قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ملاك و حلاوووة
05-11-2022 - 03:56 am
ما ابي اطول عليكم .. ولكن زوجي عرضت عليه الشركه التي يعمل فيها ان يتم نقله الى دبي او الكويت او قطر .. وعليه ان يختار ايهما انسب اليه ..
سؤالي /
هل العيشه هناك غالية مثل ما نسمع والاجار والمواصلات غالية ؟ واذا نبي نشتري شقة او بيت ممكن نحصل بكم الاسعار
ولو انا ابي اتوظف هل سهل اني احصل وظيفة انا معلمه في وزارة التربية الان؟
هل يقبلوني في مدرسة حكومية وشلون الوضع في مدارسكم يعني الراتب بيكون مثل راتبي اللحين ولا اعامل كمعلمة اجنبية ؟ زوجي بحريني وانا سعوديه !
وولدي صف كي جي 1 يقبلونه في المدارس الحكوميه ولا بس خاصه هو اللحين في مدرسة خاصه بريطانية ؟
مع العلم ان مدة العقد بتكون سنتين وقابل للتجديد على حسب رغبتنا اذا حبينا نطول ولالا ؟
انا محتارة مب عارفه شسوي ما ابي اتغرب عن ديرتنا لكن محتارة لازم اختار ...لان الشركه بتنتقل من البحرين ..وبيغلقون فرعهم هناك !!! وزوجي ملتزم وياهم !!


التعليقات (9)
Hamad-1
Hamad-1
قطر بلد جميل ومحل اهتمام الكثير من الشركات العالميه بسب المشاريع الكبرى فيه مثل الجامعات والمستشفيات وشركة القطار والمطار الجديد والمينا وكذلك شركات الغاز والنفط.
السكن متوفر باشكال وانواع كثيره شقق او فيلل والاسعار اكيد متفاوته وحسب الموقع ومن 5000 حتى المائة الف للسكن والمدارس يوجد الكثير من المدارس الاجنبيه وكونك خليجيه لك معامله المواطنه واتوقع فرص العمل بالمدارس كبيره وكونكم خليجين ابد ماراح تشعرون باي غربه خاصه اذا سكنتوا بين العائلات القطريه والامور طيبه وللتسليه عندنا سبايرزون وكتارا وسيلين وكثير غيرهم

قطري88
قطري88
من ناحيه معامله الخليجي فمن المعروف ان الخليجي في قطر يعامل معاملة ابن البلد في كافة الامور عدى الرواتب فقط ..
من ناحيه الاسعار هي اكيد غاليه وتقدرين تقارنينها بدبي .. وعلى حسب صرفكم
بخصوص مدرسة الولد بالبدايه لازم تحددين السكن لان نظام المدارس الحكومية التغى وحاليا في مدارس مستقله وهي تعتمد التسجيل على عقد السكن .. شي جذي
وحياكم الله بين اهلكم واخوانكم

{ ام عزيز
{ ام عزيز
هلا اختي بخصوص توظيفك ابشرك فيه موظفات كثر سعوديات ولي صديقه سعوديه معلمه باحد هالمدارس راتبها 12 الف ريال قطري الحياه نفس ماسمعتي غاليه اقل شقه ممكن تكون بثلاثه الاف غرفه وصاله وتوابعهم وممكن تلاقين غرفتين وصاله بتوابعهم بنفس هالسعر بس بالمناطق خارج الدوحه ابنك لانكم قطاع خاص ماادري اذا يقبلونه بالمستقل اولا لاني اذكر لما جيت اسجل ولدي كان من الضمن الشروط انه شغل الوالد يكون حكومي ولكن لاتشيلين هم المدارس الاجنبيه متوفره لكن ماانصحج بالتاخير اذا قررتوا على قطر خصوصا المدارس الاجنبيه اغلبها توقف التسجيل بشهر 4 ومايكون فيها شاغر للمقاعد ممكن تحجزين من الان وتراسلين اي مدرسه عشان ماتضيع على الولد سنه كامله
موفقين

ملاك و حلاوووة
ملاك و حلاوووة
مشكورة اختي ام عزيز ..
بس ما قلتي لي كيف اقدم على الوظيفة من اللحين في عندكم وزارة للتربية ولا كل مدرسة لحالها ؟ لاني سمعت ان عندكم المدارس اغلبها خاصة ؟
اذا على الاجار زوجي يقول نشتري احسن من الاجار .. لكن مو عارفين كيف اسعار العقارات عندكم .. ياريت لو احد عنده موقع للعقارات او للتوظيف .. وايد زين ..
بالنسبة لمدرسة ولدي اعتقد ان مدرسة النور او الشويفات الدولية بتكون نفس منهج مدرسته الحالية .. لكن ما عليه لو سجلناه بالانترنت ؟ ولا لازم حضور شخصي ؟!
اشكرك اختي على تقديم المعلومات جزاك الله خيرا ..

سلف الامة
سلف الامة
السلام عليكم ورحمة الله وبركاته
مدارس قطر كلها مستقله والتوظيف يكون في كل مدرسه على حده

سلف الامة
سلف الامة
السلام عليكم ورحمة الله وبركاته
اما بالنسبه للسكن فلو تستطيعون تشترون فيلا وايد احسن
وافظل موقع لعرض العقارات هو شبكة الاسهم القطريه قسم العقارات
وكذلك لو تفتح موقع جريدة الشرق القطريه في ملحق الوسيط في الكثير من الفلل
اما الاسعار فعلى حسب الموقع والتشطيب والفلل داخل الدوحة اسعارها من 2000000 الى 2500000 ريال للفيلا مساحة
0متر وكل ما طلعت خارج الدوحة تقل الاسعار فمثلا في سميسمه الفيلا 1500000 ريال وفي المشاف 1800000 ريال

the ro0ok
the ro0ok
اختي اول شي حياكم في قطر
ثانيا الاسعار جدا اصبحت منخفضه بعد الازمه العالميه
اما الحياه فهي ممتعه فهي مناسبه للعيش والسياحه والتعليم
اما كمدرسه ف مافي مدارس حكوميه الان في قطر كلها مستقله يعني انتي وحظج مع مديرة المدرسه بس الروات عاليا وليست قليله يعني اقل شيء 15 الف
بس على فكره المدارس المستقله تشترط الانجليزيه لانه المنهج يقدم بالانجليزي بس اغلب الاحيان يمشونها من الروضه والتمهيدي مرورا باول ابتدائي الى ثالث ثانوي هذا الكلام للمواد الكيميا والفيزيا والكيميا ( العلوم ) والرياضيات
والسياحه موجوده لاتخافون 6 مجمات حاليا و 5 تحت الصيانه وافتتاحهم من هل سنه الى 2013 تدريجيا
وبالنسبه للاشغال فالدوله محتاجه حيل خصوصا مطار قطر قرب الافتتاح بداية 2012 ومحتاجين 50 الف وضيفه للعمل بالمطار وغير المدارس الي تنبني وغير المتسفيات فلاتخافون نسبة العاطلين في قطر اقل من 2%

عبدالله منصوري
عبدالله منصوري
  1. شوفي قطر حلوه وصغيره وكل شيء جنب بعض والامن مستدب عندنا والحمدلله،،

  2. بالنسبة للسكن ماعرف هل يحق لكم التملك او لا ولكن اغلب الظن لا يمكن،


حياكم أختي انتي وزوجج والصغيرون،،

شوفي قطر حلوه وصغيره وكل شيء جنب بعض والامن مستدب عندنا والحمدلله،،

بالنسبة للسكن ماعرف هل يحق لكم التملك او لا ولكن اغلب الظن لا يمكن،

ولو رحنا ناحية الايجار الخيارات عندنا كثيرة ومعقولة بعض الشيء فمثلا عندنا شقق فخمة مفروشة بالكامل اثاث فخم وايجارها للغرفة والصالة والمطبخوحمام الله يعزج يبدا من 4500 ، وفي شقق مفروشة جديدة بس اثاثه مب فخم لكن ايجاره رخيص حيث تكون مفروشة بالكامل وغرفتين مع ملحقاتها في الدوحه ايجارها يبدا من 4300 والمشاف يبدا من 4000 وهي شقق ازدان، وفي عندكم بعد خيار هو فلل ارضية لكن في مناظق بعيدة ويبدا الايجار فيها من 5500 ريال.
بالنسبة للوظيفة فان شاء الله بتحصلين بكل سهولة حيث لوتقدرين تدخلين بشكل يومي جريدة الراية والشرق عن طريق النت وتقرينها راح تحصلين فيها مدارس مستقلة تحتاج لتوظيف مدرسات بمختلف التخصصات.
بالنسبة لولدج راح ما يقبلونه في المدارس المستقلة مدام الاب لا يعمل في جهة حكومية (لكن في بعض الحالات الاستثنائية الي ممكن تجادلين المدرسة فيها حيث ممكن تحصلين على موافقة من الديوان ويتسجل ولدج في المدرسة وعلى ما عتقد لو انتي اشتغلتي في احد هل المدارس ممكن ولدج يدرس فيها، أما المدارس الخاصة فهي أسعارها مرتفعة طبعاً ولازم تسجلين مبكر لانه عندهم قائمة الانتظار طويلة جداً (فالله يعينج)
بالنسبة للمعيشة عندنا الحمدلله حلوه ومستوره والاغراض او المشتريات الحمدلله في متناول الجميع، طبعا عندنا الكثير من الحدائق والمجمعات لقضاء عطلة نهاية الاسبوع،،
في النهاية ترى خليجنا واحد وكلنا ديرة وحده وسوا رحتو لدبي الكويت او قطر ترى كلنا واحد وإنشاءالله ماراح تحسين بأي فرق لانكم بتكونون بين اهلكم وربعكم،،
ربي يوفقكم وأي خدمة ثانية طال عمرج نحنا تحت أأمرج،،

ملاك و حلاوووة
ملاك و حلاوووة
اشكركم اخواني على المساعده بإذن الله جاري البحث عن جميع الخيارات عندنا شهر نقرر وان شاء الله خير ..
اتمنى لقطر مزيد من التقدم والازدهار في ظل شعبها وحكامها الله يحفظكم من كل سوء .....امين ان شاء الله


خصم يصل إلى 25%