اسمع ياعسل
انا حجزت لمدة 3 أيام من موقع بوكينق بفندق في مانيلا حلو المهم يوم جيت اسوي تشيك اوت قال لي ادفع حق الثلاثة ايام قلت له ليه قال المبلغ سيتم إرجاعه لك .
الزبدة اعطيتهم الفيزا واخذو من الفيزا حق ثلاثة أيام وقالو لي المبلغ الي حجزت عن طريق بوكينق بيرجع لك ..
الزبدة سؤالي هل سوف يرجع المبلغ وهكذا نظام موقع بوكينق ولا وش السالفة لا يكون لعبوو علي وأخذو المبلغ مرتين .
السؤال الثاني ( لو أخذو صورة لبطاقة الفيزا هل هناك مشكلة ويستطيعون يستخدمونها ) ؟؟
وإن شاء الله السؤال صار اوضح لك اخوي رجنت وبقية الأعضاء الكرام
وبعدين اخوي رجنت كل ماشفت واحد عربي في الفلبين قلت بس هذا رجنت ههه هل مازلت في الفلبين ام رجعت
واذا انت في مانيلا خلنا نتقابل وأعزمك على مفطح تستاهل يابطل

اول شئ تآكد حجزك شنو نوعه مدفوع او غير مسترد
أذا كان بوكنق مسوي بلوك على المبلغ او اي بلوك ياخذ 15 يوم
بس شيك وتابع مع البنك أول ماترجع لأنه يحق لك الاعتراض في مدة لاتزيد عن الشهر

عااشق السفر هاه كيف رحلتك ان شاء الله مستانس؟
هاذي مشكلة تواجهة الي يتنقلون بين فنادق كثيرة في فترة قصيرة
بخصوص الفيزا انا صار لي نفس الشي لما حجزت من booking كنت احجز ولما اسوي check out ادفع بالفيزا واتفاجأ ان المبلغ الاول لسا ما رجع صراحة الشي هذا ورطني خاصة لما كنت في بوراكاي الفيزا وصلت حدها من المبالغ المحجوزة فاضطريت استخدم الماستر كارد الي مخليها للازمات. وبعدين عرفت انه يرجع بعد اسبوعين او بالاحرى 15 يوم. بس يمديك تكلم بنكك وتسألهم عن إلغاء حجز المبلغ او تتأكد من الفندق نفسه.
لكن اتوقع فيه حل للمشكلة هاذي وهي اخذ عروض ال non refundable بالعربي الحجز الغير مسترجع وهي خصم وحجز للمبلغ بنفس الوقت.

الله يجزاكم كل خير وبصراحة طمنتوني خفت لا يكون الفندق لعب علي
طيب يا أخوان الفندق صور البطاقة الفيزا هل فيها شئ يقدر يسوي فيها شئ

عااشق السفر
بالنسبة للتصوير مستغرب منها اول مرة تمر علي صراحة
لان ما بينك وبينهم الا عملية الدفع فهي يا كاش او البطاقة الاتمانية عن طريق الشبكة وبس وما لهم اي حق يصورونها الا اذا كانو شاكين بشي وتصويرها ان شاء الله لمجرد الاحتياط بس!
يمكن لان البطاقة مسبقة الدفع صوروها!
ع العموم ما يمديهم يسوون شي بس احتفظ بالايصال انك دفعت مبلغ الغرفة وان اخصمو شي بعدين والا ما رجعولك المبلغ المحجوز لا قدر الله تقدر تسوي اعتراض.
تحياتي

يعطيك ربي العافية وماقصرت ياعسل

بارك الله فيكم معلومات جديده