قررت الوصول من زيورخ واجلس فيها يومين واستاجر سياره وامر على انترلكن وبعدها اطلع لميونخ بالسياره
هل انترلكن لازم سياره ؟؟؟
ولما حسبتها بالطيران الاقتصادي من زيورخ لميونخ طلعت ريال
بالسياره تقريباً طول فترت جلستي يعني بعد اليومين اللي بزيورخ واول مااوصل ان شاءالله ميونخ اسلمها
وعندي السياره افضل
وش الفنادق اللي تنصحوني فيها بزيورخ
اما انترلكن الافضل عندي شقق
اما ميونخ افضل الفنادق غير mercure

أحجز من جنيف وبالقطار على انترلكن إلا إذا كانك حجزت على زيورخ وخلصت
وبالنسبة للسيارة والله انا عني جلست اسبوع في انترلكن
ولا استفدت منها تلك الفائدة أو جاني وقت وان حديت عليها
لأني كنت حاجز في السنتر وكل شيء قريب ولله الحمد وكل الجولات أما على باخرة أو قطار أو باص
وكل المواصلات متوفرة هناك
وشوري عليك استأجر سيارة وانت طالع من انترلكن
وبالنسبة للسكن في شقق
هذا رابط للأخت هداوة للشقق في انترلكن
الله يجزاها خير
شقق في انترلاكن ..والقرى اللي حواليها ..لعيونكم - منتدى العرب المسافرون https://artravelers.com
الله يوفقك ويسهل امورك

هلا اخوي ابو عمر
كنت بحجز عن طريق زيورخ بس الحجز صار حوسه وغيرته لجنيف
بتكون الرحله
صار فيه تعديل بمكان الوصول لجنيف بسبب الحجز
فصارت الذهاب الأثنين تاريخ 11 يوليو العوده السبت 23 يوليو
الذهاب الأحد تاريخ 17 يوليو العوده الخميس 28 يوليو
ايهما افضل. ؟
هل جنيف تكفيها يومين ؟
فهمت من كلامك ماتنصحني بالسياره بالانترلكن ممكن توضحلي اكثر من ناحيه الاماكن اللي ازورها هل هي بعيده او قريبه يعني اقدر اوصلها كعابي وممكن ترشحلي وش هالأماكن
لان اخاف مثل زيلامسي لازم سياره عشان تدور الاماكن الصح مثل الكابرون والزحليقه الصيفيه وغيرها لان بصراحه استفدت من السياره كثير
على فكره ممكن ترشحلي كم فندق بجنيف
ومشكور اخوي

خلك على الأول اللي من تاريخ 11
وجنيف يكفيها يومين ، يوم تقضية بمدينةجنيف ويوم انيسي
وبالنسبة للسيارة أنا قلت لك اللي صار معي في الأسبوع اللي قضيته هناك
وكان السكن في السنتر
تقدر توصل السوبر ماركت على الأقدام ومحطة القطار واليخت كلها قريبة على الأقدام
وراح تستخدمها في الوصول إلى القمة والجولة البحرية وكثير من القرى الجميلة حتى لو معك سيارة
والباصات متوفرة وعربات الخيول متوفرة
والدراجات الهوائية متوفرة
وكل هالأشياء استخدمتها والسيارة واقفة عند الشقة
طبعاً لازم تقرا عن السويس باس وتستفيد منها في مثل هالأمور
وتقدر تستأجر سيارة لليوم اللي تحتاج فيه سيارة
وترا وانا اخوك هذي وجهت نظري
وبالنسبة للسكن في جنيف شف عندك دليل سويسرا السياحي
أنا حجزت في واحد من الفنادق الموجودة فيه
https://artravelers.com/p/re/51030
الله يسر امورك

طيب أقدر استأجر السيارة من جنيف و أروح للانترلكن واسلمها هناك ؟؟
ولاآروح للانترلكن من جنيف بالقطار و استأجرها من الانترلكن وأسلمها بميونخ لآني آبي آروح من الانترلكن بالسيارة وأوقف برست؟؟؟؟
ولا مافيه مكاتب تأجير سيارات بالانترلكن؟

تقدر تستأجر سيارة من جنيف وتسلمها في انترلكن طبعاً إذا كان لهم مكتب في انترلكن وانا ما شفت ألا مكتب تأجير سيارات واحدأوربا كار وممتازين جداًبس قبل تسلمهم استفسر عن اليوم اللي بتستأجر منهم مرة ثانه متوفر ولا لا

شكلي يبو عمر ماراح استاجر من اول مااوصل بخليها وقت روحتي للانترلكن وتكون معي لين اوصل ميونخ
من واقع تجربه عندي سكست رهيبين من ناحيه التعامل
طيب تقدر ترشحلي فنادق. ؟

فندق قولدي جميل جداً وكثير يمدحونه
والرابط الثاني فيه فنادق جميل واطلع على تقيم المقيمين فيه
https://www.booking.com/hotel/ch/goldey.html?aid=1300939

يمل العافية يبو عمر الله يجزاك خير