندق صراحة
والله ماجربت أحجز فنادق غير الفندق اللي في زيلامسي لأنو لسه ما اخترت بقية الفنادق
بس قلت أحجز فندق زيلامسي لانو الفندق عليه طلب وما ابغاه يروح عليا

دمـوع الوجـد
دمـوع الوجـد
طيب حاولي تحجزين اي فندق ثاني يكون الالغاء مجاني وشوفي هل تتكرر معاك المشكله ولالا

Unique Man
Unique Man
مضمون ماعليك انا كم مره احجز منه
كنسلي الي في بوكنج وحجزي من هوتيل وصدقيني راح تقبل العمليه
موقع هوتيل عالمي مثل بوكنج

golden planner
golden planner
انا صارت لي مثل المشكلة ذي مع فندق بفيينا
وللأسف انلغى الحجز بالنهاية ..
وجربت البطاقة نفسها مع فندق اخر ومشت وسحبوا المبلغ وتأكد الحجز ..
اتوقع المشكلة من الفندق نفسه ..
وشكرا ..


خصم يصل إلى 25%