قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
techmate
05-11-2022 - 08:56 am
أسعد الله صباحكم بالمسرات ياأحفاد إبن بطوطة
هل توجد مواقف للسيارات بمططار الدوحة؟ أتوقع نعم
لكن السؤال الجوهري كم تكلف الساعة اليوم الأسبوع؟


التعليقات (7)
fahad-qtr
fahad-qtr
techmate
في نوعين قصيرة الاجل وطويلة الاجل
قصير الاجل كل اول ماتدخر 3 ريال وكل ربع ساعه مدري كم
وطويلة الاجل بعد غالية باليوم شيء و60
افضل شيء توقف سيارت بره الشبك عن فدنق روتانا اوركس
او عند العماير الي جنبه اغلب الناس يسون كذا وانا واحد منهم اما مواقف المسجد يخالفونك عليها

techmate
techmate
غفر الله لك على الفاثدة
السؤال الآن هل وقف السيارةبره الشبك عن فدنق روتانا اوركس او عند العماير الي جنبه برسوم أو ببلاش وهل فيه مخالفة؟
سألت هذا السؤال لأنني ناوي أسافر لماليزبا لمدة أسبوعين من الدمام بطيران القطرية وناوي أجي بالسيارة وأجلس لي يومين بالدوحة من زمان عنها؟

fahad-qtr
fahad-qtr
عند فندق روتناه يعني كبوت الموتر بطوفه والفندق وراك اوكي وعند العماير اوكي بس افضل عند فندق روتانا
أضمن يس محد بيخالفك تروح وترجع بسلامه يارب

بــوسعــد
بــوسعــد
افضل حل توقف سيارتك في مواقف فيلاجيو مظلله وتروح بتكسي من المول لان التكاسي بكثره هناك عند المدخل الرئيسي وتروح المطار تقريبا 25 ريال اضمن واحسن لك
^^

fahad-qtr
fahad-qtr
بوسعد
ه
ههه قال وين اذنك يالحبشي قال مناك وين قطية الريال فيلاجيو ههه
أي سيارة توقف في مكان عام مثل المجمعات او الكورنيش بعدي يومين او 3 ايام مخالفة او يسحبون السيارة
المكان الي دليتها عليه احين مكان لان الفندق كله سيارات ومحد
ويعط العافية بوسعد

عبدالله منصوري
عبدالله منصوري
السلام عليكم،،
والله نصيحتي لك اخوي مدامك مسافر اسبوعين انك توقف سيارتك في مواقف المطار طويلة الاجل، شوف لو وقفت عند الفندق ما تضمن بعد ممكن البلدية تمر تشوف السيارة مغبرة وتعطيها بعلامة اكس وما راح تحصلها غير في الشبك، وبعد ماتدري سبحان الله واحد بالغلط مار ويدعم سيارتك ويشدغك لك السيارة واخر شيء ماتسوى عليك عشان توفر كم ريال، شوف أخوي يا انك تتفق مع الفندق الي راح تقعد فيه يومين انهم يخلون سيارتك عندهم وتعطي الرسبشن اكرامية مئة ريال وعلى ماعتقد ماراح يرفضون لك طلب، او انك ترى لمجمع اللولو هايبر ماركت قريب من المطار وتوقف سيارتك في المواقف الكبيرة الي جنب المجمع على طول، وهناك ان شاء الله مافي اي مشكلة، واحسن لو شفت لك واحد من عمال تنظيف السيارات الموجودين في المواقف وتعطي فلوس وتقوله كل ثلاثة ايام اغسل السيارة بحيث انها ما تبين لاحد انها موقفة من فترة طويلة، والخيار الاخر انك توقف في مواقف المطار طويلة الاجل وتفك روحك من عوار الراس، اما انك توقف جنب الفندق يعني برع منطقة المواقف وما تضمن سيارتك يصير فيها شيء بصراحة ماتسوى عليك.

techmate
techmate
بارك الله في الجميع على النصائح.
سؤال لعبدالله المنصوري: ماتكلفة إيقاف السيارة في مواقف المطار طويلة الأجل؟


خصم يصل إلى 25%