الاسعار تترواح من 1000 الى 2000 بات
لكن السعر المعقول هو بان لا يتجاوز ال 1500 بات،، ويعتمد على نوع التاكسي او السيارة اللي راح توصلك شوف اذا رحت عن المغادرون راح تلقى سعر افضل واقل ،،
واذا بغيت شي مضمون تحجز قبل ما تسافر وعندهم سيارات حلوة ،، ويتواجد لك بالمطار وباسمك واسعارهم:
الكامري : 1200 بات
سيارة عائلية اينوفا: 1400 بات
ميني باص: 2000
وبعطيك موقعهم فيه الارقام وطريقة الحجز مجرد تعطيهم موعد وصولك ورقم الرحلة واسمك ويجونك المطار بلوحة باسمك وما تدفع ولا شي الا لما يتم توصيلك ..
تفضل : http://www.thaicalltaxi.com/

يعطيك العافيه اخوي ولد البحرين انشالله الحين بدش وبحجزلي الكامري

لاتدفع اكثر من الفين اخوي وبرا صالة المطار تحصل يمكن الف بعد بس من داخل المطار اريحلك واحسن بالطريج
انا في بتايا الحين واذا تبي خوي نتشرف

اذا انت مغامر وطايرتك توصل قبل 6 ونص المغرب بانكوك ( يعني الصبح توصل العصر ممتاز )
اسئل عن محطه الباصات راح تلقاهم تحت اخر شي في المطار انزل بسلم وقول
في باص حق بتايا 150 بات تقريبا 180 بات ساعه وربعين دقيقه واصل بتايا محطه الباصات 200 بات للفندق
جربتها اخر سفره متعه والله وشكل الباص روعه زينه وحركات انصحك تجرب المغامره اذا بروحك

الفارس@
يعطيك العافية اخوي الفارس لكن انا سفرتي شهر اربعه انشالله

sport012
والله خوش فكرة وتكون تجربة جديده ، بس عاد الباص مريح ولا ((سكّه)) نفس الي عندنا

الباص عجيب وناسه بس في ناس ماتحب تجرب هشي
والبنسبه للموعد بانكوك كل يوم في باص يوديك من المطار لي محطه بتايا للباصات ومواعيدهم ميه ميه ونفس السرعه
لكن كل يوم في باصات وكل 40 دقيقه في باص اخر باص ست ونص المغرب وبعدها يوقف
راح تضحك وتستانس وكله اجانب معاك
بالتوفيق