كوانزو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
F A J R
09-09-2022 - 12:34 am
السلام عليكم ورحمة الله وبركاته
سلمكم الله نحن عايلة اماراتية مكونة من اب وام و8 عيال ! احلفي خ عدنا كل الاعمار يهال ومراهقين وبالغين وعيايز ماشاالله
وانا البنت الثانية مرتبة السفرات
خلوني اخبركم السالفه كلها قبل الاستفسار
السنة ماكنا معزمين على سفره بس ضربنا الوله لماليزيا
فيلست ادور عن ارخص الطيرانات لماليزيا
حصلت الصيني الجنوبي وينزل ترانزيت للصين
خبرت الوالد وعيبته الفكرة فقلنا خلنا انجرب الصين لأول مرة! لان نحن عادة نسوي هالحركة نسير بلاد وننزل ترانزيت فبلاد ثانية يعني عصفورين بحجر
ورتبنا الرحلة وحجزنا واشترينا التذاكر الاسبوع اللي طاف لان نحن متعودين نحجز من وقت للصيف عشان الاسعار
سعر التذ1كرة 2100 درهم رخيصه صحح : )
ترتيب الرحلة كالتالي
دبي الى قوانزو 107
قوانزو الى كوالالمبور 167
كولالمبور الى دبي 267
مثل ماتشوفون بنقعد 6 ليالي فقوانزو
وييت ادور فهالمنتدى الحلو اللي دوم نستفيد منه لسفراتنا
ادور وادور وادور عن شي سياحي فقوانزو مافيه !!!!!!!!!!!! كل المواضيع تجارة وشحن واسواق ومحلات جملة واثاث وتشطيب و
ياهي وهقة نحن شلنا فالتجارة !! انحب الشوبنج وايد انخم الاسواق بس مب كله شوبنج! يعني خل نقول 3 اسام شوبنج و3 ايام سياحة
ف... استفساري يقول
هل فيه مناطق سياحية فقوانزو
او حتى فمناطق قريبة لها يعني بالسيارة او المقطار ساعة ساعتين
نحن متعودين على قطارات عادي لو فيه شي يسوا
بس بنقعد الفترة كلها فقوانزو فهل بنستانس فيها ؟؟!!
اتريا ردكم ومشورتكم


التعليقات (7)
LjOoOo
LjOoOo
هلا والله ،،
بعطيك بعض اسماء مناطق سياحيه واسواق بكوانزو
قريت اغلب مواضيع الاخوان بهالمنتدى ومنتديات اخرى وجمعتهم عشان الكل يستفيد =)
1- Window to the World of Shenzhen نافذة العالم بمدينة شنزن< قريبه من كوانزو
2-- Baiyun Mountain جبل بايين
3- Lotus Mountain جبل اللوتس
4- Guang Dong Museum ... متحف جواندوج
5- Guangzhou Art Gallery ... متحف غوانجو للفنون
6- Guangzhou Post Museum ... متحف غوانجو
7-Guangzhou uprising museum
8- A night tour of Pearl River جولة ليلية بالنهر
9- Yuntai Garden
حديقة تقع عند بوابة جبل بايون جميله جدا فيها بأشجارها وبحيراتها وتطل على مبنى عتيق ومكان جميل للاستجمام.
تذكرة الدخول: 10yuan/ person
النقل: Bus No. 175 179 199 218 223
10-Chime-Long Paradise
Chimelong Paradise (Chinese: ) اكبر ملآهي في اسسيا
shooooopping
1- سوق العجائب والغرائب
Onelink International Plaza No.39 Jiefang South Road Guangzhou
2- سوق الحقائب
Trade Center BaiYun Shi Jie Leather Lie Fang North Road Bai Yun Area Guangzhou
3- سوق الالكترونيات
Field Hai Yin Electric Concourse Da Sha Tou Yue Xiu Area Guangzhou
4-Shang Xia Jiu Square by night سنشاجيلو
5- Tee mall
6-Beijing Lu
7-GUANGZHOU LIWAN PLAZA
8- CHINA PLAZA
انتي ابحث بقوقل عن هالاماكن وشوفي تناسبك او لا :$
ورحله موفقه يّ رب
وبتنبسسطون آن شاء الله

سارووونه
سارووونه
بالعكس حبيبتي كوانزو فيها اماكن سياحيه كثيره ..
عندك ملاهي شيم لونق ..سفاري بارك ..الحديقه المائيه .. السيرك ..
جبل بايون .. الرحله النهريه .. شاره بيجن لو ..وشارع سان ساجيو ..
هذا غير الاسواق والحدايق والمولات ,,,
تقدرون تروحون لمدينة شنزن بعد .. تبعد عن كوانزو ساعه بالقطار وتزورون نافذه على العالم وترجعون بنفس اليوم..
اذا تذكرت اماكن حلوه ثانيه خبرتك ..

F A J R
F A J R
تسلمون خواتي لجو الغالية وسارونة
طمنتوني
الحمدلله ان شاالله عيل بنستانس فالسفرة ^ ^

F A J R
F A J R
أريد استفسر بعد هل المنطقة العربية حلو الواحد يسكن فيها ؟؟؟؟؟؟؟؟؟؟؟
وهل هي هذي Yuexiu District -Huan Shi Road East؟؟
وأي من المنطقتين أفضل ؟؟
Yuexiu District -Huan Shi Road East
أو
Yuexiu District -Beijing road / Haizhu Square

LjOoOo
LjOoOo
ولو يّ اختي كلنآ لبعض

bohaa2
bohaa2
اهلا وسهلا
طبعا انا مخطط اسافر ان شاء الله للصين
وبما انك راياحه كوانزو نصيحتي ليكي خدي ميني باص واتجهى من كوانزوا الى شنزن حيت المتعه والجمال واقضي هناك 4 ايام
وعودي لكوانزوا واقضي يومين
شنزن مدينه رائعه تبعد جوانزوا ساعه وربع بالميني باص وفنادقها واسواقها رائعه

سارة سلطان
سارة سلطان
ما قصروا الإخوان والأخوات
رحلة موفقة وسعيدة


خصم يصل إلى 25%