الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابو روان959
31-10-2022 - 11:04 am
والله العظيم كم أنا متشوق لزيارة الكويت
لما سمعت عنها وعن طيبة أهلها وعن أسواقها ومجمعاتها
فلدي بعض الأسئلة
  • أريد بعض المجمعات الفخمة التي فيها سينما ومطاعم مطلة عالبحر بالعربي تفتح النفس .
  • كم تبعد الكويت عن السالمية ( يعني هل استطيع التنقل بينهما )
  • أريد مطاعم حلوة وراقية وكافي شوب تفتح النفس .
  • فندق ( بودل ) هل هو راقي ويصلح للسكن .
  • هل البنزبن عندكم يختلف عن اللي عندنا (( أريد اللي لونه أخضر )).

وتقبلوا خالص تحياتي


التعليقات (7)
كويتية^رحالة
كويتية^رحالة
يا هلا ويامرحبا فيك بديرتك الكويت وأشكرك على مشاعرك الطيبة..
بالنسبة للمجمعات اللي تطل عالبحر وفيها مطاعم وسينما وكافيهات عندك المارينا مول وهو عبارة عن مول وفندق وفيه
قسم خاص على البحر اسمه مارينا كرسنت فيه مطاعم وكافيهات يربط بينه وبين المول جسر مغطى ومكيف من ضمن
المول..عندك سوق شرق ايضا على البحر وبه مطاعم وسينما..طبعا في مولات كثيرة جميلة بس مو على البحر منها الافنيوز
ومجمع 360 والكوت والمهلب و...الخ
بخصوص المسافة بين الكويت والسالمية فالمسافة ليست بعيدة بالسيارة تستطيع التنقل بينهما بسهولة بالنسبة للمطاعم
فهي كثيرة جدا جدا جدا وياليت تحدد نوع المطاعم اللي تبيها لتسهيل عملية الاختيار يعني هندي،كويتي،لبناني،فرنسي،
أمريكي،ياباني..الخ وسأرشح لك أفضلهم ان شاء الله والكافيهات كثيرة جدا ايضا بالمولات وبكل مكان وأنصحك تقعد بجوكليت
بار وله فرعين واحد بالبدع بالقرب من فندق موفمبك والآخر موجود بمارينا كرسنت..أما بالنسبة لبودل فحسب معلوماتي
هي عبارة عن شقق فندقية وليس فندق وحسب كلام الاعضاء يمدحونه..بخصوص البانزين مايختلف عن اللي عندكم
في نوعين خصوصي وهو الافضل والنوع الثاني أقل منه جودة وسعرا وهو الممتاز..أتمنى اني اكون جاوبت على كل
استفساراتك واتمنى لك رحلة سعيدة وممتعة في ربوع ديرتنا الحبيبة الكويت.

ابو روان959
ابو روان959
الف شكر على ردك وسعة صدرك لاعدمناك يارب
بالنسبة للمطاعم
( هندي - إيطالي - لبناني - خليجي )
إيش البنزين اللي لونه أخضر عندكم هل هو الخصوصي ولا الممتاز
وآسف اذا ثقلت عليكم
وفيه سؤال أخير
هل أستطيع أخذ راحتي في المطاعم والكافيهات بخصوص إني معي زوجتي
مافيه ازعاج ولا مضايقات

الماسة الكويت
الماسة الكويت
اختي كويتيه ماشاءالله قالت كل شي
يعطيها العافيه
بالنسبه للمطاعم ماراح تحتار بتصادف بكل شارع تلقون مطاعم
بالنسبه للاكل الهندي انصحك بمطعم قصير بالسالميه
ومطعم بخاري بفندق الشيراتون

الماسة الكويت
الماسة الكويت
والمطاعم اللبنانيه وايد
عندك ايام زمان بفندق هوليدي ان
وفيلا فيروز بالشعب
وبرج الحمام
المياس
الصراحه وايد
المطاعم الخليجيه
فريج صويلح وبيت ديكسون ومطعم زمان اول
وبالنسبه للمطاعم والكافيهات تاخذون راحتكم واكيد محد راح يضايقكم
عامة المجمعات كلها مطاعم
شوفوا مطاعم الافنيوز و360
من رايي الافنيوز شامل كل شي محلات ومطاعم وسينمات يبيلكم كل يوم تتمشون بركن وتاكلون فيه
واي استفسار ثاني بخاطرك قوله وان شاءالله محد راح يقصر
واكيد بتنورون الديره بوجودكم

*ام البدر*
*ام البدر*
ما قصرت الماسه بالردود
وحياك الله
بالنسبه للبنزين عندنا ممتاز وعندنا خصوصى
وبالنسبه لقعده الكوفيهات الامور عندنا لله الحمد زينه وما فيها اى ازعاج خصوصا بالمولات
والعوايل اكثر من الشباب فيها وحياكم الله

اصول2
اصول2
واضيف على الاخوات الكريمات والرد على تساؤلك بان البانزين اللي باللون الاخضر هو الخصوصي واللي باللون الاحمر هو العادي وحياك الله .

ابو روان959
ابو روان959
الله يوفقكم جميع والله ماقصرتم الله يعطيكم الف عافية


خصم يصل إلى 25%