قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبوطارق
14-12-2022 - 12:43 pm
السلام عليكم
حيهم
حبيت استفسر عن كاميرات السرعة اللي عندكم بقطر (اكيد تسمونها ماهر لا عندنا بالسعودية نسميها ساهر) ياو ياكثر كاميرات السرعه عندكم اكثر من المواتر كل شبرين كاميرة
السؤال اللي يبطح نفسه: هل يتم احتساب مخالفات على السيارات الخليجية ( اذا كان الجواب نعم عز الله رحنا فيها)
لان الشوارع جديدة علينا وما نعرف حدود السرعة القانونية صراحة لوحات السرعة قليلة واخوكم والله قسم بالله مايسرع بس احيان تفلت الرجل شوي واسحبها "ودي اصدقك"
لدرجة اضطر اشوف السرعة القانونية من القارمن
والله يعطيكم العافية ديرتكم رائعة ولي عودة بتقرير عنها راح يعجبكم ان شاء الله


التعليقات (6)
عبدالله منصوري
عبدالله منصوري
أجل الله يعينك أبوطارق (لانها محسوبة على حسب علمي)
خل راتبك الشهر الجاي على صوب شكلك بتدفع المخالفات ههه (الله يعينك)
تعرف ليش الكاميرات عندنا كثيرة لانه ربعنا متهورين زيادة عن اللزووم فلازم ضبط النفس ياخي
ربي يعطيك العافية ومنتظرين تقريرك الي يبين عليه بيكون تحفة،،

باراشوت
باراشوت
مرحبا
على العموم السرعات في الدوحة 3 انواع
شوارع ضيقة وفي مناطق الاسواق والمناطق القديمة 60
والشوارع العادية بس زحمة تكون فيها 80
والشوارع الفسيحة والطويلة نوعا ما تكون 100
مثلا طريق سلوى.. خارج الدوحة 120 واول ماتدخل الدوحة يصير 100 لحد ماتعبر اخر جسر ثم تصبح 80 وبعدها تدخل الدوحة القديمة وبيكون 60
اضافة اخرى مهمة جدا..اسعار المخالفات نار ومبالغ فيه بشكل كبير مثلا السرعة عليها 500 ريال وكل 10 كيلو اضافية يزيد المبلغ 100
الوقوف الخاطئ 500
عدم لبس الحزام 500 (مخالفة غيبية ممكن وانت ماتدري يتسجل رقم السيارة)
قطع الاشارة 6000 ريال
معظم الاشارات فيها كامرتين وحدة للسرعة والثانية لتجاوز الاشارة فما تقدر تسرع لتجاوز الاشارة الصفراء
فخليك كول وخذ راحتك في الشوارع ..احسن للسياحة

قطري88
قطري88
الله يعينك تتسجل عليك
متوسط اسعار المخالفات من 400 الى 900 للسرعات التي تعدي 10 - 20 % من السرعه المحدده على حسب السرعه ونوع الرادار

أبوطارق
أبوطارق
لقد ثبت بما لايدع مجالا للشك
أن أخوكم راح فيها
خاصة لما سألت موظف مكتب المرور في الستي سنتر وأكد أنها تتسجل بس تتاخر شوي
الحمدلله السرعة متقيدين فيها والله يخلي مثبت السرعة بس تفلت احيان
عندنا بالسعودية يترك مجال أعلى من السرعة المحددة 10% من السرعة يعني السرعة 80 لك حتى 88 كحد أقصى هذا حسب علمي
الحبيب عبدالله منصوري https://artravelers.com فعلا الشباب هنا على الجيوب وتواير البالون تحس السيارة شوي وتطير بالهوى ماتسمع الا صوت شي مر يمك بو
باراشوت https://artravelers.com أسعار مخالفات محصلتش الله يهنيكم واكثر شي مزعج تغير السرعة على الطريق الواحد مثل ماذكرت سلوى هذا اكلت فيه 66 مخالفة أنا متأكد أول ماوصلت اشوف الكاميرات وامر من عندها مبسوط بس كل شوي تطلع كامرة
https://artravelers.com في انواع للرادار بعد
ياجماعة أحد عنده سلف عشرة ريال ولو متقطعة ولا ناسيها مع الغسيل ما ارد شي
تهئ تهئ تهئ

the ro0ok
the ro0ok
أي محسوبه وها شي من ملكم نفسه بعد لانه القطرين لما يجوف السعوديه تطيح عليهم في قطر بس السعودين لما يجون قطر ماتطيح عليهم بقرار من بلدكم
بس الله يعنك وبعد سنتين بزيدونهم يعني بصير كل شبرين
وقوانين قطر
الجسر 80 والنفق 60
وبعض الجسور 100 وبعض الانفاق 80
اما الهاي واي 100 حدك
والله يعينك كم المخالفات 100000000000000000000000 ريال ولا كم ؟ ههه الله لايقول ان شاء الله
ويالله جاري انتضار تقريرك احسه بيطلع عجيب ياعجيب

كشك ملك
كشك ملك
المخالفات في قطر على السيارات السعوديه غير محسوبه ولا تنزل عليك اكيد
( عن تجربه وخبره طبعا )
فكثير من المرات رحت بسيارتي الخاصه ومن سنوات وانا ازورها
ولم تنزل علي ولا مخالفه رغم ان الرادرات مو مقصره معي
ولكن لا تسرع بزياده حرصا على سلامتك


خصم يصل إلى 25%