بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال



نرجس 23 نرجس 23
بالأمس في باريس واليوم امستردام وغدا برشلونه
13-12-2014 - 09:01 am

السلااام عليكم ورحمة الله وبركااااته

اولااا احب اشكر المشرف فيصل على سرعة استجابته لاستفساراتي

ومن لايشكر لا يُشكر

الشي الثاني

احب اقولكم انه جو باريس روعه بالنهار يميل للحر قليلا وفي الليل برد خفيف يعني بالعاميه بلوفر يدفيك(على قولة السعوديين تكه بارد ههههههه)

شعب باريس فعلااا ودود مبتسم

والمشي بتتعبون باللوفر محطنا لين رجولنا تكسرت وفي النهاية طمرنا المونليزا مادرينا عنها ونتعداها ندورها في الاخير لقينا الناس زحمه قلنا اكيد في شي والا مصيبه واخرتها طلعت السيدة مونليزااا متربعه جالسه وانواع الكميرات عليها

وعلى قولة زوجي هاذي اخرتها لو دارين ماجينا هههههههههه

وقمنا انا وزوجي نروح يمينها وشمالها على بالنا بنشوفها تناظرنا من جميع الجهات والا لا

الزبده مرينا اللوحات كلها ولاندري وش سالفة هاللوحات بس اللي يصورنها العالم نصورها معهم نحس انها كشخه هههههههه

في الاخير تعبنا وجلسنا ندور كلمةEXIT لين طلعناا ههههههههه


طبعاا زرنا دزني لاند روووعه اخيرا شفنا ميكي ماوووس وصورنا معه

وانصحكم تجربون لعبة الاصنصير تراها على شكل بيت هوليوود

وأعدنا ذكريات الطفوله *^

وبرج ايفل مايحتاج اشرح اكيد وناسه خصوصا انه في غرفة فوق اعلى شي فيها اثنين جالسين تماثيل بس مدري منهم والناس تصور هههههههههه

وحنا مع الخيل ياشقراااا
سعر التذكره كان 13 يورو اعلى شي بالبرج

انصحكم بتجربة الكريب اللي عند برج ايفل تراه مره خيال عند الكشكات اللي تحت البرج مو مثل اللي برى عند الشانز

جلسنا في باريس 3 ايام كانت روعه وكان السكن في فندق الكونكورد خيال الفندق واحسن مافيه فيه محطة مترو

الغرفة من نوعclub room مطله على برج ايفل في الدور 33 اعلى دور
والفطور في الدور 30


وراح يكون لنا عوده انشاء الله لباريس في نهاية الرحله بعد برشلونه لمدة 3 ايام


--------------
اليوم انا في امستردام طبعاا بلد مافيه شي مره مايستاهل تجونها كلها كافيهات ومطاعم ماتسوى بصراحه
حتى رحلة الكنال بايخه ومتحف الشمع بايخ احلى ماعندهم مطعم شاورما واخيراا ههههههههه

الجو فيها حلووو يميل للبروده قليلا ليلاااا

---------------

غداً باذن الله الرحله الى برشلونه طبعاا ما اعرف عنها شي
والحمد الله فكه من هولنداا


موضوع بسيط تم طرحه فقط للمساعدة لمن قربو على السفر وشكر للمشرفين الموقرين والاعضاء





المشاركات

lord155 lord155
بالأمس في باريس واليوم امستردام وغدا برشلونه


حمد الله على السلامه
رحلة سعيده ،، وانتظر جديدك


فيصل فيصل
بالأمس في باريس واليوم امستردام وغدا برشلونه


لا شكر علي واجب اختي
بلييز وش رأيك بكونكورد وحده أمس تسأل اذكر فيه صيانه وتجديدات هل انتهت وتوصين بالفندق ولا لا


مشاعل* مشاعل*
بالأمس في باريس واليوم امستردام وغدا برشلونه


ههههههههههه احسك منقرفه من هولندا
انا هولندا حاطتها في البلاك ليست مافي امل اروحلها عاد يقولون القرى اللي جنب امستردام حلوه

اما لعبة الاصانصير تخوف خاصه للي مايدري وش بيصير

الله يهنيكم في الباقي من السفرة


laa99 laa99
بالأمس في باريس واليوم امستردام وغدا برشلونه


رحله موفقه
إن شاء الله انا طالع على باريس انا وزوجتي وللمره الثانيه وان شاء الله رايح لديزني
وانا قبل كذا شفت لعبه الاصانصير بس خفت ادخلها
لكن حمستوني وابيكم تقولولي ايش يصير في اللعبه؟


fahad518 fahad518
بالأمس في باريس واليوم امستردام وغدا برشلونه


الحمد لله على السلامة واتمنى لكم رحلة سعيدة وموفقة


farmoza farmoza
بالأمس في باريس واليوم امستردام وغدا برشلونه


هولندا انا اسميها بلاد العجائب على طبيعة الحياة فيها , واحسن مافيها البطاطا المقلية
برشلونة حلوه الي جميع الفئات ( عزاب وعوائل و اطفال) بتسمتعوا

باريس غنية عن التعريف يكفي محبينها في البوابة

رحلة موفقة ...


مسافره 27 مسافره 27
بالأمس في باريس واليوم امستردام وغدا برشلونه


الحمدلله على سلامتك
باريس روووعه وماينمل منها ابد
مفروض خليتوها اخر محطه لكم لانك بتقارنين كل الدول اللي بعدها فيها وهي لها سحر خااااص
موفقه ورحله سعيده


mall mall
بالأمس في باريس واليوم امستردام وغدا برشلونه


حمدلله علي سلامه
الله يتمم عليكم الوناسه
برشلونه ترا حلوه ان شاالله تستانس فيها


نرجس 23 نرجس 23
بالأمس في باريس واليوم امستردام وغدا برشلونه


الله يسلمكم جميعاااا ويارب يحفظكم


وبالنسبة لفندق الكونكورد انصح فيه ولا فيه اي تجديدات ولا صيانه بالعكس فيه سوق

وتعاملهم حلوو مره

واليوم انا في برشلونه وصار لنا موقف كتبت عنه في بوابة اسبانيا انسرقنا*^

وبكره انشاء الله رايحين باريس وحجزنا في الميرديان ليلتين وبعدها السعوديه

اتمنى السلامه للجميع



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

بالأمس في باريس واليوم امستردام وغدا برشلونه