على كذا يااختي
محتاجه فيزتين وحده لدخول اوروبا والثانيه لبريطانيا
جدولك مرهق
تقدرين طيران عالسعوديه
الى لندن ومن لندن طيران الى ميونخ ثم الذهاب لزيلامسي
وبعدها رجوع الى ميونخ لطيران داخلي الى باريس
او العكس باريس طيران داخلي لميونخ ثم زيلامسي ثم الرجوع لميونخ وبعدها طيران الى لندن
وانصحك تحذفي لندن لانها شغله بالتأشيره وبقصرالمده
او باريس (طيران داخلي)-ميونخ-زيلامسي -ميونخ-(طيران داخلي))باريس
او عالمصريه
ميونخ -زيلامسي-ميونخ(طيران داخلي لباريس )-باريس

الله يعطيكي العافيه أختي الريم
موضوع الفيزا مشكله لكن انا نفسي ازور لندن عشان كدا راح نظطر نطلع فيزتين
أنا كنت أفضل لندن أخر وجه عشان الشوبنج فلة خليتها في البدايه ماراح اقدر اسوي شوبنخ براحتي عشان لاتزيد حمولة الشنط وتعبنا في التنقلات
مافي طيران من زيلامسي إلى باريس
يعني زيلامسي ما فيها مطار ؟؟؟؟؟

نصيحتي لك حرام المده قصيره جدا وتبغين تروحين ثلاثه بلدان
خلي رحلتك ميونخ - سالزبورغ - زيلامسي - ميونخ
ومو لازم تروحين بالخطوط السعوديه

لا زيلامسي مافيها مطار
((او العكس باريس طيران داخلي لميونخ ثم زيلامسي ثم الرجوع لميونخ وبعدها طيران الى لندن))
تقدرون تزيدون عدد الايام عشان ماترهقون انفسكم؟؟

بنت حواء والريم الله يسعدكم
ممكن نخليها بالكثير 16 يوم عشان الميزاينه وكمان ظروف عمل زوجي
لو كانت 16 ايش تقترحو توزيع الأيام
الريم عجبني اقتراحك باريس - ميونخ - زيلامسي - ميونخ - لندن
طيب من باريس لميونخ كم ساعه بالطياره ؟؟
ومن ميونخ لزيلامسي كم المسافه حتكون بالقطار صح ؟؟

ويوفقك اختي
الطيران من باريس لميونخ والله ماعندي اجابه مؤكده لكن اعتقد ساعه
من ميونخ الى زيلامسي بالقطار 3 ساعات وربع دايركت المهم اطلبوا دايركت لان احيانا يوقف لانزال اشخاص في قرى ومدن
انتم اختاروا دايركت وبالقرب منكم شاشه لاسماء المدن والافضل الذهاب صباحا
وعلى فكره الخروج التشك اوت هناك من الساعه 10 ص
((اذا استئجرتم سياره راح تكون اكثر حريه حتى لوكانت 5 ايام فقط))

اختي حيل حوسه جدولج انتي راح تتعبين وما راح تحسين بالسفره وخاصه الوقت قصير
يا تروحين لندن وبالقطار الي باريس ساعه تقريب
اسبوع لندن واسبوع باريس
لانه علي قولتج اول مره فحلو انج تشوفين كل معالم المهمه للمنطقه الي زايرتها
اما انج تحدين نفسج علي 3 تيام ومايمديج تشوفين شي وكل شي بسرعه حرام والله
او
تختارين
النمسا والسويسري
او النمسا و المانيا
النمسا وايطاليا

يسلمو My Control
بصراحه من كثر ماسمعت وشفت تقارير عن زيلامسي مره نفسي اروحلها ماتتفوت
ولندن وباريس هذولي من اول في بالي الصراحه
بس كلكم حطمتوني
لذي الدرجه السفر والتنقلات متعبه طيب انا مامعيا اطفال
لما رحت ماليزيا كان نفس المده تقريبا وكمان كان في تنقلات بالطياره من كوالالمبور الى لنكاوي ومن لنكاوي لبينينج وبعدين على كوالالمبور بس الجو ينسي الواحد التعب

هلا اختي
اسمعي انتي تبين تسافرين وتستانسين بالسفره
ولا تبين بس اسمج سافرتي لهل دول
ما يصلح سفرتج حيل متعبه
واذا ودج بثلاث دول تقدرين النمسا ايطاليا سويسرا
وطبعا لو انا مكانج وخيروني بين النمسا والسويسرا او لندن وباريس
من غير تفكير النمسا والسويسرا لانههم اجمل مناطق بالعالم
الطبيعه هناك وخاصه النمسا بس انج تركبين السياره وتفرون في هل ارياف متعه ما بعدها متعه
انتي فكري فيها تبين سوقه عالميه (( واساس حنا عندنا سوقه بالخليج مو نا قصنا)) وزحمه ناس وخليجين متقعدين بالقهاوي يخزون الي رايح ولي جاي
ولا تبين استجام وراحه وتشوفين مناظر حلوه يعني هل مناظر نادر ما نشوفها حنا بس كلمة حق زلامسي بهل شهر يكثر فيها الخليجين بس مو مثل لندن وباريس
من راي لندن حلوه باخر شهر 9 وباريس تزورينها اذا قدرتي براس السنه