المترادف
مرحبا فيك اخوي بالنسبة لتاجير سيارة صغيرة مع سائق تكون بحدود 50 او60 دولار في غير المواسم تقريبا ,وماعرفت وين راح تأجر السكن في فندق او شقق فندقية يعني بالمتوسط تكلفة تاجير الليلة 150 دولار حلوة مع مطاعم راقية ومطاعم تيك اواي ومافي تسوق بتكفيكم وزيادة بالنسبة لنا 10 الاف ريال يعادل تقريبا 745دينار تروح وانت مرتاح ,ومن الافضل تصرف فلوسك دولارات من بلدك عشان فرق العملة مايطيح سعر الريال في لبنان نصيحة,وطبعا انا بنظري لبنان نفس دبي من ناحية الغلاء والبعض يقول لبنان اغلى وآنا اقولك من واقع تجربة,
وسفرة سعيدة وموفقة وعسى الله يخليلك زوجتج الحبيبة والله يونسكم بالعافية.

اصول2
مشكور ع الرد اخي اصول2 .
يعني 150الى200 دولار تكفي فندق اوشقة مع مصروفات المطاعم .

ماقصرت اخت اصول في الرد بس خذ مني هذي الطريقة
معدل صرفك اليومي 350 - 450 دولار
عندك السيارة مع سائق بحدود 55-65 دولار باليوم واذا حسبت مصاريف السيارة زيد عليها 10 - 15 دولار
فندق متوسط ومرتب بحدود 130-160 دولار بالليلة وعندك مصروف وجبات يومي بحدود 100-150 دولار
واذا حسبتها على اربع ايام وخمس ليالي تطلع حدود 2000 دولار وانت معاك 10000 الاف ريال = 2660 دولار
وبالتوفيق لك

الاخت اصول والاخ بندر ما قصروا يعطين الف عافية

ماقصر الاخ بندر اعطاك السعر التقريبي الحقيقي للتكلفه اليوميه وراح اعطيك زبده الكلام وخلاصه تجربتي الطويله :
المواصلات = 90$ ( استئجار سياره بسائقها + البنزين )
السكن = 150 $ ( كحد أدنى لشخصين في فندق نظيف ومحترم وفي موقع حلو )
الاكل والشرب = 100 - 150 $ ( السعر يشمل ثلاث وجبات لشخصين + سناك + قهو شاي ايسكريم جلسات مقاهي ...الخ )
مصروفات اخرى = 50 $ ( مثل رسوم ركوب تلفريك او دخول مغاره او متحف او منتجع تزلج اوسينما وبخشيش ...الخ )
وعندما نجمع ماسبق يتضح لنا ان التكلفه الاجماليه لليوم الواحد = تتراوح بين 380$ الى 450 $ كحد أدنى يعني تقدر تقول 1500 ريال يوميا كحد ادنى بدون تسوق او تبضع او شراء حاجيات.
بالنسبه للغلاء فالاكيد بأن لبنان أغلى، وهذا ليس كلامي بل هذا هو التصنيف العالمي لبيروت من حيث الغلاء تتفوق على دبي.
تحياتي

والله كل واحد وله طريقه بس انا لما اسفر اسوي طريقه
خاصه والحمدلله تكفي وتزيد
انت معاك عشره الالف اول شي حولها دولار بتصير لك 2660دولار
انت السياره قول 70 دولار في اليوم مده اربعه ايام 280 دولار
الفندق 150 دولار مده اربعه اياام ثلاث ليالي 450 دولار
تعال اجمعهم 280+ 450 = 730 دولار للسكن والسياراه
يبقى لك ياطويل العمر 2660_ 730 = 1930 دولار
اقسمها على اربعه ايام بمعدل 482 دولار في اليوم مع البنزين عبيها من اول يوم اذا سياره صغير بتكفيك لمده على الاقل 3 ايام
تقدر تصرف وانت مرتاح ولاتنسى نصيحه من اخوك اول ماتركب السياره عبيها فل على الاخير واهم شي تكون معاه عند المحطه لاتعطيه فولس تقوله عبي وارجع لي انت خلك وياه