ميونخ 2010
حياك الله اخوي في الكويت اولا واخيرا ,ومركز سلطان يمدحون فطوره مطعم جينز اللي على البحر في منطقة السالمية ,وبالنسبة للخيارات الاخرى للافطار عندك مطاعم الافنيوز حلو الريوق عندهم مثل مطعم دين آند ديلوكا فوق ومطعم بي كيو ,وعندك مطعم روتانا اللي في مجمع المنشر اللي في الفحيحيل ,وكذلك الافطار في ابراج الكويت ,ومطعم زيت وزعتر ,ومطعم لونوتر اللي يم ابراج الكويت وهذا بعض من الكل اللي يستحقون الزيارة
وماعندي فكرة عن ريوق قصر البردوني وهو مطعم لبناني يشتهر بالاكلات اللبنانية اللذيذة ويستحق الزيارة
ومطعم بلانت هوليوود امتدحه مجموعة من الاخوة الاعضاء لتميزه وغرابته وحبذوا زيارته وامتدحوا الاطباق التي يقدمها
وسينما مجمع الفنار وايد زينه كوجهة نظري وفيها اكثر من سينما وطبعا فيه موافق للسيارات للمجمع وتصير بالمجمع نفسه من الخلف تقريبا
واتمنى اكون افدتك بالرد على تساؤلاتك وبقية الاخوة والاخوات ماراح يقصرون معاك
وحياك الله مرة اخرى.

حياك اخو انا خبرى ان ريوق مركز سلطان مو مثل اول اخترب .براى لا مارينا الى بشرق حلو ريوقة . يمدحون ريوق فندق المارينا وريوق مطعم البلد .
اما بخصوص الفنار فى مواقف وراى المجمع وسينمتها هادية ما فيها لويه

اصول2
وين صاير مركز سلطان تحمست له ؟ ومتى يبدى فطورهم وكيف اسعارهم ؟؟
أنا اللي بالفحيحيل بعيد عني كثير والافنيوز هم بعد بعيد بالري
يعني تنصحيني بالغداء في قصر البردوني وين صاير مكانه بالضبط ؟؟
وينه عن ماكدونالدز اللي بشارع الخليج لما يصر مكدونلدز على يميني

-q8
تسلم اخوي بس عيني طاحت على مركز سلطان
بعدين الفنار على شارع سالم المبارك بس ما اذكر فيه لفه مواقف انا بروح وبشوف من جديد وشكرا لك

فيه مطعم اسمه ريوق في الشعب على ما اظن .. هو متخصص بالفطور بس مره رايق .

السلام عليكم
اولا اهلا فيك في الكويت
أنا انصحك ان تجرب مطعم أيامي وبقوة للفطور ويقع مطعم أيامي
في المارينا كرنست من ناحية البحر ويكون فوق مطعم أشأز الرائع
وان شاء الله يعجبك*

plant explorer
تسلم يالغالي جربته ايامي ممتاز .. وهالمرة حااب أغير وأجرب مركز سلطان بس ماني عارف وش نظامه ومتى يبدأ الفطور وكيف جلساته ؟

انستازيا
وين مكانه بالضبط وأيش يقدم ؟ وكيف جلساته
وكيف جو الكويت فيه غبار ؟؟

مرحبا ونورت الكويت
أولا بالنسبه حق مطعم مركز سلطان في إثنين واحد بسوق شرق والثاني على شارع الخليج بعد المارينا والقهوه الشعبية بشوي حلو مش بطال واسعاره معقوله.
عندك مطعم ريوق وايد حلو موجود بالشعب .
مطعم عبدالوهاب الريوق مالهم عجيب عجيب مكانه قبل الأبراج .
البردوني ماأنصح فيه ريوق حق الغدا والعشا وايد حلو .
مطعم البلد ريوقهم حلو بس ما جربته يقولون عنه.
حق الغدا مطعم ليالي الخيام حلو لذيذ / بلانيت هوليوود ما عجبني أكلهم / مطعم النارينج بجنب مطعم بلانييت ما جربته وكله زحمه يقولون حلو .
وأتمنى لك إقامه سعيدة .
أي إستفسار حاضرين