قبل كل شي ( ني هاو ) للجميع وترى هذي الكلمه الوخيده اللي حفظتها
وثاني شي اكتب من غرفتي بفندق ( بويا ) والكي بورد عنلجيزنزي وحوسه لين اطلع الحروف العربيه وبكن قلت اشارككم بهذا الموضوع وارد ولو قليل من الجميل لهذا الموقع الذي استفدت منه كثيرا
الاقلاع من الدمام على متن الخطوط القطريه وترانزيت بالدوحه لمده ساعه ونصف تقريبا .. قيمة التذكره 3100 ريال
وصبنا شنغهاي بحفظ الله ورعايته وهناك حاسونا حوسه على القهوه والهيل والسكر يفكرونه مخدرات الظاهر .. ايه مو كله منكم تقولون الصين مافيها الا لخم كلاب ومقطعه الله لا يقطعنا فقلت اخذ القهوه والشاي والسكر والشابوره امشي حالي
بعج ان ختمنا الجوازات ظعنا ما ندري وين نروح فالمطار كبير جدا وله مداخل ومخارج كانك داخل لعبه المتهات وفيه ناس يعرضون خدماتهم بالتوصيل الى ييوو ب 1000 رمبي ولكن الاخوان هنا قالو ابد حدك 700 لا تزود عليها فقلت لازم الواحد يكون شاطر ورفصت كل العروض ب 1000 وطلعت خارج المطار عشان التكاسي والاقي هناك ثلة من البشر .. عالم طجم لا يتكلمون لا عربي ولا انجليزي ولا بالاشاره يفهمون .. اخر شي لقبت مكاتب للتأجير وبعد حوسه ومكالمات مدري من يكلمون اخذت تكسي ب 1200 وركبنا التكسي عباره عن فان هونداي .. الا شوي ويوقفنا بمكان عند قندف ويجون اربعه ايرانيين بيركبون معانا وتقوم ( الدعثه ) لين مشينا .. شوي ويرجع صاخب الهونداي ويحوس شوارع شنعهاي لين وقف صاحب فان ثاني ونزل منه اثنبن شوام وركبو معنا قانا الامر لله من قبل ومن بعد .. وعلى اي حال استمتعنا بالرحله من شنغعاي الى ييوو مع الاخوان الشوام
وهنا ساذكر بعذ المالحظات عن مدينه ييوو لعلها تفيد من سيزورها لاحقا
1 - اولا نطق الاسم كما كنت اقرأه في المواقع هو ايوا او ييوا .. وهذا خطأ فنطقعا الصحيح ببوو .. بعني الياء تكسرها وتشدها شد والواو تجمع براطمك كأنك بتصفر وتمد خرف الواو بمقدار حركتين
2 - هنا في ييوو التكاسي اغلبهم نصب واختيال وخاصة مع الخليجين واحيانا تقول بسوي نفسي ذكي وبعاند بس في الاخير انت الخسران وخاصه في بعض المواقف الذي تحتاج فيه الة الوقت
3 - المطاعم هنا جيده وان كان يعيبها الغلاء قليلا .. ويتردد الان في ييو ان صاحب مطعم المائده نصب على البعض بمبلغ 14 مليون يوان وهرب من الصيت
4 - سوق الفوتيان سوق عجيب بضخامته وتنوع بضائعه ولكنه ليس بذلك الرخص الذي يغري الشباب المتحمسين للتجاره من الصين .. كذلك الانواع الموجوده فيه اغلبها خامات افضل من الموجود لدينا في السعوديه ( الاكسسوارات تحديدا ) لذلك اسعارها مرتفعه او متوازيه مع البضائع لدينا او ارخص قليلا ولكن ليس بالشكل الذس كنت اسمعه قبل ان احضر الى هنا
5 - الشعب الصيني بعد يومين من وصوليب الى هنا اكتشفت انه شعب راغي نكته وخفه دم وناس زي العسل لكن يعيبهم عدم اجادتهم لاي لغه غير لغتهم واتوقع لو كانو يفهمون اللغه الانجليزيه او لغات اخرى لسيطرو ثقافبا على كل العالم اضافه لسيطرتهم الصناعيه
6 - القياده هنا في ييوو شي لا يمكن وصفه من الفوضى فلا رجال مرور لتظيم السير زالاشاره حمراء ولا خضراء ما فرقت معهم .. حتى يوم امس واحد صدم راعي طقطق مقابل مطعم ابراهيم الاسلامي ونشب الضعيف وسط الطقطق .. قامو الصينين يحملون الطقطق ويهزونه عشان يطيح المتعلق .. من جد شعب غبي وذكي وصناعي وطيب وكل المتناقضات فيه
7 - هناك شي غريب في الصين .. فانا اعاني من فقرات الرقبه والامها لا تطاق مع الحركه والمشي وحصل ان بدأت المعاناه مع اول يوم لوصولوي فنزلت للصيديله واعطونه حبوب اخذت منها حبه وسبحان الله زالات الالام لمده 24 ساعه مشيت هلالها ما يقارب العشره كيلو في الاسواق والشوارع .. وثاني يوم دخلت الصيدليه وقلت للدكتوره يا بنت الاجواد حبوب مو شعاوم شوفي لي حل .. قالت بعطيك لصقه تضغعا برقبتك وتدعي لي .. فقلت ابد القلب داعي لك من يوم شفت هالوجه الصبوحي .. وبالفعل وضغت اللصفه بمكان الام وسبحان الله ازالات الامل بعد فضل الله عز وجل .. الغريب ان صاحبي ايضا يعاني من الظكمه والحمي من اول يوم وصلنا واعطون خبه اخذعا العصر ونام المغرب وصحي ثاني يوم زي الحصان بعد تعرق طوال الليل .. ياجماعه الظاهر الادويه اللي عندنا مضروبه
8 - قرات هنا الكثير عن روتئح اكل الصينين ولكن لم اتوقع ان يكون بهذا السوء بل كنت اظنها مبالغات فقط ... باحتصار هي ليست رائحه بل غازات سامه على ريحه بواليع على ريحه قيران ميته .. على ريحه فلاش اللي يستخدموه للحمامات .. يعني اي شي _ مصنق _ يخطر ببالك يعتبر امام رائحه اكلهم عطر من عطور الشانزلزيه
9 - سوق الليل هذا السوق العحيب الذي طالما قرأت عنه اصبح كالادمان عندي رغم ان بضائعه ليست بتلك الجوده ولكنه سوق جيد للهدايا والملابس وخاصه اللي يبي يشتري غيرات اثناء مكوثه في مديمه ييوو
اخيرا سؤال لخبراؤ هذه المدينه
اين اجد الماركات المقلده من الشنط النسائبه والساعات والملابس
واتمنى من اي شخص يريد ان يسأل عن شيء في هذه المدينه ان يخبرني قبل رجوعي الى السعوديه باذن الله