dlal
30-11-2022 - 08:19 pm
السلام عليكم و رحمة الله وبركاته
أهلا بكم ببدلكم الكويت
اقدم اليكم اجمالي المناطق بالنسبه للسائح الزائر
منطقة الشرق
سوق شرق وايد حلو و خاصه وقت الضحي و وقت الغداء لانه عباره عن جزيره اصطناعيه داخل البحر
و كامل الخدمات .... و في جلسات مقابله للبحر تاخذ معاكم ترمس شاي و كيك و بسكوت و تجابلون البحر
و تشوفون هالسفن و المراكب و الصادين
مسجد الدوله
و هو مسجد كبير و قرب من من شرق و المباركيه ..... غير المساجد اللي في كل شبر بالكويت يا الله الجنه
منطقه المباركيه
مجمعات تجاريه كلها قريبه من بعض و فيها سوق مفتوح و فيها مطاعم مفتوحه كباب و مشاوي و سمك و حلويات .. وخاصه الرهش روعه ( رهش الشمالي بالدبس )
و فيها سوق تحت الارض ( سرداب ) تحت سوق البشوت خاص للمكياج و تلاقي سعوديين كثار هناك للتسوق و التجارة ( المكياج و الشنط و الاكسسوارات )
و عندك محلات صرافه عمله نقديه
منطقه البلوكات
و هي قريبه من منطقه المباركيه لكن بالسياره لانها جدا كبير
اوه راح تدوخون سلمك الله هذي مجمعات كبيره و طويله الشكل خاصه للاقمشه
( نسائيه - رجاليه - ستاير - تنجيد - اكسسوارات ) مره روعه كل انواع الاقمشه اللي بالعالم بتحصله فيها .... و فيها محل اسمه التراث الهندي ( بيحبونه الحريم كثير لانه اشيائه حلوه وايد )
منطقه البحر
من اتجاه سوق شرق الي السالميه و انت ماشي علي خط البحر بتحصل منتزهات مكتوب عليها
القهوة الشعبيه .... هذي سلمك الله فيها جلسات مفتوحه و تقدم اكلات مشوه و اكلات شعبيه و حلويات و فها العاب اطفال ..... جدا حلوه و توسع الصدر بعد صلاة المغرب حلوه
منطقه حولي
تنطق حاوليي وتنكتب حولي
ونيسه و حلوه مجمع السندس حلو و صغير و مجمع المعلم يحبونه الحريم بو مواعين و شغلات مطبخ مره حلوه
و محلاات فطاير ساخنه بس اسال كل من يدلك علي شئ ما تضيع ابد
و فها شقق فندقيه مناسبه و حلوه
فيها مجمع المهلب تصميمه شكل السفينه ( خدمات كامله )
و عندك بعد حولي بارك فيها العاب اطفال و مطاعم و قعدات حلوه
الشعب البحري
منطقه بن حولي و السالميه اغلبها صالونات ( مشاغل نسائيه ) و فيها مدينه العاب وايد حلوه
اسمها حديقة الشعب ..... تستاهل العنوه لانها حلوه وايد
السالميه
مجمعات كثيره ... لكنها اغلي
و فها شقق فندقيه و مطاعم بالهبل ما لذ وطاب و فيها الغالي و الرخيص
المجمعات ( الثريا - الفنار - المارينا - ليل غارلي - البستان - .........الخ )
و طبعا بكل مجمع تحصل سينمات صغيره الحجم افلام كبار و افلام صغار
السينما
ان كنتوا تحبون اثارة الافلام مجمع 360 عندهم سينما 3d الابعاد الثلاثيه و خاصه لافلام الاطفال روعه
منطقه الفحيحيل
وهي مجموعه من مناطق متقاربه جنب بعض و كلها مناطق ساحليه و حلوه
علي خط طريق الملك فهد بن عبدالعزيز ...فها مجمعات تجاريه و شقق فندقيه و ملاعب اطفال
لالالالا تعد و لا تحصي ... واجملها مجمع ماجك لاند لانه من الخلف له اطلاله عالبحر مباشره
و و كامل الخدمات
مناطق تسليه
مدينه ملاهي جدا كبيره ونوعا ما بعيده اسمها .... مدينه ملاهي الدوحه
الاكوا بارك ... فريبه من شرق و فيها اام خاصه للنساء فقط حمامات سباحه و شلالات
حولي بارك _ حديقه الشعب - الاكواريوم حوض ومحميه سمك جدا كبير
طبعا هذي الكبيره و في مناطق تسليه صغيره بمل مكان
0بداله تجاريه لأي استفسار مهما كان صغير او كبير
وبس
كويتيه - قصيميه
انا بالقصيم وودي اطلع للكويت كم تقريبا المسافه ؟؟
وشكرا لك