mostafano1
10-07-2022 - 08:41 pm
لسلام عليكم
انا قررت اسافر تركيا ان شاء الله سياحة لمدة اسبوع فى اول يونيو ..عايز اعرف اسافر مع نفسى احسن؟ (يعنى احجز طيران و تاشيرة وفندق) ولا تبع مكتب سياحة يكون احسن؟ و يا ريت لو رايكو انه تبع مكتب احسن انكو ترشحولى مكتب سياحة محترم و يكون عن تجربة.
انا بالفعل اتصلت باسفارة التركيه فى القاهرة قالولى التاشيرة سهلة هات السجل التجارى بتاع شركتك(انا شريك فى شركة) و الرسوم 340 جنيه بس و تاخد التاشيرة بعد يومين..بعد كدة ببص على عروض شركات سياحة على النت لقيتهم طالبين كشف حساب .. بس اللى رد عليا من السفارة مطلبوش..على العموم مش مشكلة خالص ان شاء الله
بس كنت عايز اعرف من خبرتكم ايه الافضل لى؟
و على فكرة انا مبسوط والله جدا بالمنتدى ده و ربنا يوفقكم و ياريت اللى عنده معلومة او نصيحة ميبخلشى بيها
وعليكم السلام ورحمة الله وبركاته
أنا أشوف وأفضل ان الواحد يعتمد على نفسه بالسفر أكثر من المكاتب السياحية
المكاتب السياحية تاخذ فائدة عليك وانت أولى بيها منهم.
كل ما في الموضوع اقرأ التقارير وحدد المدن الرئيسية التي أعجبتك وبعدها شوف البرامج والمشاركات وبعدها تقدر تحدد نوع الفندق حسب ميزانيتك مع تذاكر السفر وكلها بالانترنت وأنت جالس في القاهرة
وأي استفسار عن برنامج معين بامكانك وضعه في خانة الاستفسارات والاخوة والاخوات هنا مش حيقصروا معاك.