و عليكم السلام و رحمة الله و بركاته
اهلا بكِ اخت ريمي في منتدى العرب المسافرون
و الف مبروك الزواج مقدما
بالنسبة لترتيب البكج عن طريق الخطوط الاماراتية، اقترح خط سير كالاتي:
دمام (او البحرين) - دبي - بريزبين (اللي هي قريبة من قولد كوست)
تجلسون في قولد كوست حدود 10 ايام
ثم تذهبون الى سيدني عن طريق طيران داخلي (فيرجن بلو، كوانتاس، جت ستار)
تجلسون في سيدني 5 ايام
ثم تذهبون من سيدني الى تايلاند عن طريق الاماراتية رحلة رقم EK419
تجلسون في تايلند حدود 5 ايام و خلو تايلند للتسوق
التسوق في تايلند ارخص و افضل من استراليا
ثم تعودون بالسلامة عن طريق تايلند - دبي - الدمام
شهر 6 في استراليا يعني فصل الشتاء عندهم
يعني اخذوا ملابس شتوية
و بعد لازم تاخذون ملابس صيفية ل تايلند
و بالنسبة للاماكن السياحية في سيدني و قولد كوست ارجو مراجعة الرابط التالي
برنامج مقترح للسياحة في استراليا https://artravelers.com
و اذا في اي استفسار ثاني احنا حاضرين
و حياكِ الله

مشكور اخوي فتى الشرقية سرعة تجاوبك وهذا شي مو مستغرب عليك سعة صدرك
وحبيت اشكرك لانك من جد افدتنا كثير بخصوص ترتيب السفرة وخصوصا بان كل المكاتب قالو لنا ان ماتقدرون تمرون على ماليزيا او تايلاند الا اذا رحتو على خطوطهم او بتطلع عليكم مكلفه كثير على اي خطوط ثانيه من جد ضاق صدري
وقال زوجي خلاص بنخليها بس استراليا
وخصوصا اني ابي اروح اتسوق
بس قلنا راح نخلي قولد كوست 13 يوم و4 ايام سيدني و5 خمس ايام في تايلاند وش رايك اخوي؟
وراح امس الاماراتيه قالو له اختار الفنادق واحنا نسوي لك البكج كامل هل هذا عادتهم ولا احنا مستعجلين لان سفرتنا في منتصف شهر 6؟؟
كم تتوقع اخوي راح تكون تكلفة البكج؟ ومصرف الجيب في السفره كله؟
ماتنصحه يروح يسوي البكج في كانو؟
ادري اني ثقيلة دم وثقلت عليكم بالاسئلة
بس من جد محتاره وتدرون هذا سفرة العمر
شاكرين لكم سعة صدركم وجزاكم الله خير

العفو اخت ريمي
انا اعتبر الخطوط الاماراتية افضل خطوط من ناحية الخدمة و ايضا من ناحية الدول اللي توصل لها و محطات الترانزيت تخليكم ترتبون الرحلة على كيفكم
يعني مثلا الاماراتية عندهم رحلة يوميا الى سيدني و توقف في تايلند في الذهاب و في العودة
و رحلة يوميا الى جولد كوست (بريزبن) و توقف في سنغافورة في الذهاب و في العودة
و رحلة يوميا الى ملبورن و توقف ايضا في سنغافورة
بس قلنا راح نخلي قولد كوست 13 يوم و4 ايام سيدني و5 خمس ايام في تايلاند وش رايك اخوي؟
ترتيب حلو، لكن افضل انكم تزيدون يوم او يومين في سيدني لانها في نظري رومانسية اكثر من جولد كوست
خصوصا جلسات ال دارلينغ هاربر اللي ما تنمل
يعني تجلسون في كوفي شوب و الجو بارد و تطلبون هوت شوكلت، يا سلام... ما في احلى من كذا رومنسية :106:
وراح امس الاماراتيه قالو له اختار الفنادق واحنا نسوي لك البكج كامل هل هذا عادتهم ولا احنا مستعجلين لان سفرتنا في منتصف شهر 6؟؟
لا تنسون تطلبون من الاماراتية كتاب العطلات اللي فيه معظم الفنادق، و بعدين تختارون اللي يناسبكم
اقترح في جولد كوست يكون الفندق في منطقة سيرفر بارادايس Surfer's Paradise
و في سيدني يكون الفندق في منطقة Darling Harbour
كم تتوقع اخوي راح تكون تكلفة البكج؟ ومصرف الجيب في السفره كله؟
ماتنصحه يروح يسوي البكج في كانو؟
التكلفة تعتمد على نوع الفنادق (4 نجوم او 5 نجوم)
لكن اتوقع اذا اخذتوا فنادق 4 نجوم ان الرحلة تكلفكم 30 الف ريال من غير تسوق
و بالتوفيق ان شاء الله

مشكور اخوي فتى الشرقيه
من جد كفيت و وفيت الله يعطيك الف عافيه
من جد حمستني على الهوت شكلت مع البرد
انا اقترحت عليه السكن في شيفرون او الكراون تاورز او ana hotel بحكم مواقعهم في الباردايس
قعدت اتفلسف عليه شوي
رايك اخوي نقص التذاكر من الحين ولا ننتظر شوي؟؟

3+ 5 + 5 ( )

اخوي فتى الشرقيه كيف الاوضاع الامنيه في استراليا بيقولو الوضع غير مطمئن خاصه مع العرب

lolo0000
يا هلا فيك اخوي
احد اصدقائي يدرس في استراليا و هو الان هنا في اجازة الكريسميس و سألته نفس السؤال
فأجاب ان الامر طبيعي جدا و ان الاستراليين نسوا الحادثة التي حدثت قبل فترة في شواطئ سيدني
و عادت المياه الى مجاريها
تطمن اخوي