ابو فهد الرياض2
وعليكم السلام ورحمة الله وبركاته وحياك الله اخي ابو فهد بديرتك الكويت وبين اهلك اولا الكويت تراها صغيرة وما راح تضيع فيها بس راح اخبرك باحسن الاماكن نجي اولا للمولات عندك الافنيوز مول ومارينا مول ومول 360 ومول الكوت ومول المنشر وجميع المولات فيهم مطاعم وجبات سريعة ومطاعم عالمية ولبنانية وايرانية وهندية وكل اللي يخطر على بالك وايضا يوجد سينمات بكل مول ومحلات عالمية وكافيهات على اعلى مستوى واغلب المولات بها صالات العاب للاطفال وعندك المركز العلمي بالسالمية اما الاسواق كثيرة مثل سوق المباركية وسوق الفحيحيل وسوق الفروانية وسوق السالمية واسواق حولي واي خدمة انا حاضر بالتوفيق يا رب

اوفر عليك التفكير اخوي والحوسه
اهم شيئين لازم تزورها
سوق المباركيه في قلب العاصمه الكويت بصراحه جميل(طريقه مايضيع)
بالاضافه الى شارع الخليج العربي ..هذا الشارع يحتاج يومين من رحلتك بسبب كثرة المولات والالعاب والمطاعم والكافيهات فيه بالاضافه الى البحر اللي يمتد على طول هالشارع ، ايضا الابراج موجوده على هذا الشارع وهي تعتبر معلم من معالم الكويت
كل التوفيق لك بالرحله
وانا جاي الخميس بعدك بيوم

حياكم الله في بلدكم الكويت
فعلا شارع الخليج العربي فيه الكثير من الاماكن السياحية ولاتنسون الاكواريوم وفريج صويلح

لاتنسى حجز الفندق قبل لا توصل الكويت ترى هالوقت زحمة يمكن تتوهق اذا ماكنت حاجز قبل
لان الكويت قليلة فنادقها وتوصل بالسلامة

اخي العزيز توصل بالسلامه
اهم شي هو حجز الفندق او الشقه والباقي عادي جداً وبأمكانك التوجه للاماكن الي قالوها لك الاعضاء الكرام قبلي .
بالتوفيق ان شاء الله تعالى .