هولندا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Reem777
27-11-2022 - 07:56 pm
مر ا حب ^_^
ام والله ما عرف وشو أقول ؟!
بس إني مستحية من طلبي وأتمنى أحد يساعدني ..
طبعاً أنا متابعة للمنتدى وأقرأ وأطلع فيه كثير
وسجلت عشان مشكلة عرضت لي ..
طبعاً كل الناس تخطط تسافر للصيف إن شاء الله ’’
واحنا بنسافر إن شاء الله لكن !!!
فيه نقاط بقولها وأبي من أهل الخبرة يساعدوني
1- احنا أول مرة بنروح لأوروبا .
2- اخترنا باريس بعدين بلجيكا بعدين هولندا أو العكس
3- سؤالي لمن نطلع فيزا لازم نطلعها على أول دولة نطبها ونختم للخروج من الرحلة منها ؟!!!!
4- الفيزا شاملة لكل الدول اللي ذكرتها صح ؟!
5- ودي إذا ما عليكم أمر أحد يساعدني بتخطيط برنامج على هالدول في مدة 22 يوم ..
6- ودي مثلاً في باريس تعلموني وشو أحسن المناطق نروح لها والفنادق الحلوة , وكيفية الانتقال منها إلى بروكسل مثلاً !!
7- أبي الفنادق من فئة 5 نجوم أو 4 ما في مشكلة ..
8- الأماكن الحلوة ثم الحلوة ثم الحلوة ..
9- طبعاً أنا مجنونة شوكلت والهدف من بلجيكا وزيارتي لها الشوكولاتة وثم ودي بقطيعة ألماس حليوة >> حالتها صعبة .. @@
10- ام والله مو عارفة أنا قريت كثير كثير كثير وارتج مخي ما عاد عرفت أفرق ولا كيف أقسم أحسني بضيع إذا رحت هناك وبالذات أنه الانجلش عندي ميح >> وشو له تسافرون !!!!!!!!!!!!!!
11- أتمنى أنه اللي بيساعدني فهم قصدي ,,
مثلاً وصلنا باريس :
اليوم الأول وين نروح وشو نسوي وين أدربي راسي فيه ؟؟؟!!
اليوم الثاني كذا وكذا وكذا
..
12- طبعاً هذا للي يعرفون ما شاء الله ,,
ولكم من دعوات في ظهر الغيب
أرجوكم ساعدوني ..


التعليقات (9)
Reem777
Reem777

ما في أحد يقدر يرد علي ؟!
أرجوكم الله يخليكم أحد يساعدني

ALI_Q8_77
ALI_Q8_77
وعليكم السلام
ان شاء الله بنرد علييج
اولا فترة الرحله طويله على الدول اللمذكوره .. يعني افضل مخطط ممكن لهم 6 ايام بباريس 5 ايام ببروكسل ومنها انزور بروج يوم و4 ايام لهولندا ومنها العوده .. 15 يوم لو كان ترغبون بمدة 22 يوم ضيفو لندن واعكسي المخطط ويكون
هولندا 4 ايام ثم بروكسل 5 ايام باريس 5 ايام اسبوع بلندن والعوده منها وتحتاجون فيزا للندن غير الشنقن الاوربيه
الان الجواب على الاسئله كالاتي بالترتيب
1- اهلا فيكم وتنورون اوربا
2- ما في مشكله ممكن العكس او كما ذكرتي
3- نعم اول بلد الوصول منها الفيزا
4- نعم لانها شنقن
5- ذكرت المخطط بالمقدمه
6- لما نتفق على جدول التنقل بكل تأكيد بالقطار وكل الرحلات دايركت بالقطار السريع والمريح
7- موجوده وكثيره ننتهي بالاول من المخطط وابشري خير بفنادق جيده جدا
8- موجوده بالتقارير المثبته وبرحلات الاعضاء انصحط بالاطلاع عليهم بشكل عملي افضل من الكتابه
9- اجمل انواع الشوكلاته موجوده ببلجيكا بتاكلين لما تشبعين وسوف ارفق لكم بعض المحلات من تصويري
0- ما راح تضيعين الامور سهله
11- و 12- ابشري خير
3- هذي من عندي لا تصعبين الامور
تحياتي

Reem777
Reem777
  1. بعدين بلجيكا بروكسل وشو رايك في فندق مريديان أو فندق اسمه


ALI_Q8_77
يا جعلك بالجنة يا شيخ ’
يسعد قلبك ويحقق أمانيك
طيب حلو أنا بديت أفهم
شوف الله يخليك أنا قريت موضوعات وتقارير كثير
بس تلخبطت كل ما جيت اكتب شي مثلاً ما عرفت أحسني تايهة
طيب وش رايك نخلي الجدول يبدأ بهولندا وينتهي فيها
بالنسبة للندن ما ودنا نحطها بالرحلة لأنه نبي نروح لبريطانيا لحالها سفرة كاملة إن شاء الله
بس نخليها طيب على هولندا وثم بلجيكا وثم باريس عقب فيه مكان بألمانيا قريب بالقطار على ما فهمت اسمها الظاهر كولون >> لا تضحك الظاهر ما عرف .. هي حلوة ! تستاهل نحطها من ضمن البرنامج !
ولا نكتفي بس بهولندا وبلجيكا وباريس
ألحين في هولندا أمستردام وش رايك بهيلتون حقها حاطته ببالي وهل موقعه كويس !
وايش المنطقة اللي نروح نسكن فيها بعد أمستردام في قلبي أروح لهذيك الريفية اللي يسمونها فنيسيا هولندا

بعدين بلجيكا بروكسل وشو رايك في فندق مريديان أو فندق اسمه

http://www.expedia.com/Brussels-Hotels-Royal-Windsor-Hotel-GrandPlace.h16683.Hotel-Information?hashTag=default&c=600ee498-a35c-45c0-99a1-a8d4adbd447a&&?chkin=07%2F20%2F2011&chkout=07%2F26%2F2011&rm1=a2&hwrqCacheKey=62b33d5d-8c73-49e1-a3c5-21d78e9909d2HWRQ&rfrr=-30461&
وأي واحد موقعه مناسب وكويس ؟!
وبروج هل تصلح نروح نسكن فيها ولا نكتفي بيوم نزورها فيه
ومدينة الألماس مثل نروح نسكن فيها ولا يوم يكفيها
وإذا نسكن فيها أفضل أتمنى ترشح لها فنادق لأني ماعرفت لها
ام أنا ودي أعرف وأفهم زين بس يعني بصراحة اللي بيسافر أنا وزوجي ما معانا لا أطفال ولا عائلة
يعني نبي حدائق شواطئ مقاهي شي يونس ممكن مدينة ألعاب حلوة تستاهل
بعدين الله يوفقك ما في مشكلة لو قصرنا بالأيام يعني مثلاً في كل منطقة نخلي 5 ليالي ممتاز بالنسبة لنا
والله يسعدك بالدارين ويوفقك ويهنيك ويسخر لك ..
واللي بيساعدني كمان ما راح أنساه من دعوة بظهر الغيب ..
ممتنة لك ومشكور وما قصرت

ALI_Q8_77
ALI_Q8_77
هلا فيج
اولا لا تجعلين العوده والذهاب من هولندا ..
لو كنتي حابه تضيفين المانيا من اجل ان نكمل ايام الرحله ( 22 يوم ) فيكون المخطط باريس 5 ايام بلجيكا 4 ايام هلولندا 4 ايام دوسلدروف 4 ايام وفرانكفورت النهايه منها 4 ايام مع التسوق فيها .. ومن دوسلدروف انزور كولن وافضل السكن بدوسلدروف الجميله .
واذا اكتفتي فقط بهولندا وبلجيكا وباريس فقللي ايام السفر كما ذكرته بالمخطط بالاول
خلينا انثبت لمخطط وبعدها ننتقل الى السكن ثم الجدول السياحي
تحياتي

Reem777
Reem777
ali_q8_77
خلاص إن شاء الله
العيب اللي فينا ما نحب كثرة التنقل
لكني شاورت زوجي وقال ما نبي نسكن بباريس نزورها يوم ويكفي
وخلينا على هولندا وبلجيكا ونروح لدوسلدروف دامها حلوة وفرانكفورت ونزور كولن
والأيام خلاص اتفقنا على 20 يوم ^_^
وألحين صارت أربع تنقلات كفاية علينا أكثر ما نتحمل
والله يوفقك وين ما توجهت
تعبتك معاي بس خلاص نعتمد على ما قلت هولندا بلجيكا وزيارة لباريس من بلجيكا نروح لها من الصباح ونرجع بالمساء
وثم دوسلدروف وثم نزور كولن وثم فرانكفورت ونرجع للرياض كذا صح !!!
ربي يحقق مناك ويسخر لك ..
مشكور وربي ^_^

الــسراب
الــسراب
اختي ريم .. دام هذي اول مره تسافرون اوروبا .. من اخر رد لج عن باريس
شوفي باريس غير .. احلى عن كل المناطق الثانيه كلها الي في مخطط السفره ..
يعني لازم تركزين عليها اكثر عن الاماكن الثانية ..
على الاقل تقعدين فيها 4 ايام ..
كنت ما برد لانه الاخ القدير علي ما قصر في الرد عشان ما يصير لج تشتيت ..
لكن ادخلت عشان ما تظلمون باريس
والسموحه

Reem777
Reem777
السراب
ههه ياربي يعطيك العافية والصحة دوم
والله ماعرفت تخربطت ألحين
أجل دامكم شايفينها وليس من رأي كمن سمع
فشوركم وهداية الله
إذن راح يصير مثل ما قلت يا أستاذ علي
باريس + بلجيكا + هولندا + دوسلودروف + فرانكفورت
والأيام صارت 20
وقسمهم بمعرفتك ومن وين نبدأ ووين نختمها وجعلك بالجنة ياربي
ما قصرتوا الله يوفقكم وين ما توجهتوا ويسهل لكم كل اموركم
ودي وتقديري واحترامي للجميع

ALI_Q8_77
ALI_Q8_77
هلا فيج
توكلي على الله وانا كان في تنقلات كثيره .. عموما تقسيم الايام هو كالاتي
5 باريس 4 ايام بلجيكا و4 هولندا و4 دوسلدروف و3 ايام للتسوق بفرانكفورت الرائعه من هذي الناحيه وممكن زيارة ملاهي قريبه ..
سؤالي التنقل بأي وسيله ؟؟ ولو كان بالقطار احجزي قبل الرحله بيوم او يومين للدوله الثانيه
حتى تتعرفين على فرانكفورت وما حولها سياحيا هنا
https://artravelers.com/p/re/434878
للسكن بفرانكفورت هنا
https://artravelers.com/p/re/419584
تعرفي على دوسلدروف وعلى المدن الملاهي والاماكن السياحيه وحتى السكن الموجود بالتقرير جيد جدا
https://artravelers.com/p/re/422164
نتكلم عن فنادق بروكسل الجميله انا سكنت بهذا الفندق 5 نجوم قريب من كل شيئ .. وخصوصا الشارع الذي كله مطاعم عربيه
https://www.booking.com/hotel/be/metropole.html?aid=1300939
وهذوله 4 نجوم وبنفس المكان تقريبا
https://www.booking.com/hotel/be/brussels-marriott.html?aid=1300939
وهذا شقق نظام استيديو بنفس المكان من فئة 3 نجوم
https://www.booking.com/hotel/be/adagio-city-aparthotel-brussels-anspach.html?aid=1300939
وممكن الفندق الي ذكرتيه ايضا ببروكسل
وهل اخترتي بهولندا وله ذكر لج الفنادق
تحياتي

Reem777
Reem777
ali_q8_77
يخليك ربي لعين تغليك وترجيك
حلو الآن فهمت ربي ينور عليك
ايه وسيلة التنقل القطار غيرها نو
بهولندا اخترت هيلتون أمستردام وش رايك فيه
وودي بفندق حلو بباريس بس ما يكون غالي حدود 200-250 دولار لليلة
وياليت موقعه يكون كويس
وراح أشوف الموضوعات اللي حطيتهم لي
ربي يسعدك وييسر لك كل أمورك


خصم يصل إلى 25%