مشتاق دايم
17-11-2022 - 12:43 am
الى احبائي اعضاء احلى منتدى ..لكم اطيب تحيه مني انا
البزارين صارو عيال .. والشباب روح معهم ...ويالله حسن الخاتمه ..!
هالسنة النية على بريطانيا العظمى ا
وهذى اول مره اروح لها بالشعب (العيال) ..!!
سافرت لها أكثر من مره للدراسه ( اي هين – عذر للوالد الله يحفظة )
والتمشي .. (كثر منها )
أيام شارع السويلم طلوع ..!!
للي يعرفون الرياض قديما ..!
يعني ( قبل ايام البيجر بشوي )
السفر في اواخر شهر يونيو ولمدة شهر تقريبا
افكر اني اجلس في لندن شوي ولا ادري اول الرحلة ولا اخرها ..
واطلع اطربق في هالهجر البريطانية ... والعزبه معي بس هو عندهم قدر ضاغط ولا ..!
.ما ادري يسمونها هجر ولا قرى
وادور لي مدرسة لو عقب عصرية .. للعيال اجدعهم فيها ..كودهم يفلحون في الانجلينزي
وان حصل مدرسة محو اميه ...احط امهم وفليتها في لندم ..!
ما اطول عليكم
الشعب مكون عندي الله يطرح البركة من 6 وشغالة
عيال 15 و 12 و 4
وبنيه زي القمر 10 وانا والمعزبة ..الله لايخيلينا
ابي برنامج على مزبوط ومتكتك وما يخرش الميه
وسامحوني على خفة الدم
من من وين جتني ؟
بس امون
تحياتي
ويلهمكم الصواب ويسعدكم
في انتظار تقاريركم