بوابة الرحلات البريه و الرحلات البحرية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
dehraan
01-12-2022 - 01:50 am

أيها الإخوة والاخوات الاعزاء .....

موضوع منقول من الأخ الغالي ( أحمد الشبعان - منتديات مكشات )
يوم الخميس الماضي كان يوم لا ينسى حيث إستمتعنا بمكشات لا ينسى مع حبيب القلب أبوفارس ( دهران ) هو ونسباه عيال محمد بن إبراهيم المطوع ونسيبه عبد الرحمن بن سعود المطوع وإبن عمه جبرين الجبرين .
تحركت فجراً من الرس متوجهاً إلى القويعية ووصلت عند يوسف بن محمد وأفطرنا وتوكلنا على الله لشعيب صميغان شمال القويعية بعد الحرملية , وكان الشعيب سال من أيام والمكشات فيه يجيب العافية وما أطول عليكم خلونا مع الصور أحسن
هنا نتعرف على بعض أعضاء التقرير


الكشاتة مالين الشعيب , والشعيب يقول الله يحييكم تحية المطر

إختيار المكان ( 6 كيلو بعد الإسفلت داخل الشعيب )

أبو فارس ينزل الحطب

وأبو سعود يشب الضو

ونبدأ في فل العزبة

معزبنا أبو محمد يقطع الذبيحة

وفوح الماء ياولد

أبو سعود ما قدر يمسك نفسه وشارك في التقطيع
يتبع ..... يتبع


التعليقات (8)
dehraan
dehraan

يازين الوناسة بس

عجل علينا بالقهوة

الشواهي والزنعناع والزنجبيل

ولازم الشغل يكون مرتب كالعادة ( بلاي والله أبو فارس ماغير يصايح علي حط هذا كذا وحط هذا كذا )

وأبو محمد لا يزال مستمر في عملية التقطيع

يالله ياشباب القهوة والمة

صورة تذكارية خ

يازين القهوة في هالشعيب ومع هالوجية الطيبة

وأحلى كنيز من مصنع أبو محمد الله يحفظه ( بالرس )

والخلاص المجروش

وياسلام سلم على الشاهي الخادر
يتبع .... يتبع

dehraan
dehraan

أبو محمد يحوف الكبسة

وبو فارس وأبو سعود يضبطون مقلقل الصاج

ما تبقى من الهريفي

ونكب الرز

وأبو سعود يقطع شرائح البصل والطماط بكل إحترافية

أبو محمد مستانس بالحيل ( بس يقول عجلوا علينا بالغداء يارجاجيل ذبحنا الجوع
)

مقلقل الصاج في مراحله الاخيرة

أبو محمد يعلن أن الكبسة جاهزة
يتبع .... يتبع

dehraan
dehraan

الله يكثر خيرك يابو محمد ( صراحة شغل متعوب عليه )

وبعد الغداء صلينا وتقهوينا الشاهي ثم بدينا نضف أغراضنا ( أبو فارس مبسوط مرة يقول له أكثر من شهر ما كشت وخصٍ عقب ما نقل من القصيم لحفر الباطن الله يعينه )

بالله شوفوا الشعيب تقول توه سايل ما شاء الله

أبو سعود وأبو محمد ومساعدة في ترتيب وضف العزبة
يتبع ..... يتبع

dehraan
dehraan

عدنا للقويعية وللأسف شفنا هالسيارتين تم سحبهن بسبب حادث في الحرملية والله يرحم اللي توفوا فيه آمين
توجهنا بعدها لأبو محمد ( عبد المحسن المطوع ) بأبرحي وشربنا عنده فنجال قهوة وبيالة شاي , وحلب لنا من الخلفات الله يكثر خيره والصراحة لأني ما احب حليب النياق ما شربت إلا 6 طاسات بس

الله يكثر خيرك يابو محمد ولا ننسى الذيب سلمان بن محمد الله يعطيه العافية ويوفقه آمين
توجهنا بعدها لإستراحة أبو جواد واللي كان عازمنا فيها على العشاء الله يكثر خيره من كل خير ماشاء الله منزلٍ مبارك وشغلٍ يطلق الوجه

أمسيت عند أبو فارس في محيرقة وقمت الصبح وتقهوينا وأفطرنا وعينا من الله خير وحركت للرس وأبو فارس توجه بعدي إلى حفر الباطن هو وأهله الله يحفظهم
هذا ما لدينا في هذا التقرير
وأعذرونا على القصور والزلل
أخوكم أحمد الشبعان التميمي

هآجس غرامك
هآجس غرامك
ما شاء الله روعة الله يعطيكم العافيه جميعاا ..
فعلا ابدااع وفن تصوير واحداث وسرد جمييل ..

mmmr240
mmmr240
السلام عليكم أخوي أبو فارس (دهران)
بصراحة بيض الله وجهكم على هالكشته وعلى هالترتيب والأكل اللي يفتح النفس ودي إني معاكم الله يوفقكم ويسعدكم ويجزاكم كل خير.
أخوك أبو فارس == مثل إسمك

Saudi  Monster
Saudi Monster
يعطيك العافيه على صور رائعة بس يضحكني المعزب قالط قبل ضيوفه ههه اشوف نظرات الشبعان له ههه

oceanus
oceanus
ماشاء الله تبارك الله
تقرير يبيض الوجه،،،، بيض الله وجيهكم


خصم يصل إلى 25%