جولد كوست المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
طيف الورود
10-09-2022 - 09:58 pm
  1. لا واللي اكثر من كذا وين مارحت او جلست تلاقي نهر ((مو سيل او مسبح))..

  2. هذا كله بالنسبه للنهر ((في بريزبين فقط))..

  3. وكمان عندهم الاسواق مره تجنن من غير الاسعار((لسع ×لسع)) ..

  4. هاذا بالنسبه للقولد كوست ...


((آآآآآآآه من استراليا ))
(تعالو اقروا رحلتي كيف كانت)
رحلتي والله كانت جدا جدا رائعه مع انها كانت فقط في بريزبين وقولد كوست لاكن الصراحة تكفي عن كل شي جلست شهر ونص واحس اني ماكني رحت لها ودي ارجع لها ثاني..........
بجد بريزبين لوحدها كفايه التمشيات والاماكن السياحية فيها غير شكل وكثيرة واشياء من صنع الله (( اصلي مية في المية)).
وش احلى من ذا الانهار اللي تتوسط المدينه ,والا الشجر والخضار اللي حول النهر خلوها على الله بس ,نص المدينة قبل النهر والنص الثاني بعد النهر لا وايش بعد وانت جالس عليه تشوف الجهه الثانيه من النهر ...

لا واللي اكثر من كذا وين مارحت او جلست تلاقي نهر ((مو سيل او مسبح))..

هذا كله بالنسبه للنهر ((في بريزبين فقط))..

اما الجو يقولون انه فصل الشتاء لاكن اي شتا الجو يجنن مو ((الشوايه اللي كنت جالسه فيها )) بس الحمد لله على كل شي ,المهم الجو في فصل الشتا اسبوعين او 3 اسابيع بالكثير برد مو لعب لاكن باقي فصل الشتاء جو يشرح الصدر وهوا نقي يهفهف وغيوم مع شوية امطار ترطب الجو ,بس عاد عن البرد حنا من حضنا كان مجر اسبوع او اسبوع ونص والباقي خبال شي رائع , ويقولون الشعب ان هاذا هو البرد ومو كل سنه يجي برد قوي السنة هاذي صادف جاهم برد وطول ياهمي ( اسبوع ويقولون طول)ههه....
وفي بريزبين اماكن جدا رائعة للسياحة مثل مزرعة البندق تخيل بس الواحد كيف يتجول ويتنقى من ذا البندق وياكل ,او مزرعة الاناناس,وفيها كمان حديقه الموسيقا حديقه متنوعه من كل شي واللي يميزها الارض لانها يوم الواحد يمشي عليها تطلع اصوات موسيقى على حسب المشيه وتشوفنا كنا مجانين يوم نمشي عليها ونرجع ورا ونروح قدام ومن ذا الخبال نحاول نخترع لنا معزوفه((على بالي بيتهوفين)...
وكمانفيه حديقة الكوالا والكنغر ،بالنسبة لي مرة عجبتني حبيت الكوالا جدا جدا الواحد يشوفه يصخف لحاله كانه عاله عليهم غير يشيلون ويحطون فيه وهو ماهمه غير النوم والاكل ههه لاكنه مرة حليل و حبوب روحو لها لاتفوتكم...

وكمان عندهم الاسواق مره تجنن من غير الاسعار((لسع ×لسع)) ..

ونجي للقولد كوست ،وهي منطقه تبعد عن بريزبين ساعه الاربع بالقطار يعني ماهي بعيدة عنها لاكن ياهو شاطي يجنن ماكذب من سماه قولد اقسم بالله يالرمل فيها كانه حرير مذهب لايوسخ ولا شي والمتعه فيه ان الواحد يمشي حافي ((الله يعزكم)) ,بس عاد الصدق شي خيال مو مثل اي شاطي شاطي نضيف لاقزاز ولا ورق ولاشي كان يوم جدا جميل على الذا الرمل و الامواج اللي كانها عمارة من كبرها ((يالله لاتحرمنا الجنه بس ))....
وفي الجولد كوست مدينة ترفيهية اسمها سي وورد ,فيها عروض مائية تزلج ودبابات بحر ،وعروض دلافين ,وصالة لعرض سينما ثلاثية الابعاد...
ومن محتويات الحديقة كمان الدب القطبي شي عجيب الواحد بس يجلس ويقول سبحان الله على ضخامتة وخفته والا المكان اللي هم مسوينه له مخلينه كانه في القطب المتجمد، وكمان الهيليكوبتر الواحد ياخذ له جوله على ذا الشاطئ الذهبي بالهيليكوبتر ويشوف العجب من الوسيلة اللي هو راكبها ومن المانضر الجميله ((انصح الكل اذا راحوا يجربو ركوب الهيليكوبتر))....وفيه اشياء كثيرة اذا رحتوا تشوفونها........
وكمان فيه مدينة ترفيه اسمها موفي وورد عن الافلام وكيف تصير وتعد ومن ذا كله ,وايضا تشتمل على الالعاب الكهربائية بس اي العاب الواحد يتشهد يوم يلعب فيها.......والجولد كوست مليانه عرب والمطاعم الحلال كثير فيها مو مثل بريزبين الواحد يقولهم حلال مايدرون وش نقول بس مشي الحال (( اختكم بغت تاكل الخنزير الله يعزكم كم مررة في كل شي فيه خنزير الله يقرفهم )) خلوها على الله لاتذكروني.....

هاذا بالنسبه للقولد كوست ...

((الحوت)),رحنا لرحلة لمشاهدت الحوت من بريزبين الى جزيره لمدة ساعة المشوار بالبحر اكيد، وبعدين يوم وصلنا الجزيرة اخذونا يقارب ثاني مجهز من مجميعه وشامل للغدا ((وهو ذا الغدا اللي بغيت اطيح بالخنزير فيه))..المهم طلعونا وبعد مامشي القارب قدموا لنا الغدا وماخلصنا الغدا زين الا ذا الرجال اللي يوزع علينا اكياس (( اختكم ماتدري ليش واخذت )) واشوفه يضحك واضحك لا واخذته وطلعت على السفينه من فوق لانهم اعلنو لنا باننا وصلنا مكان تواجد الحيتان واشوف الادمي مستغربني ليش ماخذة كيس وانا بطرانه مافيني شي (ههه) .
اتاري الدعوه فيها دوار بحر وهم عارفين غدونا وبعدين وزعوها علينا ((مو هاين عليهم الاكل اللي قدموة))..
المهم كانت السفينه مليانه عالم وبشر مبسوطين يبغون يشوفون الحوت وهو طالع من البحر لاكن الله لايوريكم ثلاثه ارباع اللي في السفينه جاهم دوار بحر((الا انا الحمد لله قويه ، مع اني استعديت له واخذت لي كيس لاكن الله عطاني على قد نيتي))خ..
المهم ناس انبسطو بالحوت وناس تنكدو من الدوار ،لاكن منضر الحوت يجنن شي يطلع من البحر وينفخ مويا وبعدين يطلع زين من بين البحر كبير ، وجلسنا بالبحر ساعتين وبعدها رجعونا للجزيره واللي وده يبات فيها يبات والي ماوده يرجع ورجعنا سالمين غانمين منها،ماجلسنا بالجزيره مع انها خطيرة جدا لاكن الوقت ماكان يسمح لنا اننا نجلس فيها .........
هاذي بريزبين باختصار واوعدكم اول مااتذكر شي ماقلته لكم اكتب على طول..........................
بس عاد انتو ردو علي مو تقرونها وتنسوني ...
(((اختكم طيف الورود تنتضر اي سؤال او استفسار))))


التعليقات (9)
ابو فيصل
ابو فيصل
أنا أعرف أن أستراليا قارة كبيره و فيها ما يفوق الوصف حسب ما أقرأ و أشاهد في التلفزيون.
على فكره أستراليا من البلدان اللي ناوي أزورها. نبي تنورينا عن الشعب الأسترالي أكثر.
تحياتي...
ابو فيصل

القطوة
القطوة
الحمد لله على سلامتك اختي طيف الورود و ان شاء الله تكوني استمتعتي بهالرحلة الممتعة
مشكورة على هذي المعلومات الشيقة و ودي اطلب منك تذكرين لنا معلومات اضافية عن الأسعار و الطريقة الافضل للتنقلات
تحياتي لك و للجميع

Hesham
Hesham
تحيه وتقدير لك أختي
واضح وناستك وتوفيقكم بالرحله من وصفك لها ... لكن شلون انتقلت من بريزبن إلى قولد لانها قريبه ... سيارة .. قطار ولا أيش؟
الصور وينها ؟
ننتظر المزيد
تحياتي

البدر
البدر
النص الأصلي مرسل من قبل ya-mas
تحيه وتقدير لك أختي
واضح وناستك وتوفيقكم بالرحله من وصفك لها ... لكن شلون انتقلت من بريزبن إلى قولد لانها قريبه ... سيارة .. قطار ولا أيش؟
الصور وينها ؟
ننتظر المزيد
تحياتي

طيف الورود
طيف الورود
هلا ابو فيصل........
كيف الحال.
بالنسبة للشعب الاسترالي شعب جدا حبوب وطيب ويحاول يخدمك حتى لو كان على حساب نفسة مستحيل الواحد يطلب من احد خدمة وماينفذها له ،لا وفوق كذا اذا مثلا طلبت وصف لمكان معين ياخذك بيدك ويوريك كل شي هاذا اذا مكان امحل قريب ووصلك له بنفسك،والله مو مبالغه لاكن شعب جدا رائع بكل ماتحملة الكلمة من معاني من اخلاق اقسم بالله قمة في الاخلاق ومن ناحية طيبه واحترام كل الطيبة والاحترام فيهم ، والابتسامة ماتفارق وجههم متى ماناضر الواحد فيهم ابتسمو له................
ايش اقول واخلي.....................

طيف الورود
طيف الورود
  1. ابشرك اخر بسط الحمد لله.....

  2. بالنسبة للاسعار الدولار الاسترالي =62و2 ريال سعودي..

  3. وكمان الباصات جدا رخيصه والتنقل فيها طيب ومريح مو مثل باصاتنا....

  4. اما التكاسي ((نار))انصحكم لا تجربونها...

  5. هلا اخوي /ياماس...


هلا اخت القطوة...الله يسلمك ان شاء الله......

ابشرك اخر بسط الحمد لله.....

بالنسبة للاسعار الدولار الاسترالي =62و2 ريال سعودي..

وبالنسبة للمطاعم طيبة اسعارها مي غالية معقوله جدا ،لاكن عاد اسعار الخضروات والفواكة شي مو معقول تصورو الخيار الواحد بدولار ونص وعليك الحسبة،اما الخبز (اختكم تموت بالخبز) غالي الرول الواحد بحجم عيش البرغر بنص دولار والاثنين بدولار لاكن الخبز عموما غالي شوي مو مثلناكوم بريال.....
اما بالنسبة للملابس مثل ماعندنا السعر اذا حنا الشي ب100 ريال هم مية دولار او 60 دولار الفرق انهم دولار واحنا ريال يعني هم الدبل والنص كمان..............................
اما الطريقة الافضل للتنقلات فهي القطارات رخيصة جدا وممتعة ولكل قطار مساره له برنامج معين يسير علية ومحطات يتوقف فيها .. لكل منطقة الواحد يحتاج يروح يلاقيها بقطار وفي اي وقت تلاقي القطار على جاهز شويت انتضار 5 او 10 دقايق بالكثير ......

وكمان الباصات جدا رخيصه والتنقل فيها طيب ومريح مو مثل باصاتنا....

اما التكاسي ((نار))انصحكم لا تجربونها...

اساسا يوم وصلنا سالناهم عن التنقلات بالتاكسي فكلهم نصحونا اننا نبتعد عنها واغلبهم لما الواحد يسالهم عن التاكسي يوصفنا بالمجانين اذا استخدمناها (شعب رائع ))مايغش احد يقولون لنا هاذا صح وهاذا غلط ،وهاذا غالي وهاذا رخيص مايغشون........

هلا اخوي /ياماس...

بالنسبة للتنقل من بريزبين الى قولد كوست ساعة الاربع بالقطار وبعد مانوصل للقولد كوست ((ارض الجنة مثل مايقولون)) وهم صادقين،ياخذونا بباص الين نوصل المكان المطلوبممكن 10 دقايق الين نوصل الشاطي لاكن خلاص القطار هو يحطك بالقولد وبعدين عادي الشغله مي صعبة التنقل زية زي بريزبين الباص وشوف وين تبي تروح ارض الجنة او السي وورد او الموفي وورد وهاكذا...........
اما الصور فهي الان في غرفة العناية الخاصة لاجل التنقية والتصفية ....ههه اصبرو على الصور شوي..
اتمنى اكون قد افدتكم بالمعلومات المطلوبة وان يكون الكلام غير مبهم .............
اذا اردتم المزيد انا بإذن الله جاهزة ومستعدة وعلى الرحب والسعه..

Romantic
Romantic
الف حمد الله على سلامتك اخت طيف
استراليا من البلاد المحببة لدي واتمنى زيارتها..السؤال هل يلاحظ اي مضايقات للفرد العربي هناك وهل يستنكر لبس العباءة للمرأة السلمة..وبعدين ولا عليك أمر اذا ممكن صور للبلد والمشاهد الجميلة اللي ذكرتيها نكون شاكرين لك اخت طيف

طيف الورود
طيف الورود
اهلين اخوي / Romantic
الله يسلمك يارب.
لاكن عن المضايقات ماكان فيه اي مضايقات ابدا سواء لانك عربي او لانك مسلم بل العكس كان الجميع يحترمنا كل الاحترام ويقدروننا والكل معجب بنا كمسلمين ويودون معرفت الاسلام ماهو ؟(واختكم ماتقصر)..
اما عن الحجاب بل بالعكس الكل يعرفة ويحترمون المراه المسلمة والمحجبة كل الاحترام ومؤدبون في التعامل مع المراة المحجبة 0000
بالنسبة لنا لم نلاحض اي استنكار من الشعب الاسترالي ,وحتى الاخوان اولاخوات اللذي في الغربة في استراليا لم يلاحضو اي سوء في التعامل معهم كمسلمين وعرب او كمحجبين،الامر جدا طبيعي عندهم......

أبونورة
أبونورة
وسلامه دايمه في الحل والترحال .


خصم يصل إلى 25%