مدينة سيبو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حمودي حماده
22-10-2022 - 11:15 pm
هلا والله بالشباب ....والبنات ..........
يالله تمسيهم بالخير اخباركم .....
قبل شوي وانا اتصفح بالمواقع دخلت على موقع بوكينق ....وبحثت بالفنادق ...طبعا اكيد بالورده ....ولقيته اعوذ بالله نارن موقده يعني اسعاره مولعه غالي بالحيل بالحيل حاولت اغير بالتواريخ ونفس الكلام وه بس وش السالفه
طبعا دخلت على موقع اقودا ولقيت سعره ممتاز بعض الشي ...وشفت نفس الفنادق الي شفته بموقع بوكينق ...سواءا بمانيلا بوراكاي بوهول او سيبو ...بس العيب الوحيد الي في اقودا انه ياخذ ضريبه ماتحسب حسابه الا لا بغيت تحجز عكس موقع بوكينق يعطيك شامل القيمه ....
نجي للسؤال ياريت تعطونا رايكم واهم شي يكون مجرب ...لا احد يوهقني ترى بطاقتي الفيزاء راح تطلع الاسبوع الجاي ماودي اروح بخرايطها (اصلا مانيب حاط فيها الا 600 ريال بس والي يبي ياخذهن حلال عليه )
ابغى طريقة الحجز العامه ...انا دخلت وعطاني خطوات بس مافهمت عليه ...يعني هل لازم البطاقة تكون معي او اطبع ورقه قصدي بروشور ولا وش السالفه وهل هم امينين يعني المصادقيه بالحجز ...وطريقة الغاءء الحجز لاقدر الله هل يكون فيه رسوم ...يعني عطوني من طقطق الى مع السلامه ...بالنسبة للحجز.......
يالله يالعمده وريني شغلك ....ولا يهونون الربع
اخوكم
حمودي حماده .......سكر زياده


التعليقات (3)
origami
origami
هلا وغلا حمودي حلا البوابة..
والله ياغالي..على حسب الفندق(جاب العيد) ههه
يعني في فنادق تلقى سعرها في بوكنق أرخص من أقودا والعكس صحيح
لكن استخدم موقع يقارن زي wego أو اكسبيديا.او كياك(kayak) أو قوقل هوتيل
واقودا ياغالي لما تكمل الحجز راح يخصم السعر النهائي من البطاقة بعكس بوكنق
اللي يقولك غالبآ أن الضرايب غير مشمولة..
لا وفوق ذلك راح تحاسب نقدي أول ماتوصل(يعني لازم تشيل الكاش)
الا اذا قالك المبلغ غير مسترد وتم حسمه(عروض قليلة فقط)
وبكذا انا أحب الطريقة الاولى
نجي للمهم حمودي ..لما تحط عينك على فندق خذ أسمه وسوله بحث في القوقل وراح يطلعلك معلومات..عنه
ومن ضمنها رابط الفندق خش عليه وقارن السعر.
وانا أعتقد أن أسياترفل وأقودا مكوشين على شرق آسيا...
بس ماقلتلنا شكل النية قريب

zabinx
zabinx
حمودي تروح وترجع بالسلامة ياحبيبي ,, بالنسبة لي اشوف ان اقودا ارخص ببعض الريالات وترا ما هو هاك الفرق لكن اقودا اكثر فنادق وعروض.
بحثت كمثال على تاريخ 25 مارس في فندق a.venue للغرفة ابوسوح يوم واحد وطلع:
اقودا ب 251
http://www.agoda.com/asia/philippines/manila/the_a_venue_hotel_suites.html?cid=1782013
وبوكنق ب 258
https://www.booking.com/hotel/ph/a-venue-suites.html?aid=1300939
تحياتي

origami
origami
حمودي حماده
طريقة الحجز العامة لازم يكون عندك فيزا وتتبع الخطوات..
طريقة حجز الفنادق عن طريق موقع booking ( بالصور ) ,,
agodaبالعربي
ويوصلك التاكيد عن طريق الايميل
الفوتشر زمان أول كان لازم تتطبعه بس الحين سهالات توصل الفندق وبالأسم يطلع كل البيانت
ومن ناحية الأمان كل المذكور شركات عالمية وموثوقة..
بالنسبة لبوكنق الالغاء قبل 48 ساعة مجاني الا أذا كان عرض مسبق الدفع..
وبالنسبة لأقودا ياخذون رسوم على الالغاء بس التعديل ممكن ونفس الكلام أذا كان عرض راحت فلوسك ياصابر..


خصم يصل إلى 25%