قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هوب روز
31-08-2022 - 08:09 am
السلام عليكم ورحمة الله00000
اخواني الاعزاء في دولة قطر اريد منكم مساعدة00 ان شاء الله راح ازوركم في شهر ابريل ولمدة اسبوع وحجزت في فندق
( مروب وسط المدينة ) ابي اعرف هل يطل مباشرة ع البحر - وهل موقعه جيد- بمعنى مايحتاج المشي للبحر سياارة؟
  • هل هو افضل ام فندق رمادا انكور لان زوجي يبي يحجز فيه وانا اخترت مروب وسط المدينة؟

واذا ممكن اعرف افضل منطقة بالدوحة؟
مع خالص شكري.


التعليقات (9)
النوريq
النوريq
ولا واحد فيهم يطل على البحر

qatar3333
qatar3333
حياكم الله في بلادك قطر
بخصوص الفنادق المطله على البحر الشيرتون الفور سيزنس الانتركونتينينتال الماريوت فندق فريج شرق
حيات اغراند وبخصوص المناطق كلها حلوه بس ايذا تبين السكن انصحج في السكن في منطقة الابراج
وهي على كورنيش الدوحه
واي خدمه احنا حاضرين

هوب روز
هوب روز
الف شكر لكم جميعا من اختكم بالسعودية- بس حبيت اسأل وش رايكم بفندق ( رتاج الريان) هل يطل ع البحر مباشرة لان الموقع اللي بحجز منه ماوضح لي زيادة - ارجو الرد بسرعة مع خالص شكري لتعاونكم 0

النوريq
النوريq
لا مايطل على البحر
رتاج موقعه بين أبراج بعضها جاهز وبعضها توه ينبني
يعني مايطل على منظر حلو

النوريq
النوريq
انتي تبين تسكنين في فندق يطل على البحر
واعرفي ان هالشي لازم له ضريبه ، يعني الفندق بيكون غالي
لان كل الفنادق اللي تقولين لنا عنها هي ثلاث أو أربع نجوم فلاتتوقعين انج بتلقين فنادق بهالفئة وتطل على البحر
تبين فنادق تطل إطلالة مباشرة على البحر ماعندج الا الفنادق الخمس نجوم

هوب روز
هوب روز
يارب يوفقك يالنوري شكرا جزيلا ويارب يسهل امورنا0

النوريq
النوريq
الحين وين قررتي تسكنين ؟
للحين فكرة البحر في بالج ؟!

هوب روز
هوب روز
اهلين اختي العزيزة النوري وفقك الله -- طبعا زوجي رفض السكن في الفنادق المطلة ع البحر كونها غاليه جدا وفي نفس الوقت مدة اقامتنا 6 ايام - يفضل الاقامة في اي فندق بتكلفة من3000 الى 4000 الاف ريال - وانا ابي البحر وكمان واجهته جيدةونظيفة - الى الان مترددة اتمنى مشاركاتكم اختي - مع خالص شكري0

النوريq
النوريq
انا من رايي تشيلون فكرة الست أيام من راسكم لانها كثيره
وتقعدون بس ثلاث أو أربعة أيام
وذيج الحزه تقدرون تسكنون في الفنادق اللي تطل على البحر
لانه تكلفتها في حدود الألف ريال لليله
يعني تقريبا في حدود ميزانيتكم
وحاولي تشوفين أسعار الريتز أو الشيراتون
لانه ماعندي خلفية عنهم الحين
أذكر الريتز أيام عيد الفطر كان ب 750 ريال بس الحين اظاهر فوق الألف
والريتز يعتبر أفخم فندق في قطر وله كورنيش خاص فيه
حاولي تدخلين على موضوعي المثبت وتقرأين اللي كتبته عن الريتز والشيراتون


خصم يصل إلى 25%