CRYSTAL
31-10-2022 - 10:25 am
السلام عليكم و رحمة الله
أنا إن شاء الله طالع الطايف من جدة نهاية الأسبوع
فياريت تساعدوني في الطريق من جدة للطايف
1- من فين أمشي بالضبط من جدة ؟
إللي أعرفه هو الطريق إلى مكة و بعد كده يجيني مفرق قبل لا أدخل مكة للطايف
و أعرف طريق ثاني أعتقد يمر بالعوالي من أمام جامعة أم القرى في العابدية
و سمعت فيه طريق للسيل فأحتاج آراءكم في الموضوع هذا
2- أنا أبغى أروح في الطايف للحوية و تحديدا جامعة الطايف
فأبغى أعرف بعد دخول الطايف كيف أروح للحوية و كيف أروح للجامعة بالضبط
3- كم مسافة الطريق ؟
4- إن كان فيه سكن نظيف و سعره معقول قريب من الجامعة ياريت تقولوا لي
و لو إني ممكن أروح و أرجع في نفس اليوم
و شكرا لكم
الطريق بسيط وسهل ومارح تضيع دامك تعرف طريق العوالي اللي يوديك على جامعة ام القرى تمشي دوغري رح يوصلك على طريق جبل الكر وتوصل الهدا بالطايف وتنزل كانك متجه الى الطايف
وقبل توصل حديقة الملك فهد بمدخل الطايف فيه كوبري الخالدية تطلعه يمين وتتجه الى طريق الحوية على طول خليك ماشي بالخط طبعا خليك متبع اللوحات اللي توديك الحوية
واذا وصلت الحوية رح تجد جامعة الطايف على اليسار
وبالنسبة للمسافة من جده للطايف حوالي 180ك تقريبا
ومن الطايف الى الحوية25 ك
طبعا السكن متوفر بطريق الحوية وقريب من الجامعة
وبالتوفيق