اهلا بك اخوي الكريم .. ومبروك الزواج مقدماً
نرجع لموضوعك ..:
بخصوص وقت سفرك يالغالي بعد الزواج ب 3 ايام ممتاز جداً فالافضل انك تريح قبل السفر وتجهزون اموركم ..
بالعكس انا اشوف من يومين الى 3 ايام مدة ممتازة جداً ,,
ولا تنسى ان الجو راح يكون بارد ..بداية موسم البرد في جنوب افريقيا ,,
طبعاً الخطوط السعودية تقلع من جدة يومي الاثنين والخميس الساعة 4:35 فجراً
وتصل جوهانسبيرج الساعة 11 الظهر ..
ولازم انك تحجز الطيران الداخلي من بدري على احد شركات الطيران الاقتصادي
عشان تحصل على امكانية وسعر مناسب
هذا الرابط راح يفيدك https://artravelers.com/p/re/346994
واعتقد لو تحصل رحلة تكون بعد الساعة 2 الظهر تكون مناسبة
ولازم تحط وقت احتياطي تحسباً لاي تأخير في السعودية
بالنسبة لتقسيم الايام اعتقد انه مناسب الى حد ما
مع جهلي ب هيرمانوس
والقاردن روت منطقة حلوه للغاية ولها تقارير حلوه
وانا سبق لي زيارتها 2009 شوف القسم الخاص بالقاردن روت
في هذا الموضوع https://artravelers.com/p/re/351043
وهي اشبه بالكيب تاون ..فإذا تحب التنوع روح للصن ستي
والصن سيتي تستطيع الذهاب اليها من جوهانسبيرج
وهي قرية سياحية رائعة جداً وتستحق الزيارة
وبها عدة انشطة
بالنسبة للفنادق :
جوهانسبيرج لا انصحك بالسكن خارج منطقة السانتون
فهي الاجمل والاكثر امان
وعندك فندق مايكل انجلو فهو تحفه بحد ذاته
في الكيب تاون عندك فنادق كثيرة والافضل السكن في الوترفرنت
وعلى حسب ميزانيك نقدر نوفرلك فندق مناسب
اعتقد انك مبالغ في المصروف العام للرحلة الذي لا اتوقع انه يتجاوز 35 الف
واي استفسار نحن بالخدمة

الله يسلمك اخوي فوكس انت راعي الاوله لا خلا ولا عدم ياحبي لك
اول شي فندق دافنشي مرره حلو وجديد فتح هالسنه وقريب من تمثال نيلسون مانديلا
(مادري هالمنطقه زينه ولالا وش رايك وياليت كم فندق على ذوقك الليله ماتتعدا 1500 ريال
غير الفندق الي اقترحته لان نسيبي راح له وقال مب زين مدري ليه)
بالنسبه للحجز الساعه 2 صادق والله مايدري الواحد الخطوط يمكن تستهبل ولا شي
الواحد مايضمن عمره جزاك الله خير
ياليت اكثر تفاصيل للمقارنه وش افضل قاردن روت ولا صن سيتي
مع العلم اني دخلت كل مواضيع المنتدى ههه
بس تعرف الواحد ينسى انا من شهرين ادخل وكذا
وبالنسبه للمصاريف ودي تكون اقل بس الفنادق لو قلنا
كل يوم 1500 ريال في 10 ايام 15 الف
وفندق هيرمانوس 3500 في ثلاث ايام تقريبا قل 10
هذي 25 الف (تصدق توي استوعب اثر المصاريف مهب واجد
بس انا رميتها اعتباطا يعني لو قلنا السكن 35 الف اقدر
اوفر كثير وهذا حق البلد)
(وشي ثاني انا بستاجر بانوراما للتنقل بين المدن يمكن تكلفني حبتين)
خابر انت انا عريس وودي ادلع عمري ماعمري تدلعت والله لا سافرت لحالي
اسكن بفنادق ما اقدر اسجد في الغرفه من كثر ماهي صغيره خلني ادلع عمري
ههه
بيض الله وجهك اخوي فوكس وياليت الي عنده معلومات عن فنادق
جديده لا يبخل علينا
(حاول تاخذ فكره عن هيرمانوس تراها عجيبه جدا جدا جدا جداً)

الفندقين كلهم في ساند تون
وفندق دافنشي ارخص ب400 ريال تقريبا
مايكل انجلو 1800

1. نصيحة مجرب وراجع من شهر العسل قبل شهرين

نصيحة مجرب وراجع من شهر العسل قبل شهرين

اولا بالنسبة لفندق جوهانسبيرق روح الانتركونتينينتال في السانتون وصدقني مراح تخسر فهو الافضل من ناحية السعر والفخامة والنظافة والموقع انا جلست فيه يومين وكانت احلا يومين في السفرة كلها ،،، المايكل انجلو خرافي بس سعره مبالغ فيه جداا ،،، مهما وصفت لك عن الفندق ما راح اعطيه حقة وهذا موقعهم عالاكسبيديا http://www.expedia.com/Johannesburg-Gauteng-Hotels-InterContinental-Johannesburg-Sandton-Towers.h1828908.Hotel-Information?c=0c293529-a6ed-4764-9a90-67fc1ccb5c69&hwrqCacheKey=6c54f93e-a443-4f37-963e-fb9f53f09329HWRQ&hashTag=default&chkout=04%2F12%2F2011&?chkin=04%2F11%2F2011&c=70c468e6-75ce-4cd6-82ac-cf4d10cfc275&rfrr=-30461&rm1=a2
بالنسبة لدافنشي تراه بعيد شوي عن المانديلا سكوير ومجمع السانتون اللي هما افضل شي في جوهانسبيرق وعن طريق صور الفندق اشوف ان الانتر افخم بكثير
يعني بالعربي خلك على واحد من الفندقين الانتركونتينينتال او المايكل انجلو لا ثالث لهما.
ثانيا بالنسبة للقاردن روت والصن سيتي اناعن نفسي ما رحتها بس علا التقارير وكلام الناس القاردن روت افضل بكثير نظرا لكبر حجمها وامكانية قضاء وقت اكثرفيها من الصن سيتي.
ثالثا بالنسبة للهيرمانس والواتر فالس فهي منطقة يعني حلوة بس مو لدرجة انك تجلس فيها كم يوم ممكن انك تخصص يوم لها مع الستولنبوش مع العلم انها قريبة جدا من كيب تاون ساعة او ساعة ونصف بالسيارة،، عن نفسي انا بصراحة ندمت اني رحتها ما عجبتني كثير مع اني رحتها من الكيب تاون ،،، يعني نصيحتي الكم يوم اللي بتجلسها فيها خلها بالكيب تاون او القاردن روت افضل.
رابعا بالنسبة لفنادق الكيب تاون فالخيارات عديدة جدا عندك افضلها فندق ون اند اونلي ،، فندق فيكتور اند الفريد ،،، فندق الكيب جريك،،، لوهيل ابارتمنت ،،، فندق الراديسون بلو .....الخ.
اخيرا بالنسبة للميزانية مبالغ فيها حبتين
انا كلفتني الرحلة من الالف للياء حدود خمسين الف وانا رايح شهر عسل وفي عز الموسم في راس السنة واسرفت ما خليت في نفسي وكنت مستاجر مرسيدس بالسائقة المرشدة.
اسف عالاطالة واتمنا اكون افدتك.

فاسكو
بعدها ان شاء الله ست ايام في كيب تاون
(احسبوا بيدكم ست ايام)
بعدها ثلاث ايام في منطقة اسمها هيرمانوس
بعدها ثلاث ايام في (الصن ستي او القاردن روت احتاج مساعدتكم بهالنقطه)
ويومين في جوهانسبرج ومن ثم العوده للمملكة العربية السعوديه ^_^
أنصحك بالبرنامج التالي
5 أيام كيب تاون
2 هيرمانوس
قاردن روت 5 أيام
اسنبعد الصن سيتي , وذلك لأنها بعيدة في الشمال بالاضافة للتعري الفاضح هناك والغلاء في السكن
أسمع نصيحيتي و أنا قبل شهر راجع ولن تندم بإذن الله اجعل سكنك في الجاردن روت في مدينتي
وايلدرنس - ونايزنا ... وبالذات نايزنا اجعل سكنك في منطقة "head of knysna viewpoint "
جوبيرغ ليلتين
ميزانيتي المرصوده للفنادق والتذاكر حدود 45 الف
من دون السياره الي حسبت لها ميزانيه متوسط 8 آلاف
+
مصاريف جيب للرحله كلها 20 الف ريال
45+8+20=ثلاثه وسبعين الف ريال
اتمنى منكم اي نصائح
مع العلم ان اختارت
فندق جوهانسبرج (دافنشي هوتيل)
فندق كيب تاون (تيبل باي هوتيل)
فندق هيرمانوس (بركن هيد هاوس)
بالنسبه للقاردن روت او الصن السيتي للحين ماقررت واحتاج مساعدتكم
وش افضل لشهر العسل ووش تتميز فيه كل وحده وهل استطيع تعويض
عدم ذهابي لاحد هذي المناطق بمدينة ثانيه
اتمنى منكم التعاون وابشروا بموضوع بالتفصيل الممل لارجعت بإذن الله
ايه نسيت
حياكم الله على زواجي في جده
^_^
ألف مبروك يارب و ربي يتمم لك على خير
المميزانية ممتازة بل و يمكنك الرجوع بفائض
أنا و عيالي 5 أشخاص وكانت رحلتي من الباب للباب 50 ألف
تحيتي

بالنسبة للسيارة ترى تاجيرهم متشددين, انصحك انك تسوي مثلي تاخذ تامين عالمي من موقع insurance4carhire وتريح مخك, وشيك على السيارة قبل لاتاخذها واذا شفت اي شي وحتى لو مخش بسيط لازم تنبههم عليه وكذلك شيك على الاثاث الداخلي للسيارة انا استاجرت سيارة وماانتبهت لمساكة الباب الداخلي ممخشه. البنزين غالي, انا اخذت افيو وعبيتها فل ب 400 راند. والسواقة هنا مرتبة ونظامية وانتبه من الكاميرات حق السرعة واهم شي تاخذ جارمن عشان تتمشى وانت مطمئن.
بالنسبة للجاردن روت, فيه سكن ميس اميس نصحوا فيه الشباب الله يجزاهم خير بس الوضع ما اعجبني, مافيه مكيف بالغرفة, تسمع صوت اللي ساكنين جنبك, واحد نصح اني اشوي لحم من عندهم وليتني ماشويت, التتبيلة حق المشوي رايحه فيها. الكهرباء تطفي كل شوي ومن كثر ماتطفي حاطين شموع وكاتبين بملف الفندق اللي موجود بالغرفة ان الشموع عشان اذا طفت الكهرباء.
خذ لك فندق وانتبه تاخذ سكن او مايرمز له (B&B bed & breakfast( وانتبه من (guest house) نظامه نفس اللي قبل.
القاردن روت عندك وايلدرنس ونيزيانا كل وحده يوم ويخب عليها مافيها شي يحمس.
بالنسبة للكيب تاون هذي المنطقة اللي لو اتكلم من اليوم الى بكرة مااخلص, صدقني راح تنبسط كثير ومثل ماقالوا لك الشباب, منطقة الوتر فرنت حلوة مرة. واحجز من النت حق جبل الطاولة والمتنزهات الثانية. وجزيرة روبن ايلند ما هي حلوة, تضيع وقتك على الفاضي.

انا بعد ناوية اسافر مع العائلة ان شاء الله الى كب تاون .. مواضيعكم من جد تفيدنا شكرا لكم