1. ((__ مقتطفات من الرحلة __))

:: بسم الله الرحمن الرحيم ::
هالطلعه كانت بعطلة نصف السنه تقريباً بداية شهر 3 .. وتوها تنزل >>> لا تستغربون انا ساعتي بسنه
المهم ماعلينا خ
وحنا جالسين مدري وين .. مدري مين قال وش رايكم نخيّم بهالعطله
كلنا وافقنا
وبما اننا اول مره تقريباً ننسق ونجهز طلعت تخييم .. قعدنا حول الاسبوع نجهز ونكتب الاغرااض وحوسه .. لكن كنا قدها >>> بدأ يمدح
الميزانيه كانت على ما اتذكر 60 ويوم وصلنا هناك زادت 10
من قال أننا نسينا البباسي
عدد الشباب 8
قبل الطلعه بكم يوم رحنا ندور مكان .. رحنا لروضة التنهات بس كانت كأن مانزل عليها مطر من الجفاف اللي فيها .. فقلنا مالنا الا خريم
صور من التنهات

هذا واحد من الشباب مستلقي على الأرض

المهم
جهزنا كل الاغراض – تقريباً –
وتواعدنا عند بيت واحد من الشباب
وبدأ ربط العفش

مشينا
طبعاً مافيه صور للعشاء والغداء لأن بعض الشباب كنت ما أمون عليهم واستحي اوقفهم عشان اصور
نصبنا الخيمه وضبطنا الجلسه ومكان الطبخ وكل شي
طبعاً انا ما كنت افضل العدد الكبير لأن كل واحد بيكون له نظام .. واللي يسهر واللي ينام بدري .. وبعضهم بعد نصب الخيام نام على طول
اول ليله كان الجو بارد جداً .. أبرد من نيوزلندا
حتا يوم قمنا الصبح شفنا هالمنظر

القزاز متجمد .. صلينا الفجر بعد معاناة مع الوضوء
بصراحه نويت اتيمم بس شفتهم كلهم توضو ..قلت الموت مع الجماعه رحمه
صوره من بعد الفجر والكل يدور النار

فيه ثنين مساكين ناموا برا

جا وقت التفنجل

هذا واحدن من العيال يصلح القهوه
نقول له يبن الحلال الدله مايله .. بتطيح
يقول لا ماعليكم
وبالأخير طاحت وطاح الشر معها

يوم دفا الجو شوي وطلعت الشمس .. بدينا بالفطور

الظهر .. الجو شمس حاميه
غريب الجو بالليل برد موت والظهر شمس

في كل مكان وزمان

طبعاً الظهر .. الجلسه برا تسد النفس حر شديد
فدخلنا داخل ومافيه الا لعب كيرم .. وأول من يطلع انا كالعاده

عجن الخبز لفطور بكرا
هذي فكرتي .. أول مره اسوي خبز .. طبعاً جبنا خبز احتياط في حال الفشل المتوقع
هذا اللي كب القهوه يعجنها لأن يدي راحت وطي مع العجن

من داخل الخيمه

قبل المغرب رحت انا واحد داخل الروضه نتمشى
خيمتنا ويتضح الباترول

كانت الروضه من داخل مليانه مويه

بكرا الصبح كالعاده نجهز الفطور
أنا أخذت على عاتقي تجهيز الخبز اللي وهقت نفسي فيه
بعض أعضاء الرحله جايين من الروضه

الخبز ما أعجبني أبد .. لكن يقولون انه مقبول ويفي بالغرض

طبعاً لازم شاهي عشان الواحد يمخمخ وهو يخبز

محاتسيكم وهو يخبز

خبيزاتي بالجبن

هذي شبكة الطائرة حقتنا

واللي يصلح الشكشوكه

والفول

أفطرنا وشلنا أغراضنا وحوستنا وعلى بيوتنا
صوره من طريق العوده (من رحله ثانيه بس ماعليه خ )

((__ مقتطفات من الرحلة __))

• ثاني ليله نمت بالسيارة .. يقولون الواحد لازم يخاف على صحته لأن البرد اللي شفناه مو طبيعي تخيلو لابس بجامه وجاكيت وفروه ومتغطي ببطانه وقاعد اتنافض
• الميزانيه وعلى قولة واحد من العيال لو زادت ماتضر بس لاتنقص
• وانا العب طائره رجلي دخلت بحفره صغيره وهو يلتوي المفصل وكل ثقلي عليه .. رحت الدكتور وقال عندك تمزق بالمفصل فيا أخواني السمينون انتبهوا لأعماركم

بس لو نظرت للجانب الايجابي من الاصابة أني ما حمّلت معهم بالرجعه

• كثروا حليب تروا ما يدفي ألا هو ولا عزاء للببسي
• وبس