امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبــوعبدالله
07-06-2022 - 11:20 pm
السلام عليكم ورحمة الله وبركانة
أخواني الغالين مشرفنا https://artravelers.com والاعضاء والخبراء أطلب منكم بنصائح الفنادق المذكوره للعلم معانه أطفال
الفنادق المقترح عليها
نبداء من نيويورك
Crowne Plaza Times Square
لمدة 3لياليثم الذهاب بالسيارة الى منطقة تناغرا الجانب الامريكى مع العلم لم استخرج فيزاء الكندية ما تسوى لان بس المدة ليلتان
Buffalo Niagara International Airport
أبي فندق يكون قريب من الشلالات النياغرا لمدة ليالتين
أتمنا يكون مجرب عشان معانه أطفال ومعانه سياره
ثم نذهب من نفس المطار
Buffalo Niagara International Airport
الي منطقة سان ديقو
فنادق افضل سويت
هلتون او هوليدان وامبيسي سويت
بعدين راح نذهب بالسياره الى منطقه
لاس فيغاس
فندق فنيسيا
أتمنا من مشرفنا والخبراء والاعضاء تعليق على هذا الموضوع بصراحه الفندق عاجبتى حيل
انصحك ما تسكن فيه اذا معاك اطفال لانه فيه كازينو
وطبعا نصيحتي لك لها اسباب لان عندهم قانون هناك اللي يقامر او يلعب بمكاين القمار اقل من 18 سنه يغرمونه غرامه عاليه جدا
وهناك المكائن منتشره بشكل مو طبيعي حتى في دورات المياه وانتو بكرامه موجوده فهني توجد صعوبه بانك تسيطر على اطفالك بعدم اللعب مع ان الاجهزه شكلها تغري
وفي فندق الاقصر على شكل الاهرامات باللون الازرق انصح فيه وبشده مع ان فيه كازينو لكن فيه العاب وسينما ومطاعم
وهذا الكلام أحد الخبراء رايه الشخصي وجهة نظره
لوس أنجلس
ثم نذهب بالسياره الى منطقة
وشنو رايكم فى هذي الفنادق قريبه عند الملاهي دزني لاند
caste inn and suies Anaheim
او هذا الفندق
Anaheim Hilton
وكم تبعد الفنادق عن السنتر بالسياره
وهل تنصحوني كم يوم اقعد
عندي 11ليله
هل أوزع الايام بين هذي المنطقه
نيوروبوت بيش
وبعدين راح نذهب بالسياره الى منطقة
سان فرانسيسكو
نبي فندق مجرب بالسنتر نظيف وافضل سويت اذا موغالي السعرمعقول
أتمنا من التجاوب معاي عشان بحجز الفنادق ما عليكم أمر لاحد يقول أدخل على هذا الرابط
مابى راوابط ((شفت كثير القارير ))
وأخر شئ شنو تنصحوني بالطيران الداخلي في ناس تقولي طيران دلتا او شنو الافضل غير هذي الشركة
أخوكم أبوعبدالله


التعليقات (9)
aziz20012001
aziz20012001
نصيحة توقف ليلة او اثنين فى مدينة هيرشى بنسلفانيااذا بتروح من نيويورك الى نياقرا فولز بالسيارة. .. مدينة هرشى هى مدينة الشوكولاتة وهى ممتعة للاطفال....
بالنسبة لفيقاس انصح وبشدة بفندق الفنيشيان the venetian وترى فندق الاقصر قديم جدا وعفى علية الزمن وبعيد عن الشارع الرئيسى
وبالمناسبة كل الفنادق فيها كازينوهات قمار ولكن ماكو شى أسمة غرامة مالية عالية ؟!؟!؟
استفسار الرحلة كم يوم ؟ وكم يوم ناوي تقعد بكل مدينة؟

Impact
Impact
اهلين بمشرفنا الكريم ,,
عزيزي
بالنسبة لنيويورك
اغلب الاعضاء لم يمدحوا في فندق الكراون بلازا بسبب ضيق الغرف !!
اغلب فنادق نيويوك غرفها ضيقة !!
ارشحلك هذا الرابط لفنادق نيويورك المقترحة :
فنادق نياقرا فولز الجانب الامريكي كثيرة واغلبها قريبة من الشلالات لاكن للاسف مافي ولا فندق يطل عليها !!
ارشحلك فندق سكنت فيه العام الماضي 2010 وموجود في تقريري الاخير وهو

سانفرانسيسكوا افضل منطقة للسكن هي اليونيون سكوير وهما اهم الفنادق فيها :
http://www.theorchardhotel.com/
الخطوط عندي نفسها في امريكا وما اشوف اي فرق !!
اختار ما يناسب وقتك والارخص لك من موقع Expedia
فيه خطوط اسمها Southwest ارخص الخطوط وافضلها لاكن للاسف مالها اتجاهات كثيرة شيك عليها
لانها الوحيدة التي تسمح لكل مسافر بحقيبتين مجانية واسعارها رخيصة جداً وخدمتهم مميزة !!
اتمنى لكم التوفيق ,,
وان شاء الله ما اكون قصرت معك واتمنى المشاركة من الاعضاء والخبراء فيما يرونه من نصائح اخرى

أبــوعبدالله
أبــوعبدالله
aziz20012001
ياهلا باخي الغالي خبيرنا عزيز شنو تنصحني أسكن ليله الفندق
وأن شاءالله راح أكتب لك خط الرحله من الكويت دايركت
وبيض الله وجهك على الفزعه

أبــوعبدالله
أبــوعبدالله
Impact
أشكرك جدا يالغالي مشرفنا على المعلومات المفيده وماقصر خبيرنا عزيز على الاجابات
شنو رايك فى هذا الفندق
Hyatt Regency Buffalo
وأنا اخترت هذا الفندق
http://www.venetian.com/
شنو رايك
في بالنسبه الاطفال أبشرك أصغار أكبر وحده 6سنوات وأصغر وحده 3 سنوات

boshhayeb
boshhayeb
انا جربت فندق palazzo وهو نفس شركه فندق venetien وهو ممتاز ومريح للاطفال والكبار لأن فيه مجمع كبير وجميل وانصحك في الفندقين ممتازين جدا والغرف كبيره وراهيه
اما سان فرانسيسكو انصحك في marriott union square قريب من ساحه الunion square تقريبا block واحد يبعد عن الساحه ومعامله الفندق ممتازه
واي سؤال انا حاضر

Impact
Impact
هلا ياغالي ,,
بالنسبة لفندق Hyatt Regency Buffalo
ممتاز ولكن يبعد عن الشلالات حوالي 35 دقيقة وانت كنت طالب اقرب شي للشلالات !!
دام انه اطفالك الله يحفظهم صغار ما عندك مشكلة والله يوفقكم وتستانسون

أبــوعبدالله
أبــوعبدالله
Impact
هلا والله يالغالي مشرفنا اي والله أنا أبي الاقرب شنو تنصحني
بالفنادق هذي النظافه والاقراب
https://artravelers.com
Hyatt Regency Buffalo
أو فندق الهلتون قريب من المطار Buffalo

Impact
Impact
هلا ياغالي ,,
اسكن في الي تبغاه
اهم شي انت اختار تبغا السكن جنب الشلالات ولا لا
لاحض ان الشلالات تخلصها بنص يوم من الصباح الى العضصر وبعد كذا مافي شي تسويه في المدينة لازم تروح بافلوا فيها مولات ومطاعم !!

waleed8818
waleed8818
ابوعبدالله متي تاريخ سفرك لنيويورك ولوس انجلس ؟


خصم يصل إلى 25%