الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
yazeed hhh
07-11-2022 - 08:08 pm
السلام عليكم ورحمه الله وبركاته أخواني ان شاء الله بعد كم شهر سيزور أحد أقاربي الكويت وحبيت اسئل عن الاقمشه الرجاليه ماهو افضل انواع الاقمشه عندكم أنا سمعت انها افضل ونوعيتها وخامتها ممتازه وسعر معقول افضل من عندنا في السعودية.
القماش اللي ابيه يكون قطن وواقف شوي مهوب واقف مره زي اقمشه اخونا الاماراتين وجودته ممتازه
اذا اجد أحد منكم عنده فكره
يقولي الله لايهينه نوع القماش وين ممكن القاه
الله لايهينكم ويرحم الله والدينكم عن النار وجميع المسلمين


التعليقات (8)
اصول2
اصول2
حياهم الله اخوي في الكويت عندك في المباركية مثل ماذكر اخوي بيت الكويت بلوكات للاقمشة الرجالية مثل كاكولي وغيره وعندك في سوق المباركية بسكة الغربللي فيه اقمشة وشمغ وغيره وتحياتي لكم
اختكم اصول.

كابرون 1
كابرون 1
عندك بسوق المباركية وسوق البلوكات بالكويت وسوق الفحيحيل وسوق الفروانية اعتقد الاقمشة الواقفة اقمشة المانية

yazeed hhh
yazeed hhh
جزاكم الله خير ماقصرتو

q8ya metnaqla
q8ya metnaqla
عندك سوق البلوكات والمباركيه
الشتوي احسن شي انجليزي 120 او 130 ..
الصيفي تويوبو ، نيشمبو ... وانواع واايد

yazeed hhh
yazeed hhh
الله يعطيك العافيه خيو
اخوي نيشمبو هل هو نوعيت القماش يجي واقف ؟

q8ya metnaqla
q8ya metnaqla
yazeed hhh
الله يعافيك اخوي ومعاك اختك كويتية
لا مو واقف خامتة حلوه وماتعفس

أحبك يا كويت
أحبك يا كويت
اكثر محل عنده قماش واقف ومتماسك هو سلسلة محلات كاكولي للأقمشة الرجالية ، فيه بالبلوكات وفيه بالمباركية
الأسعار بالغالب من 2 دينار ( 27 ريال ) وانت طالع ، والياباني يوصل ل 6 دينار ( عرضين ) لكن صدقني مهما ارتفع ثمنه يعيش معك الخام وتحس انك لابس ثوب صح واغلب الناس تدقق بثوبك وتسألك من وين شاري القماش ، أنصحك كثيراً بكاكولي بتعجبك أقمشتهم ، اما المحلات اللي عندنا بالسعودية 99.99% منهم يجيبون قماش رديء والمضحك أسعار اقمشتهم الصينية ، تعادل اسعار اقمشة الكويت اليابانية .
اذا كنت بالرياض ابقولك ان المحل الوحيد بهذه المدينة الضخمة اللي عنده اقمشة مشابهه جداً لأقمشة الكويت هو ( ابوصافي ) بشارع الثلاثين بالعليا .
بالتوفيق

yazeed hhh
yazeed hhh
q8ya metnaqla
اسف ما انتبهت زين
جزاك الله خير


خصم يصل إلى 25%